Արսեն Թորոսյան
Արսեն Թորոսյան (հունիսի 21, 1982, Երևան, Հայկական ԽՍՀ, ԽՍՀՄ), հայ առողջապահության կազմակերպիչ և պետական գործիչ, 2018 թվականի մայիսի 12-ից մինչև 2021 թվականի հունվարի 18-ը[6] ՝ ՀՀ առողջապահության նախարար, ՀՀ վարչապետի աշխատակազմի նախկին ղեկավար [7]։ ՀՀ ԱԺ 8-րդ գումարման պատգամավոր, «Քաղաքացիական պայմանագիր» խմբակցության անդամ։ Եվրոպական ինտեգրման հարցերի մշտական հանձնաժողովի անդամ։
| Արսեն Թորոսյան | |||
| |||
| |||
|---|---|---|---|
| 2021 հունվարի 18-ը - հուլիսի 1 | |||
| Նախորդող | Էդուարդ Աղաջանյան | ||
| |||
| 2018 մայիսի 12-ից - 2021 հունվարի 18-ը | |||
| Նախորդող | Լևոն Ալթունյան | ||
| Հաջորդող | Անահիտ Ավանեսյան[3] | ||
| |||
| 2021 օգոստոսի 2-ից | |||
| Կուսակցություն՝ | Քաղաքացիական պայմանագիր | ||
| Կրթություն՝ | Երևանի պետական բժշկական համալսարան | ||
| Մասնագիտություն՝ | առողջապահության կազմակերպիչ | ||
| Դավանանք | աթեիզմ[4][5] | ||
| Ծննդյան օր | հունիսի 21, 1982 (41 տարեկան) | ||
| Ծննդավայր | Երևան, Հայկական ԽՍՀ, ԽՍՀՄ | ||
| Ամուսին | Վարդուհի Թևանյան | ||
Կենսագրություն Խմբագրել
Ծնվել է 1982 թվականի հունիսի 21-ին, Երևանում։ 2004 թվականին ավարտել է Երևանի Մխիթար Հերացու անվան պետական բժշկական համալսարանի բուժական ֆակուլտետը՝ բուժական գործ մասնագիտությամբ։ 2006 թվականին ավարտել է ՀՀ ԱՆ Առողջապահության ազգային ինստիտուտը` սոցիալական հիգիենա եւ առողջապահության կազմակերպում մասնագիտությամբ, որտեղ էլ 2006-2009 թվականներին ուսումը շարունակել է ասպիրանտուրայում` հանրային առողջություն և առողջապահության կազմակերպում մասնագիտությամբ։ 2015-2016 թվականներին ծառայել է ՀՀ Զինված ուժերում որպես բուժծառայության լեյտենանտ, այդ թվում՝ ապրիլյան պատերազմի ժամանակահատվածում (զինվորական ծառայությունը տասը ամիս ծառայելուց հետո դադարել է հիվանդության կապակցությամբ)։
Մասնակցել է Առողջապահության կառավարման Միջին Արևելքի ծրագրին (INSEAD, Աբու Դաբի, ԱՄԷ 2010, 1 շաբաթ), հանրային առողջապահության դասընթացի (Վիեննայի բժշկական համալսարան, Վիեննա, Ավստրիա 2008, 1 շաբաթ), Առողջապահության կառավարման եվրոպական ծրագրին (INSEAD, Ֆոնտենբլո, Ֆրանսիա 2007, 1 շաբաթ), Բանակցությունների վարման եւ կոնֆլիկտների հանգուցալուծման դասընթացին (Հարվարդի Համալսարանի Քենեդու անվան դպրոց, Քեմբրիջ, Մասաչուսեթս, ԱՄՆ 2005-2006 թվականներ, 1 շաբաթ), 2004-2005 թվականներին ղեկավարել է «Իրական աշխարհ, իրական մարդիկ» հասարակական կազմակերպությունը։
