Արա Երնջակյան

Արա Հարությունի Երնջակյան (մարտի 2, 1951(1951-03-02), Երևան, Հայկական ԽՍՀ, ԽՍՀՄ), հայ ռեժիսոր, դրամատուրգ, ՀՀ արվեստի վաստակավոր գործիչ, ՀՀ ժողովրդական արտիստ, Երևանի Կամերային թատրոնի գեղարվեստական ղեկավար։

Արա Երնջակյան
Ծնվել է	մարտի 2, 1951(1951-03-02) (72 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Հայաստանի ազգային պոլիտեխնիկական համալսարան և Երևանի պետական գեղարվեստաթատերական ինստիտուտ
Քաղաքացիություն	Հայաստան
Մասնագիտացում	ռեժիսոր դրամատուրգ
Պարգևներ	Հայաստանի Հանրապետության արվեստի վաստակավոր գործիչ և Հայաստանի ժողովրդական արտիստ
IMDb	ID ID 6607155

Կենսագրություն

Արա Երնջակյանը ծնվել է 1951 թվականին Երևանում։ 1974 թվականին ավարտել է Երևանի ճարտարագիտական համալսարանի տեխնիկական կիբեռնետիկայի ֆակուլտետը, իսկ 1982 թվականին՝ Երևանի գեղարվեստա-թատերական ինստիտուտը՝ ստանալով ռեժիսորի որակավորում։

1971-1972 թվականներին Երնջակյանի կողմից ստեղծված ՈՒՀԱ-ի թիմը առաջին անգամ ներկայացրեց Հայաստանը Մոսկվայում՝ ՈՒՀԱ-ի Համախորհրդային խաղերին։ 1982 թվականին հիմնեց Երևանի Կամերային թատրոնը և հանդիսանում է նրա գեղարվեստական ղեկավարը։

Երնջակյանն ավելի քան 20 պիեսի, 5 կինոսցենարների, մի շարք գիտական աշխատանքների հեղինակ է, որոնց մի մասն ընդգրկվել է նրա ստեղծագործությունների 4 հատորյակում։ Բեմադրել է ավելի քան 50 ներկայացում, տասնյակ մեծածավալ միջոցառումներ, նկարահանել է 2 լիամետրաժ ֆիլմ։

1996 թվականից Երնջակյանն առաջին անգամ Հայաստանում կազմակերպեց «Միսս Հայաստան» գեղեցկության ազգային մրցույթը։ 1998 թվականին հիմնել է Երկաթ TV - Փրոդաքշն (Յան ԹիՎի) հեռուստաընկերությունը։ 1998-2001 թվականներին Երնջակյանը եղել է Երևան քաղաքի քաղաքապետարանի Մշակույթի, սպորտի և երիտասարդության գծով ղեկավարը։

2009 թվականի մայիսին ՀՀԿ համամասնական ցուցակով ընտրվել է Երևանի ավագանու անդամ։

2013 թվականի մայիսի 5-ին Հայաստանի Հանրապետական կուսակցության համամասնական ցուցակով ընտրվել է Երևանի ավագանու անդամ։  

Պիեսներ

Տարեթիվ	Պիես
1973	Յոթ կատակ Հայաստանից
1976	Պարոնա՛յք, ամեն ինչ կործանվում է, բայց դեռ կարելի է ապրել և զվարճանալ
1982	Ալքիմիկոս (Հեքիաթ Արքայազնի և Աղջկա մասին, որ չէր հավատում հեքիաթների)
1982	Սովորական համերգ
1982	Նկարներ ցուցահանդեսից
1983	Գայլը և յոթ ուլիկները, կամ կրկին այծերի մասին
1984	Էտյուդ կանանց մասին
1985	Երևանյան օրերի քրոնիկա
1985	Քավարան
1988	Հայք
1990	Հայր մեր
1993	Ես իմ անուշ Հայաստանի...
1997	Կաբարե
1998	Անտեր Ground
1999	Տիտանիկ, made in Armenia
2001	Սասունցի Դավիթ Կոպերֆիլդ
2001	Միսս Դժոխք, անաստվածային կատակերգություն
2002	Լինսի show ծրագիր
2004	Կառավարական համերգ
2004	Սոնատ թավջութակի համար
2006	Ի զե՛ն
2007	Արմմագեդոն
2008	Աշխարհի շուրջը՝ սիրով
2008	Ուզբեկական փլավի բաղադրատոմսը (Հոբելյանական հաճախորդ)

Ֆիլմագրություն

Ֆիլմեր

Տարեթիվ	Ֆիլմեր
1990	Ժամկետը՝ 7 օր
1999	Արմենիկում ուպսա
2012	Հոբելյանական հաճախորդ

Սցենարիստ

Տարեթիվ	Ֆիլմեր
1987	1968-ի շոգ օգոստոսը
1990	Ծննդյան վկայական
1990	Ժամկետը՝ 7 օր
2001	Երեք հանցագործությունների պատմություն
2012	Հոբելյանական հաճախորդ

Պարգևներ

• ՀՀ արվեստի վաստակավոր գործիչ
• ՀՀ ժողովրդական արտիստ, 2016

Արտաքին հղումներ

• Արա Երնջակյան Archived 2015-07-01 at the Wayback Machine.