Արթուր Թարխանյան

Արթուր Արտավազդի Թարխանյան (փետրվարի 23, 1932(1932-02-23), Երևան, Հայկական ԽՍՀ, ԱԽՖՍՀ, ԽՍՀՄ - ապրիլի 6, 2006(2006-04-06), Երևան, Հայաստան), ճարտարապետ, ՀԽՍՀ վաստակավոր (1972), ՀԽՍՀ ժողովրդական (1987) ճարտարապետ։ Ճարտարապետության միջազգային ակադեմիայի Մոսկվայի մասնաճյուղի (1992), ՀՃԱ (1996) պատվավոր անդամ։

Արթուր Թարխանյան
Ծնվել է	փետրվարի 23, 1932(1932-02-23)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Մահացել է	ապրիլի 6, 2006(2006-04-06) (74 տարեկան)
Վախճանի վայր	Երևան, Հայաստան
Ազգություն	հայ
Կրթություն	Հայաստանի ազգային պոլիտեխնիկական համալսարան
Պարգևներ	«Պատվո նշան» շքանշան, Անանիա Շիրակացու մեդալ, ԺՏՆՑ ոսկե մեդալ, Համամիութենական Լենինյան Կոմերիտմիության Մրցանակներ, ԽՍՀՄ պետական մրցանակ և ԽՍՀՍ Նախարարների խորհրդի մրցանակ
Արթուր Թարխանյան Վիքիդարանում

Կենսագրություն

1957 թվականին ավարտել է Երևանի պոլիտեխնիկական ինստիտուտը։

1957 թվականից աշխատում է Հայպետնախագիծ ինստիտուտում, 1969-1986 թվականներին՝ տիպային նախագծման արվեստանոցի ղեկավար, 1990 թվականից՝ գլխավոր ճարտարապետ։ 1986-1989 թվականներին՝ ՀՀ պետշինի նախագահի առաջին տեղակալ։

1968 թվականից դասավանդում է Երևանի ճարտարապետության և շինարարության պետական համալսարանում (պրոֆեսոր՝ 1993 թվականից)։

Եղել է ՀԽՍՀ Գերագույն Խորհրդի պատգամավոր (1980-1989)։

1997 թվականին Երևանի Ճարտարապետության ազգային թանգարան-ինստիտուտում բացվել է Արթուր Թարխանյանի ստեղծագործությունների ցուցահանդեսը։

Նախագծեր

Համահեղինակների հետ Արթուր Թարխանյանի նախագծերով Երևանում կառուցվել են՝

• ՀՀ ԳԱԱ Հասարակական գիտությունների ինստիտուտների մասնաշենքերը (1955-1972)
• «Ռոսիա» կինոթատրոնը (1970-1974, ԽՍՀՄ Նախարարների խորհրդի մրցանակ, 1979)
• Երիտասարդության պալատը (1970-1985, ՀամԼԿԵՄ մրցանակ, 1981)
• «Զվարթնոց» օդանավակայանը (1981, ՀԽԱՀ Պետական մրցանակ՝ 1985)
• Մարզահամերգային համալիրը (1984, ԽՍՀՄ Պետական մրցանակ՝ 1987)
• «էրեբունի-3» բնակելի միկրոշրջանը
• Բնակելի շենքեր Երևանի Սարյան, Չարենցի և Թամանցիների փողոցներում։

Արթուր Թարխանյանը շուրջ 2 տասնյակ հուշարձանների ճարտարապետ է։

• Մեծ եղեռնի զոհերի հուշահամալիր (Երևան, 1967)
• Մարտիրոս Սարյանի հուշարձան (Երևան, 1986)
• Խորհրդային Հայաստանի 50-ամյակի հուշարձանը (Դիլիջան, 1970)
• Հայրենական պատերազմում զոհվածների (Դսեղ, Տաթև, Բազմաբերդ)
• Շառլ Ազնավուրի արձանը (Գյումրի, 2001)։

Նրա նախագծմամբ Երևանում կառուցվել են

Ձեռքբերումներ

• Երիտասարդ ճարտարապետների ստեղծագործության դափնեկիր (1962, 1968)
• Խորհրդային ճարտարապետության նվաճումների դափնեկիր (1973-1977)
• «Տարվա լավագույն կառույց» (1982, ոսկե մեդալ)
• «Տարվա լավագույն ստեղծագործություն» (1985, համամիութենական ստուգատեսների դափնեկիր)
• ԽՍՀՄ ԺՏՆՑ-ի ոսկե մեդալ
• Անանիա Շիրակացու (1998) մեդալ
• Ալեքսանդր Թամանյանի մեդալ

Ընտանիք

Ամուսնացած էր, կինը՝ Գուբիևա Զառեմա, դուստրը՝ Անահիտ Թարխանյան:

Պատկերասրահ

• 

  Ռոսիա կինոթատրոնի շենքը

• 

  Զվարթնոց օդանավակայանի հին մասնաշենքի մանրակերտը

• 

  Զվարթնոց օդանավակայանի հին մասնաշենքը

• 

  Մարզահամերգային համալիրը

• 

  Մեծ եղեռնի զոհերի հուշահամալիր

• 

  Խորհրդային Հայաստանի 50-ամյակի հուշարձանը Դիլիջանում

• 

  Մարտիրոս Սարյանի հուշարձանը Երևանում

• 

  Շառլ Ազնավուրի հուշարձանը Գյումրիում

Տես նաև

• Արթուր Թարխանյան կենտրոն

Արտաքին հղումներ

• Դիլիջանում տեղադրված Խորհրդային Հայաստանի 50-ամյակի հուշարձանի լուսանկարներ