2010-2011 թվականներին հանդիսացել է ՀՀ ԱՆ տուբերկուլոզի դեմ պայքարի ազգային կենտրոնի մոնիտորինգի և գնահատման բաժնի վարիչ և տնօրենի պաշտոնակատար։ 2011-2015 և 2016-2018 թվականներին եղել է ՄԻԲՍ բժշկական ախտորոշիչ կենտրոնի տնօրեն` կենտրոնը կարճ ժամկետում դարձնելով տոմոգրաֆիայի ոլորտում առաջատար[8]։
Քաղաքական գործունեություն Խմբագրել
Հայաստանի Հանրապետական կուսակցության իշխանության ժամանակահատվածում ունեցել է ընդդիմադիր կեցվածք։ Հանդիսացել է «ՀԻՄԱ» քաղաքացիական նախաձեռնության անդամ։ 2018 թվականի Հայաստանում թավշյա հեղափոխության ժամանակ մասնակցել է քաղաքացիական անհնազանդության պայքարին։
2018 թվականի օգոստոսից հանդիսանում է «Քաղաքացիական պայմանագիր» կուսակցության անդամ[9][10]։ 2018 թվականի մայիսի 12-ին ՀՀ նախագահի հրամանագրով նշանակվել է ՀՀ առողջապահության նախարար[11]։ 2019 թվականի հունիսի 16-ին տեղի ունեցած «Քաղաքացիական պայմանագիր» կուսակցության 5-րդ համագումարի ժամանակ ընտրվել է ՔՊ վարչության անդամ [12][13][14][15]։ 2021 թվականի հունվարի 18-ին ՀՀ Նախագահի հրամանագրով Թորոսյանն ազատվել է առողջապահության նախարարի պաշտոնից[6] և նշանակվել ՀՀ վարչապետի աշխատակազմի ղեկավար[16]։ 2021 թվականի հունիսի 20-ին կայացած արտահերթ խորհրդարանական ընտրությունների արդյունքով ընտրվել է ՀՀ Ազգային ժողովի 8-րդ գումարման պատգամավոր «Քաղաքացիական պայմանագիր» կուսակցության ցուցակով։ ԱԺ եվրոպական ինտեգրման հարցերի մշտական հանձնաժողովի անդամ։
Հասարակական կերպար Խմբագրել
Արսեն Թորոսյանը հայտնի է բանավիճային ակումբներին ակտիվ մասնակցությամբ, զանգվածային կանխարգելիչ պատվաստման[17], հակածխախոտային պայքարի[18] և պարտադիր ապահովագրության[19][20] կողմնակից լինելով, ճանապարհային ոստիկանության աշխատանքի բարելավմանն ուղղված առաջարկներով։
Աթեիստ լինելով[21][22], Թորոսյանը բազմիցս խոսել է եկեղեցու, պետության և կրթության տարանջատման կարևորության մասին, դեմ արտահայտվել հանրակրթական հաստատություններում «Հայոց եկեղեցու պատմություն» առարկայի դասավանդմանը, քրիստոնեական օրացույցի համաձայն շաբաթվա օրերը ոչ աշխատանքային հայտարարելուն[21]։
Ընտանիք Խմբագրել
Ամուսնացած է Հայկական բժշկական ասոցիացիայի նախկին ադմինիստրատիվ քարտուղար Վարդուհի Թևանյանի հետ, ունի երկու զավակ՝ դուստր և որդի։
Ծանոթագրություններ Խմբագրել
- ↑ «Էդուարդ Աղաջանյանն ազատվեց վարչապետի աշխատակազմի ղեկավարի պաշտոնից, նոր ղեկավար նշանակվեց Արսեն Թորոսյանը»։ Ազատ Եվրոպա/Ազատություն ռադիոկայան։ 2021-01-18։ Արխիվացված է օրիգինալից 2021-01-18-ին։ Վերցված է 2021-01-21
- ↑ https://www.gov.am/am/gov-members/795/
- ↑ https://armenpress.am/eng/news/1040544.html
