Արշակ Գառնիկյան

Արշակ Հարությունի Գառնիկյան (Արշակ Գառնի, նոյեմբերի 21, 1931(1931-11-21), Բեյրութ, Լիբանան - ապրիլի 14, 2014(2014-04-14), Փարիզ), ֆրանսահայ նկարիչ։

Արշակ Գառնիկյան
Ծնվել է	նոյեմբերի 21, 1931(1931-11-21)
Ծննդավայր	Բեյրութ, Լիբանան
Վախճանվել է	ապրիլի 14, 2014(2014-04-14) (82 տարեկան)
Մահվան վայր	Փարիզ
Քաղաքացիություն	Լիբանան և  Ֆրանսիա
Կրթություն	Գրան–Շոմիե ակադեմիա
Մասնագիտություն	նկարիչ

Կենսագրություն

Արշակ Գառնիկյանը ծնվել է 1931 թվականին Բեյրութում։ Արվեստի ու երաժշտության նկատմամբ սերն ի հայտ է եկել վաղ տարիքում։ Գործունեությունը սկսել է որպես թատերական նկարիչ, ձևավորել է Լևոն Շանթի «Հին աստվածներ», «Շղթայվածը» և այլ ներկայացումներ։ Ձևավորել է Բեյրութի Համազգայինի Գասպար Իփեկյան թատերախմբի մի շարք բեմադրություններ։ 1958 թվականից հաստատվել է Փարիզում, հաճախել է Գրանդ Շոմեր ակադեմիա, երեք տարի հետևել է Լուվրի ազատ արվեստանոցների դասընթացներին։

Աշխատանքներում իրականությունը պատկերել է այլաբանորեն, վերացարկված։ Փարիզի կենտրոնում ունեցել է իր արվեստանոցը։ Ստեղծագործություններից գտնվում են Հայաստանի ազգային պատկերասրահում։

Մահացել է 2014 թվականի ապրիլի 14-ին Փարիզում։

Ցուցահադնեսներ

Մասնակցել է Փարիզի սալոնի խմբակային ցուցահանդեսներին

Անհատական ցուցահանդես է ունեցել Փարիզի Ունիվերսիտե (1957) սրահում և Բելգիայում (1975):

Ստեղծագործություններ

• «Ինքնանկար» («Տղայի դիմանկարը»), ՀԱՊ, 1959 թ.
• «Նատյուրմորտ», ՀԱՊ, 1959 թ.
• «Դիմանկար» , ՀԱՊ, 1959 թ.
• «Հանդիպում», 1963 թ.
• «Ապրիլյան մի գիշեր», ՀԱՊ, 1973 թ.
• «Հորինվածք», 1981 թ.
• «Կապակցություն», 1983 թ.
• «Զվարթնոց», ՀԱՊ, 1984 թ.
• «Նկարիչը», ՀԱՊ, 1986 թ.
• «Շարական» նկարաշարք», ՀԱՊ, 1988 թ.
• «Բնանկար», 1999 թ.

Թատերական ձևավորումներ

• «Հին աստվածներ», Լևոն Շանթ
• «Շղթայվածները», Լևոն Շանթ