Ավետյանի երկրաչափ թիթեռ
| Ավետյանի երկրաչափ թիթեռ | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Cidaria avetianae
|
Ավետյանի երկրաչափ թիթեռ (լատին․՝ Cidaria avetianae), երկրաչափ թիթեռների ընտանիքին պատկանող միջատ։ Գրանցված է Հայաստանի Հանրապետության Կարմիր գրքում։
Նկարագրություն խմբագրել
17-21 մմ թևերի բացվածքով, խոզանաձև և պարզ տիպի բեղիկներով, սև շոշափուկներով թիթեռ է։ Գլուխը, կուրծքը և փորիկը պատված են սև և սպիտակավառ թեփուկներով։ Թևերը սպիտակավուն-մոխրագույն են, առջևինները՝ հազիվ նշմարվող միջին բծերով, իսկ հետինը՝ առջիններից ավելի բաց գունավորված[1]։
Տարածվածություն խմբագրել
Հայաստանի էնդեմիկ է։ Հայաստանում հայտնի է Տավուշի (Գետիկ գետի կիրճի վերին հատված) և Սյունիքի (Գորիս քաղաք, Գեղանուշ և Նռնաձոր գյուղերի մոտ) մազերից և «Խոսրովի անտառ» պետական արգելոցի Գառնիի հատվածից[1]։
Էկոլոգիա խմբագրել
Ապրում են տարբեր տեսակի չոր նոսրանտառներում, թռչում՝ դեպի լույսի աղբյուր մայիս-հունիս ամիսներին և օգոստոսի վերջին։ Հավանաբար տալիս են 2 սերունդ։ Կերաբույսերը հայտնի չեն[1]։
Պահպանություն խմբագրել
Սահմանափակ արեալով հազվագյուտ տեսակ է, որը Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։
Հանդիպում են հազվադեպ, հայտնի են եզակի հայտնաբերումներ։
Վտանգման հիմնական գործոնները բացահայտված չեն։
Պահպանվում է «Խոսրովի անտառ» պետական արգելոցում և «Արևիկ» ազգային պարկում[1]։
Ծանոթագրություններ խմբագրել
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.