Արմեն Դոնելյան
Արմեն Հովհաննեսի Դոնելյան (անգլ.՝ Armen Donelian, դեկտեմբերի 1, 1950[1], Նյու Յորք, Նյու Յորք, ԱՄՆ), հայ դաշնակահար, կոմպոզիտոր, ջազմեն։
| Արմեն Դոնելյան | |
|---|---|
| Ծնվել է | դեկտեմբերի 1, 1950[1] (73 տարեկան) Նյու Յորք, Նյու Յորք, ԱՄՆ |
| Երկիր |  ԱՄՆ |
| Ժանրեր | ջազ |
| Մասնագիտություն | դաշնակահար, ջազ երաժիշտ և երաժշտության դասախոս |
| Գործիքներ | դաշնամուր |
| Աշխատավայր | Մանհեթենի երաժշտական դպրոց |
| Կրթություն | Կոլումբիայի համալսարան (1972) |
| Կայք | armenjazz.com |
Կենսագրություն խմբագրել
Արմեն Դոնելյանը ծնվել է 1950 թվականին, Նյու Յորքում, դիզայներ, արևելյան գորգեր ներմուծող Հովհաննես Դոնելյանի ընտանիքում։ Նվագել է վեց տարեկանից։ 14 տարեկանում ջազային նվագախմբի հետ տվել է առաջին համերգը։ Ավարտել է կոնսերվատորիան և հանդես եկել համերգներով, կատարել Յոհան Սեբաստիան Բախի, Լուդվիգ վան Բեթհովենի, Կլոդ Դեբյուսիի, Սերգեյ Պրոկոֆևի ստեղծագործությունները։ 1972 թվականին ավարտել է Կոլումբիայի համալսարանն երաժշտության բակալավրի աստիճանով։ Աշխատել է ջազի նշանավոր գործիչներ Լայոնել Հեմփթոնի, Սանի Ռոլինսի և այլոց հետ։
1980-ականներին ստեղծել է «Էսենս» ջազ համույթը, թողարկել ձայնապնակներ, հանդես եկել տարբեր երկրներում։ 1986 թվականից դասավանդում է ջազային երաժշտություն։ Մշակել է հայկական մեղեդիներ ջազի համար, ալբոմ թողարկել երգչուհի Տաթևիկ Հովհաննիսյանի և պրոդյուսեր Ջորջ Ավագյանի հետ համատեղ։ Նրա հետ համագործակցել են նաև հայազգի փողահար Բարի Դանիելյանը և հարվածային գործիքներ նվագող Արտո Թունջբոյաջյանը։ 1998-2000, 2002 թվականներին համերգներով հանդես է եկել Հայաստանում[2][3]։
Սկավառակագրություն խմբագրել
- Stargazer (1980)
- A Reverie: Solo Piano (1984)
- Secrets (1988)
- Trio '87 (1988)
- The Wayfarer (1990)
- Wave (2000)
- Mystic Heights (2002)
- Quartet Language (2003)
- Full Moon Music (2005)
- All or Nothing at All (2006)
- Oasis (2007)
- Leapfrog (2010)
- Sayat-Nova: Songs Of My Ancestors (2014)
- Trying to Make Heaven My Home (MPS, 1979)
- The Believer (Baystate, 1980)
- The Billy Harper Quintet (Poljazz, 1981)
- Jazz Jamboree 1980 Various Artists (Polskie Nagrania Muza, 1983)
- Afro-Indio (Vaya/Fania, 1975)
- Sofrito (Vaya/Fania, 1976)
- Mongo and Justo (Vaya/Fania, 1976)
- A La Carte (Vaya/Fania, 1976)
- Moments (RCA/Novus, 1987)
- In Wonderland (PolyGram/EmArcy, 1996)
- Petals On Your Path (PolyGram/EmArcy, 1999)
- Commit To Memory (Pathfinder, 1976; Bomba, 1998)
- Composer In Public (RSVP, 1996)
- Reconstituted (RSVP, 1999)
- Nightwork (Cadence, 1984)
- Hurricane (Sunnyside, 1987)
- Listen To My Heart (Sony, 1998)
- Mixing America (Huiksi, 1996)
- Step Into Our Life (Polydor, 1978)
- Cosmology (Vanguard, 1978)
Ծանոթագրություններ խմբագրել
- ↑ 1,0 1,1 Discogs — 2000.
- ↑ «Արմեն Դոնելյանի կենսագրությունը avproduction.am կայքում». Արխիվացված է օրիգինալից 2021 թ․ մարտի 4-ին. Վերցված է 2018 թ․ փետրվարի 20-ին.
- ↑ Ա. Բախչինյան, «Հայազգի գործիչներ»