- ↑ Բաց նամակ ՀՀ վարչապետին
- ↑ Հոսանքին հակառակ՝ աթեիստները Հայաստանում
- ↑ 6,0 6,1 «Անահիտ Ավանեսյանը նշանակվեց առողջապահության նախարար»։ «Ազատ Եվրոպա/Ազատություն» ռադիոկայան (հայերեն)։ Վերցված է 2021-01-18
- ↑ «Էդուարդ Աղաջանյանն ազատվեց վարչապետի աշխատակազմի ղեկավարի պաշտոնից, նոր ղեկավար նշանակվեց Արսեն Թորոսյանը»։ Ազատ Եվրոպա/Ազատություն ռադիոկայան։ 2021-01-18։ Արխիվացված է օրիգինալից 2021-01-18-ին։ Վերցված է 2021-01-21
- ↑ «Հաջողության չորս տարիներ ՄՌՏ ծառայությունների մատուցման ոլորտում. Արսեն Թորոսյան | NEWS.am Medicine - Ամենը առողջության եւ բժշկության մասին»։ med.news.am։ Վերցված է 2018-05-24
- ↑ «Արսեն Թորոսյանն անդամագրվել է Քաղաքացիական պայմանագիր կուսակցությանը», (արխիվացված)։
- ↑ «Արսեն Թորոսյանը Քաղաքացիական պայմանագիր կուսակցության անդամ է դարձել», (արխիվացված)։
- ↑ «Արսեն Թորոսյանը նշանակվեց առողջապահության նախարար» (հայերեն)։ Վերցված է 2018-05-24
- ↑ Ովքե՞ր են ՔՊ-ի վարչության նոր կազմի անդամները. նրանք նիստ են հրավիրել, վարչության նախագահ են ընտրում
- ↑ ՔՊ վարչության նոր կազմը հայտնի է. անուններ
- ↑ Ընտրության արդյունքները.ՔՊ վարչության նորընտիր անդամներն են․
- ↑ ««Քաղաքացիական պայմանագիր» կուսակցության 3-րդ վարչության կազմը․»։ Արխիվացված է օրիգինալից 2019-06-17-ին։ Վերցված է 2019-06-17
- ↑ «Էդուարդ Աղաջանյանն ազատվեց վարչապետի աշխատակազմի ղեկավարի պաշտոնից, նոր ղեկավար նշանակվեց Արսեն Թորոսյանը»։ Ազատություն Ռադիոկայան։ 2021-01-18։ Արխիվացված է օրիգինալից 2021-01-18-ին։ Վերցված է 2021-01-21
- ↑ Aravot Daily (2017-11-08), Արսեն Թորոսյան. «Պապիլոմա վիրուսի դեմ պատվաստումից հաշմանդամություն կամ չբերություն չի գրանցվել», https://www.youtube.com/watch?v=2CyoLWayj-k, վերցված է 2018-05-24
- ↑ «Ծխելու արգելք հանրային վայրերում, ծխախոտի վաճառքի սահմանափակում»։ armenpress.am (հայերեն)։ Վերցված է 2018-05-24
- ↑ (անգլերեն) Ես առողջ եմ 27.10.2017, https://soundcloud.com/armradio/27102017a-2, վերցված է 2018-05-24
- ↑ «Շատ ցածր ապահովագրավճարը նշանակում է բժշկական ծառայությունների ցածր որակ. Արսեն Թորոսյան»։ ՄԱՄՈՒԼ.am։ Վերցված է 2018-05-24
- ↑ 21,0 21,1 «Բաց նամակ ՀՀ վարչապետին | Atheist.am»։ http://atheist.am/։ Արխիվացված է օրիգինալից 2018-11-06-ին։ Վերցված է 2018-10-22
- ↑ «Հոսանքին հակառակ՝ աթեիստները Հայաստանում», (արխիվացված)։
| Նախորդող Լևոն Ալթունյան |
ՀՀ առողջապահության նախարար Արսեն Թորոսյան մայիսի 12, 2018 - հունվար 18, 2021 |
Հաջորդող Անահիտ Ավանեսյան |