Արսեն Վիտալի Գրիգորյան
Անվան այլ կիրառումների համար տե՛ս՝ Արսեն Գրիգորյան (այլ կիրառումներ)
Արսեն Վիտալի Գրիգորյան (նոյեմբերի 8, 1974, Երևան, Հայկական ԽՍՀ, ԽՍՀՄ), հայ դերասան։
 | |
|---|---|
| Ծնվել է | նոյեմբերի 8, 1974 (48 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի թատրոնի և կինոյի պետական ինստիտուտ (2002) |
| Մասնագիտություն | թատրոնի դերասան և կինոդերասան |
Կենսագրություն Խմբագրել
Արսեն Գրիգորյանը ծնվել է 1974 թվականի նոյեմբերի 8-ին Երևանում։ Դպրոցն ավարտելուց հետո 1993 թվականին մոտ մեկ տարի աշխատել է Փարաջանովի անվան թատրոնում որպես դերասան։ Այդ ընթացքում հյուրախաղերով հանդես է եկել Մոսկվայի Տագանկայի թատրոնում, որտեղ «Անավարտ ֆարս մեռյալների ամրոցում» (ռուս.՝ «Неоконченный фарс в замке мертвецов») ներկայացման մեջ հանդես է եկել ծաղրածուի դերով։ 1994 թվականին ընդունվել է Գ. Սունդուկյանի անվան թատրոնին կից դերասանական ստուդիա՝ Խորեն Աբրահամյանի դասարան[1]։
1996 թվականին՝ Համազգային թատրոնի դերասան՝ Սոս Սարգսյանի ղեկավարությամբ։ 1998-2002 թվականներին սովորել է Երևանի թատերական ինստիտուտի դերասանական բաժնում։ Կուրսային բեմադրություններով հանդես է եկել Պատանի հանդիսատեսի և Համազգային թատրոնների բեմերում։ Դերասանի վարպետություն է դասավանդել «Արդինի» ստուդիայում[1]։
2004 թվականից՝ Երևանի Մհեր Մկրտչյան արտիստական թատրոնի դերասան[1]։
Հեռուստասերիալ Խմբագրել
- «Բացի՛ր աչքերդ»
Ծանոթագրություններ Խմբագրել
- ↑ 1,0 1,1 1,2 «Գրիգորյան Արսեն»։ mmat.am։ Արխիվացված է օրիգինալից 2018-03-19-ին։ Վերցված է 2018-01-03