Արշալույս Գույումճյան
Արշալույս Վահանի Գույումճյան (Քյուրքճյան, 1900-ական թթ., Այնթապ - 1965, մայիսի 12, Նյու Յորք, ԱՄՆ), հայ դերասանուհի, մշակութային գործիչ[1]։
 | |
|---|---|
| Ծննդավայր | Այնթապ |
| Մահվան վայր | Նյու Յորք |
| Քաղաքացիություն |  ԱՄՆ |
| Ազգություն | հայ |
| Մասնագիտություն | դերասանուհի |
1915 թվականին կորցրել է ծնողներին, հայտնվել որբանոցներում։ 1922 թվականին տեղափոխվել է ԱՄՆ, որտեղ մասնակցել է հայկական թատերախմբի ներկայացումներին։ Շիրվանզադեի՝ ԱՄՆ-ում գտնվելու օրերին «Պատվի համար»-ում կատարել է Մարգարիտի դերը։ Հետագայում այդ դերը խաղացել է Հովհաննես Աբելյանի (Էլիզբարով) հետ։ Նույն խմբում հանդես է եկել նաև Կորդելիայի դերում («Լիր արքա»), իսկ Հովհաննես Զարիֆյանի հետ «Համլետ»-ում կատարել է Օֆելիայի դերը։ Հետագա տարիներին միշտ կապված է եղել ամերիկահայ թատրոնի, հաճախ էլ հանդես է եկել որպես խմբավար-ռեժիսոր[2]։
Մամուլում հանդես է եկել հրապարակումներով. օգտագործել է Ա., Ա. Գ. ծածկանունները[1]։
Ծանոթագրություններ խմբագրել
- ↑ 1,0 1,1 Բախտիար Հովակիմյան, Հայոց ծածկանունների բառարան, Ե., ԵՊՀ հրատ., 2005, էջ 592։
- ↑ Գառնիկ Ստեփանյան, Կենսագրական բառարան, հ. Ա, Ե., «Հայաստան», 1973, էջ 270։