Արտյուշ Շահբազյան
Արտյուշ Վարդգեսի Շահբազյան (փետրվարի 18, 1961, Երևան, Հայկական ԽՍՀ, ԽՍՀՄ), Հայաստանի Հանրապետության Ազգային ժողովի նախկին պատգամավոր։
| Արտյուշ Շահբազյան | |
|---|---|
| Ծնվել է | փետրվարի 18, 1961 (63 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Մասնագիտություն | քաղաքական գործիչ |
| Աշխատավայր | Հայաստանի Ազգային ժողովի պատգամավոր |
Կենսագրություն խմբագրել
Արտյուշ Վարդգեսի Շահբազյանը ծնվել է 1961 թվականի փետրվարի 18-ին Երևան քաղաքում։
1984 թվականին ավարտել է Երևանի Խ.Աբովյանի անվան մանկավարժական ինստիտուտի կուլտուրայի ֆակուլտետը` «Թատրոնի ռեժիսոր» մասնագիտությամբ։
1984-1986 թվականներին ծառայել է խորհրդային բանակում։
1986-1989 թվականներին որպես ռեժիսորի ասիստենտ աշխատել է «Հայֆիլմ» կինոստուդիայում[1]։
1990 թվականին ընդգրկվել է Հայ Յեղափոխական Դաշնակցության շարքերը։ 1990 թվականին աշխատել է ՀՅԴ Մամլո և տեղեկատու կենտրոնում` որպես լրագրող, գրասենյակի քարտուղար, 1991-199 թվականներին` ՀՅԴ Բյուրոյի «Ազատամարտ» պաշտոնաթերթում` խմբագիր, քաղաքական բաժնի պատասխանատու, խմբագրապետի տեղակալ։ 1994-1996 թվականներին թղթակցել է ՀՅԴ Բյուրոյի «Դրօշակ» պաշտոնաթերթին և ՀՅԴ այլ պարբերականների։
1990-2006 թվականներին մի քանի անգամ ընտրվել է ՀՅԴ Հայաստանի Կենտրոնական կոմիտեի և Գերագույն մարմնի անդամ։
2007 թվականի մայիսի 12-ին Ազգային ժողովի պատգամավոր է ընտրվել համամասնական ընտրակարգով ՀՅԴ կուսակցությունից։
Ամուսնացած է, ունի երեք երեխա։