Ասմարյան
Ասմարյան, հայկական ազգանուն[1]՝ գրանցված Հայկական Միջագետքում, Վասպուրականում, Տարոնում և Վանանդում (Այրարատ նահանգ), որտեղի հայ ընտանիքները, 1915-1923 թթ հայոց Ցեղասպանության արդյունքում, գաղթել են Արարատյան դաշտ՝ Ասմար անուն և Ասմարյան ազգանունը տարածեցին նաև Արևելյան Հայաստանում։ Արևելյան Հայաստանում Ասմար տղամարդու[2] և կանացի անվանումն առաջին անգամ գրանցվել է 17-րդ դարում՝ Սարիղամիշի և Սարդարապատի մահալների Արմավիրի (նախկին՝ Ղուրղուղուլի գյուղ՝ 1867 թվականից՝ շրջկենտրոն), որտեղ մինչև օրս ապրում են Ասմարյանների երկու գերդաստաններ։
Ասմարյան ազգանունը տարածված է Հայաստանում (Գյումրի, Սպիտակ, Մարտունի և Երևան քաղաքներում, Շիրակի, Արմավիրի մարզերում, Արցախ՝ սիրիահայեր), Հունաստանում, Սիրիայում, Արգենտինայում և այլուր։
Ազգանունը կրողներ խմբագրել
- Լևոն Աշոտի Ասմարյան (1922-1993), գրականագետ[3][4]։
- Սուրիկ Հայկազի Ասմարյան (1943-2020), մանկավարժ, քաղաքական գործիչ[5]։
Ծանոթագրություններ խմբագրել
- ↑ Տիգրան Ավետիսյան, Հայոց ազգանունների բառարան, Ե., 2010, էջ 25:
- ↑ Հրաչեայ Աճառեան։ Հայոց անձնանունների բառարան, էջ 229։
- ↑ Բախտիար Հովակիմյան, Հայոց ծածկանունների բառարան, Ե., ԵՊՀ հրատ., 2005, էջ 562․
- ↑ Հանրագիտական բառարան, Ե., 2016, էջ 174։
- ↑ «National Assembly of Armenia | Official Web Site | parliament.am». www.parliament.am. Վերցված է 2021 թ․ հունվարի 7-ին.