Արմեն Մալխասյան
Արմեն Սամվելի Մալխասյան (դեկտեմբերի 24, 1969, Երևան, Հայկական ԽՍՀ, ԽՍՀՄ), հայ գրող, վիպասան։
Արմեն Մալխասյան | |
|---|---|
| Ծնվել է | դեկտեմբերի 24, 1969 (54 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Մասնագիտություն | գրող և վիպասան |
| Քաղաքացիություն |  ԽՍՀՄ և  Հայաստան |
| Կրթություն | ՀԱՊՀ (1995) |
Կենսագրություն խմբագրել
Արմեն Մալխասյանը ծնվել է 1969 թվականի դեկտեմբերի 24-ին Երևանում։ 1977-1987 թվականներին սովորել է թիվ 120 միջանկարգ դպրոցում։ 1987-1995 թվականներին սովորել է Երևանի պոլիտեխնիկական ինստիտուտի էլեկտրատեխնիկական ֆակուլտետի Երեկոյան էլեկտրաէներգետիկական բաժնում։ 1988-1990 թվականներին ծառայել է ԽՍՀՄ Զինված ուժերում[1]։
Ընտանիքը խմբագրել
Կինը՝ Գոհար Դիլանյան Երեխաները՝
- Աննա Մալխասյան
- Սոնա Մալխասյան
- Արգիշտի Մալխասյան
Ստեղծագործություններ խմբագրել
Արմեն Մալխասյանը գրական գործունեությամբ սկսել է հետաքրքրվել 7-8 տարեկանից, սակայն լրջորեն զբաղվել է 2000 թվականից։ Իր ստեղծագործությունները հիմնականում պատմական ժանրի մեջ են, որը վառ արտացոլվել է իր բանաստեղծությունների, պատմվածքների, վիպակների և պատմավեպերի մեջ[1]։
2010 թվականին լույս տեսած «Տիգրան Մեծ» պատմավեպում նա փորձել է արքային ներկայացնել ոչ իբրև խորհրդանիշ-թագավոր, այլ որպես սովորական մարդ, որը բավականին բարդ ճակատագիր է ունեցել։ Արմեն Մալխասյանը իր պատմավեպը նվիրել է Տիգրան Մեծի ծննդյան 2150-ամյակին[2]։
Երկերի մատենագիտություն խմբագրել
- «Հայկ և Բել», 2002, (վիպակ)[3].
- «20.000 տաղանդ Ծոփքի համար», 2006 (պատմավեպ).
- «Տիգրան Մեծ», 2010 (պատմավեպ)[2].
- «Բալլադ պաշտոնի մասին», 2010 (վիպակ).
- «Ճակատագրական Սիգարետը», 2011 (վիպակ).
- «Վիրավորանք», 2012 (պատմվածք).
- «Լամասարի Գեղեցկուհին», 2013 (պատմավեպ).
- «Արամ Հարիգանի ոդիսականը», 2015 (ֆանտաստիկ վեպ)[4].
- «Հազկերտի ցասումը», 2015 (պատմավեպ).
- «Պոետը և աղջիկը», 2016 (պատմվածք)
- «Թե ինչպես Խոջա Նասրեդինը ծանոթացավ իր էշի հետ», 2017 (պատմվածք).
- «Ասորիքի փոխարքան», («Տիգրան Մեծ» պատմավեպի շարք) 2021
- «Թզուկների քաղաքը» (դիցապատում). 2022
- «Դյութիչ կղզու գանձը» (դիցապատում). 2022
- «Հայկ և Բել» (Հայրենի պատմություններ շարք) 2022
- «Արամ թագավոր» (Հայրենի պատմություններ շարք) 2022
- «Տորք Անգեղ» (Հայրենի պատմություններ շարք) 2022
- «Արուբանե աստվածուհու կնքամատանին» (Հայրենի պատմություններ շարք) 2022
- «Վարազդատ Արշակունի» (Հայրենի պատմություններ շարք) 2023
Անավարտ ստեղծագործություններ խմբագրել
- «Սինդբադի յոթ նավարկությունների տարեգրությունը»
- «Կրոնական պատերազմներ», (Հազկերտի ցասումը վեպի շարունակությունը).
- «Արամը և Խաչակրաց արշավանքը», (ֆանտաստիկ վեպ).
- «Քաջ Նազար»
- «Խաչագողի հիշատակարանը», (Րաֆֆու համանուն վեպի հիման վրա).
- «Տիգրան Մեծ» (վեպի նոր խմբագրված տարբերակը).