Արմեն Բուդաղյան

Արմեն Գևորգի Բուդաղյան (1936, նոյեմբերի 5, Երևան)՝ հայ երաժշտագետ, Երևանի Կոմիտասի անվան պետական կոնսերվատորիայի պրոֆեսոր, ՀՀ արվեստի վաստակավոր գործիչ (2009)։

Արմեն Բուդաղյան
Ի ծնե անուն	Արմեն Գևորգի Բուդաղյան
Ծնվել է	նոյեմբերի 5, 1936 (83 տարեկան) Երևան
Մասնագիտություն	երաժշտագետ
Աշխատավայր	Հայաստանի ազգային ֆիլհարմոնիկ նվագախումբ, Երևանի Կոմիտասի անվան պետական կոնսերվատորիա և Երևանի թատրոնի և կինոյի պետական ինստիտուտ
Կրթություն	Երևանի Կոմիտասի անվան պետական կոնսերվատորիա
Պարգևներ	Հայաստանի արվեստի վաստակավոր գործիչ, Մովսես Խորենացու մեդալ և ՀՀ մշակույթի նախարարության ոսկե մեդալ

ՀԽՍՀ ժողովրդական արտիստ Գևորգ Բուդաղյանի որդին է։

Աջից՝ ձախ. երաժշտագետներ Ալինա Փահլևանյան, Գևորգ Գյոդակյան, Սուսաննա Ամատունի, Արմեն Բուդաղյան և կոմպոզիտոր Գեղունի Չթչյան, 2001 թվական, ՀՀ ԳԱԱ, Առնո Բաբաջանյանին նվիրված գիտաժողով

Կրթություն

• 1960 թ. ավարտել է Երևանի Կոմիտասի անվան պետական կոնսերվատորիայի ջութակի, 1963 թ.՝ երաժշտագիտության բաժինները։
• 1967 թ. ավարտել է Լենինգրադի կոնսերվատորիայի ասպիրանտուրան՝ որպես երաժշտագետ։
• 1970 թ. Լենինգրադի կոնսերվատորիայում պաշտպանել է թեկնածուական թեզ («Ջութակի սոնատի զարգացման ուղիները Հայաստանում») թեմայով:

Աշխատանքային գործունեություն

• 1963 թվականից վարում է համերգ-դասախոսություններ մանկապատանեկան լսարանի համար («Դպրոցականի ֆիլհարմոնիա»)։
• 1963 թվականից Հայաստանի պետական ֆիլհարմոնիկ նվագախմբի երաժշտական խմբագիրն է։
• 1967 թվականից Երևանի Կոմիտասի անվան պետական կոնսերվատորիայում դասավանդում է երաժշտության պատմություն։
• 1993 թվականից դասավանդում է Երևանի թատրոնի և կինոյի պետական ինստիտուտում:

Երաժշտագիտական գործունեություն

Երաժշտագիտական գործունեությունը վերաբերում է հայ երաժշտությանը վերաբերող ուսումանսիրություններին (ԵՊԿ պատմություն, կոմպոզիտորներին և երաժշտագետներին վերաբերող մենագրություններ)։

Հրատարակված աշխատություններ

• Հրաչյա Բոգդանյան, 1994
• Ալեքսանդր Չաուշյան, 1995
• Կարպ Սավելևիչ Դոմբաև, 1996 (ռուսերեն)
• Ջութակահար Հակոբ Վարդանյանը, 1998 (ռուսերեն)
• Ավետ Գաբրիելյանը ուղու սկզբին, 1999 (ռուսերեն)
• Ալեքսանդր Հարությունյան. Հուշեր (հեղինակ-կազմող), 2000 (ռուսերեն)
• Ալեքսանդր Հարությունյան։ Հուշեր (կազմող-հեղինակ), 2000
• Ադամ Խուդոյան. Հուշեր (հեղինակ-կազմող), 2001 (ռուսերեն)
• Վիլլի Մոկացյան, 2002 (ռուսերեն)
• Կ. Ս. Սարաջևը և նրա անվան Մոսկովյան սիմֆոնիկ նվագախումբը (հեղինակ-կազմող), 2002 (ռուսերեն)
• Էդվարդ Միրզոյան. «Ֆրագմենտներ» (հեղինակ-կազմող), 2005 (ռուսերեն)
• Կարեն Կոստանյան (երաժիշտ, ուսուցիչ, ընկեր), 2008 (ռուսերեն)
• Երևանյան Կոմիտասի անվան պետական կոնսերվատորիան-85 (նկարներում, փաստաթղթերում, ասույթներում), 2008 (ռուսերեն)
• Վահե Ահարոնյան, 2011 (ռուսերեն)
• Լևոն Զորյան, 2012 (ռուսերեն)

Կոչումներ, մրցանակներ

• Արվեստագիտության թեկնածուի գիտական աստիճան, 1970
• ԵՊԿ պրոֆեսոր, 1989
• Հայաստանի Հանրապետության արվեստի վաստակավոր գործիչ (2009)
• Երևանի քաղաքապետի ոսկե մեդալ, 2012
• Մովսես Խորենացու մեդալ, 2017
• ՀՀ մշակույթի նախարարության ոսկե մեդալ, 2017