Արսեն Մելիքյան (ճարտարապետ)

Անվան այլ կիրառումների համար տե՛ս՝ Արսեն Մելիքյան (այլ կիրառումներ)

Արսեն Արտուշի Մելիքյան (մարտի 8, 1935(1935-03-08), Երևան, Հայկական ԽՍՀ, ԱԽՖՍՀ, ԽՍՀՄ), հայ ճարտարապետ, ԵԳԱ (1986) և ԵՊՃՇՀ (2000) պրոֆեսոր։

Արսեն Մելիքյան
Ծնվել է	մարտի 8, 1935(1935-03-08) (89 տարեկան)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Կրթություն	ՀԱՊՀ (1958)
Աշխատավայր	Երևաննախագիծ, ԵԿԿ և Բնօրրան պատմական հուշարձանների պահպանման հայկական ընկերություն
Ուշագրավ աշխատանքներ	Կենդանակերպի նշաններ և Օրբելի եղբայրների տուն-թանգարան

Կենսագրություն

• 1958 թվականին ավարտել է Երևանի պոլիտեխնիկական ինստիտուտը
• 1958-1968 թվականներին աշխատել է Երևաննախագիծ ինստիտուտում, 1968 թվականից՝ նախագծի գլխավոր ճարտարապետ
• 1961 թվականից Հայաստանի ճարտարապետների միության անդամ
• 1968-1974 թվականներին` Հայաստանի երիտասարդական կազմակերպությունների կոմիտեի նախագծակոնստրուկտորային բյուրոյի պետ
• 1987 թվականից` պատմական հուշարձանների պահպանման հայկական ընկերության փոխնախագահ
• 1992 թվականից՝ «Դիզայն» ընկերության տնօրեն
• 1989-1995 թվականներին՝ Հայաստանի դիզայներների միության հիմնադիր-նախագահ, 1995 թվականից՝ պատվավոր նախագահ
• 1998 թվականից բնության և հասարակության մասին գիտությունների միջազգային ակադեմիայի անդամ
• 1994 թվականից Երևանի գեղարվեստի ակադեմիայի պրոֆեսոր
• 1999 թվականից Երևանի ճարտարապետության և շինարարության պետական համալսարանի պրոֆեսոր
• 1962-1967 թվականներին՝ խորհրդային ճարտարապետության նվաճումների համամիութենական ստուգատեսի դափնեկիր, 1971 թվականին ՀԼԿԵՄ մրցանակ
• Համահեղինակ է «Երևան» (ռուսերեն, 1968), «Սովետական Հայաստանի ճարտարապետությունը» (ռուսերեն, 1972) գրքերի

Ստեղծագործական գործունեություն

Արսեն Մելիքյանի նախագծերով Երևանում կառուցվել են՝

• Բնակելի տներ Բաղրամյան, Կոմիտաս և Դեմիրճյան փողոցների վրա
• Գիշերօթիկ (1962) և ՆԳՆ (1965, համահեղինակ) դպրոցները Էջմիածնի խճուղու վրա
• Երիտասարդական պալատներ Բրազավիլում (Կոնգո) և Կոնակրե (Գվինեայում), երիտասարդական ճամբար Մարսելում (Ֆրանսիա), 1966-1967
• Սրճարան «Սայաթ-Նովա»« Երևան, 1968
• Հայաստանում զբոսաշրջային ուղիների զարգացման տեխնիկա-տնտեսական հիմնավորում (Սյունիքի մարզ), 1971
• Ալբերտ Ազարյանի անվան պատանի մարմնամարզիկների դպրոցը, 1972
• Մարզադաշտ Վարդենիսում, 1974
• «Կենդանակերպի նշաններ» շատրվան-քանդակ (քանդակագործ` Արարատ Հովսեփյան)
• «Թիավարության հանգրվան» (1965) և «Ծիծեռնակ» միջազգային երիտասարդական ճամբարը (1971, Սևանի ափին)
• Դոմոդեդովոյում (Մոսկվայի մարզ, 1980)` ՌԴ դիզայներների միության ստեղծագործական տունը
• «Շիրակ» (1973) և «Շիրակ-2» (2002-2006, երկուսն էլ՝ համահեղինակ) հյուրանոցները
• Միջազգային ԷՔՍՊՈ, ՀՀ տաղավարի դիզայն-նախագիծ, Կունմինգ, (Չինաստան), 1999
• «Օրբելի եղբայրների տուն-թանգարան»-ի ցուցադրության և ներդրման դիզայն-նախագիծ Ծաղկաձորում, 2009

Տպագրված աշխատություններ

• «Երևան», 1968 թվական (համահեղինակներ՝ Վ. Հարությունյան, Մ. Հասրաթյան)
• «Սովետական Հայաստանի ճարտարապետությունը», 1974, (համահեղինակներ՝ Վ. Հարությունյան, Մ. Հասրաթյան)
• 17 գիտական հոդվածներ, մի շարք ուսումնական ծրագրեր, 10 գիտահետազոտական աշխատանքներ, 25 գիտական հաշվետվություններ, 12 հեղինակային վկայագրեր

Պատկերասրահ

• 
  Կենդանակերպի նշաններ (շատրվան-քանդակ)