Արմո Հարենց
Արմո Բագրատի Հարենց (Արամայիս Բագրատի Հարությունյան, մայիսի 20 (հունիսի 2), 1910 կամ մայիսի 20, 1910[1], Իջևան - դեկտեմբերի 15, 1995, Մոսկվա, Ռուսաստան), հայ պատմաբան։ Պատմական գիտությունների դոկտոր, պրոֆեսոր։
Արմո Հարենց | |
|---|---|
| Ծնվել է | մայիսի 20 (հունիսի 2), 1910 կամ մայիսի 20, 1910[1] Իջևան |
| Մահացել է | դեկտեմբերի 15, 1995 (85 տարեկան) Մոսկվա, Ռուսաստան |
| Գերեզման | Երևան |
| Մասնագիտություն | պատմաբան |
| Հաստատություն(ներ) | Կանչ, ՀՀ ԳԱԱ պատմության ինստիտուտ և Պետական կառավարման ինստիտուտ |
| Ալմա մատեր | ԵՊՀ պատմության ֆակուլտետ (1938) |
| Գիտական աստիճան | պատմական գիտությունների դոկտոր և պրոֆեսոր (1949) |
| Պարգևներ |  |
| Կուսակցություն | ԽՄԿԿ |
Կենսագրություն
խմբագրելԱրմո Հարենցը ծնվել է 1910 թվականի մայիսի 20-ին Իջևանում։ 1938 թվականին ավարտել է Երևանի պետական համալսարանի պատմության ֆակուլտետը։ 1928-1959 թվականներին աշխատել է ՀԼԿԵՄ և ՀԿԿ մարմիններում։ 1930-1933 թվականներին եղել է «Պիոներ կանչ» և «Պիոներ ղեկ» պարբերականների խմբագիր։ 1947-1950 թվականներին` Լենինականի, 1952-1953 թվականներին` Երևանի քաղկոմների առաջին քարտուղար։ 1947 թվականին պաշտպանել է դոկտորական ատենախոսություն, 1949 թվականին՝ ստացել պրոֆեսորի կոչում։ 1959-1963 թվականներին եղել է ՀԽՍՀ ԳԱ Պատմության ինստիտուտի տնօրեն, 1963-1967 թվականներին` Հեռակա մանկավարժական ինստիտուտի ռեկտոր։ 1968-1975 թվականներին դասախոսել է ԵՊՀ-ում։ 1975-1995 թվականներին եղել է Մոսկվայի Սերգո Օրջոնիկիձեի անվան կառավարման ինստիտուտի պատմության ամբիոնի վարիչ[2]։
Մահացել է 1995 թվականի դեկտեմբերի 15-ին Մոսկվայում, թաղված է Երևանում[3]։
Ստեղծագործություններ
խմբագրելԱշխատությունները վերաբերում են Անդրկովկասի հեղափոխական շարժման, Հայաստանի սոցիալիստական շինարարության պատմությանը։ Մասնակցել է «Հայ ժողովրդի պատմություն» (հ. 8, 1970) ակադեմիական հրատարակության ստեղծմանը[4]։
- Ստալինը հայ ժողովրդի ազատարար/Сталин освободитель армянского народа, 1940:
- Վերածնված երկիրը, 1940։
- Սիմոն Տեր-Պետրոսյան (Կամո)։ Կենսագրական համառոտ ակնարկ, 1956։
- Արևելքի ժողովուրդների առաջին համագումարը, 1960։
- Сталин и революционное движение в Армении в 1905-1907 г., 1940.
- Народы Закавказья в борьбе против царизма в годы первой русской революции, 1957.
- Камо: Жизнь и революц. деятельность, 1958.
- Атлас Армянской Советской Социалистической республики, 1961.
- Дважды герой Советского Союза Н. Степанян, 1968.
- Հոկտեմբերի լենինյան դեկրետները և նրանց արձագանքները Անդրկովկասում, Երևան, Հայկական ԽՍՀ ԳԱ, 1969, 118 էջ։
- Անխախտ բարեկամություն, Երևան։ Հայաստան, 1969, 382 էջ։
Ծանոթագրություններ
խմբագրել- ↑ 1,0 1,1 http://am.hayazg.info/index.php?curid=9833
- ↑ Երևանի պետական համալսարանի պատմության 90-ամյա ֆակուլտետը։ Եր.: Բավիղ, էջ 396։
- ↑ Արմո Հարենց, ԵՊՀ Հայագիտական հետազոտությունների ինստիտուտ:
- ↑ «Koha online catalog › Entry». haygirk.nla.am. Վերցված է 2019 թ․ հունվարի 30-ին.
 | Վիքիդարանն ունի նյութեր, որոնք վերաբերում են «Արմո Հարենց» հոդվածին։ |