Արտավազդ Ալավերդյան

Վիքիպեդիայում կան հոդվածներ Ալավերդյան ազգանունով այլ մարդկանց մասին։

Արտավազդ Գրիգորի Ալավերդյան (1913, Շահումյան, Հայաստան - անհայտ - ), հայ մանկավարժ, Երկրորդ համաշխարհային պատերազմի մասնակից։ ԽՄԿԿ անդամ։

Արտավազդ Ալավերդյան
Ծնվել է	1913
Ծննդավայր	Շահումյան, Հայաստան
Մահացել է	անհայտ
Քաղաքացիություն	Ռուսական կայսրություն և  ԽՍՀՄ
Կրթություն	Երևանի պետական համալսարան
Մասնագիտություն	մանկավարժ և ուսուցիչ
Կուսակցություն	ԽՄԿԿ
Պարգևներ և մրցանակներ	և

Կենսագրություն

Արտավազդ Ալավերդյանը ծնվել է 1913 թվականին, Արտաշատի շրջանի Շահումյան գյուղում։ 1938 թվականին ավարտել է Երևանի պետական համալսարանը։ Աշխատել է Շահումյանի միջնակարգ դպրոցում որպես ուսմասվար։ 1939 թվականի նոյեմբերին զորակոչվել է բանակ։ Ծառայել է 46-րդ տանկային գնդում՝ սկզբում որպես վաշտի ավագ, ապա՝ քաղղեկի տեղակալ։ Երբ սկսեց Հայրենական մեծ պատերազմը, նա Տիրասպոլ քաղաքում էր։ Պատերազմի հենց առաջին օրը 46-րդ գունդը մեկնեց ռազմաճակատ։ Գունդը մասնակցեց Իստրա-Վոլոկոլամսկ ուղղությամբ մղված մարտերին, ուր Արտավազդը ծանր վիրավորվում է։ Ինն ամիս բուժվելուց հետո տեսողությունը վերականգնվում է և նորից մեկնում ռազմաճակատ։ Այս անգամ՝ 33-րդ տանկային բրիգադ։ Մասնակցել է Մերձբալթիկայի Կաունաս և այլ քաղաքների ազատագրմանը։

1946 թվականին զորացրվել է բանակից, նույն թվականին էլ նշանակվել է Շահումյանի միջնակարգ դպրոցի ուսմասվար։ Այդ պաշտոնում աշխատել է մինչև 1978 թվականը։

Պարգևատրվել է «Խիզախության համար», «1941-1945 թթ. Հայրենական պատերազմում Գերմանիայի դեմ տարած հաղթանակի համար» մեդալներով։