Առաջին համաշխարհային պատերազմի հերոսների հուշանշան (Շախտի)
Առաջին համաշխարհային պատերազմի հերոսների հուշանշան, հուշարձան ՌԴ Ռոստովի մարզի Շախտի քաղաքում։
 | |
|---|---|
| Տեսակ | հուշարձան |
| Երկիր |  Ռուսաստան |
| Բնակավայր | Շախտի |
| Ներկա վիճակ | կանգուն |
 Արտաքին պատկերներ
| |
|---|---|
|
Հուշանշանի լուսանկարներ |
Պատմություն խմբագրել
Քաղաքի օրը և Հանքագործի օրը՝ 2014 թվականի օգոստոսի 31-ին, Շախտի քաղաքի Ալեքսանդրի զբոսայգում հանդիսավորությամբ բացվեց հուշահամալիր՝ նվիրված Առաջին համաշխարհային պատերազմի (1914-1918) հերոսներին։ Արձանի տեղադրումը նվիրված է Առաջին համաշխարհային պատերազմի սկզբի 100-ամյակին։ Այդ պատերազմի մարտերում Դոնի երկրամասից մասնակցել է մոտ 125 հազար կազակ, վաթսուն հեծելագունդ, երեսուներեք հեծելազորային մարտկոց, վեց պլաստունյան գումարտակ, հինգ պահեստային զորագունդ, երեք պահեստային մարտկոց և ավելի քան ութսուն առանձին հատուկ հարյուրյակ։ Դոնցիները մասնակցել են ռազմական գործողությունների մեծամասնությանը։
1914-1918 թվականների գործողությունների ընթացքում Դոնի կազակները ողջ աշխարհի համար դարձան տոկունության, քաջության և հերոսության օրինակ։ 193 սպա և ավելի քան 3700 շարքային կազակներ պարգևատրվել են Սուրբ Գեորգիի շքանշանով, Գեորգիևյան զենքով, Գեորգիևյան խաչերով և մեդալներով։ Առաջին համաշխարհային պատերազմի ժամանակաշրջանում ամենապատվաբեր զինվորական պարգևով՝ Գեորգիևյան խաչով պարգևատրված առաջին ստորին աստիճանավորը եղել է ծնունդով Նիժնե-Կալմիկովսկի խուտորից Դոնի կազակ, Երմակ Տիմոֆեևիչի անվան Դոնի կազակական 3-րդ գնդի 6-րդ հարյուրավորի եֆրեյտոր Կուզմա Ֆիրսովիչ Կրյուչկովը։
Հուշանշանը տեղադրելու նախաձեռնողը դարձել է Շախտիի Յակով Պետրովիչ Բակլանովի անվան կազակական կադետական կորպուսը։ Նախագիծը մշակվել է շախտիեցիների կողմից։ Հուշարձանն օծել է Շախտիի և Միլլերովոյի եպիսկոպոս Սիմոնը։ Տոնական և հանգստյան օրերին այստեղ հիշատակի հերթապահություն են իրականացնում Շախտիի Յակով Պետրովիչ Բակլանովի անվան կազակական կադետական կորպուսի սաները։
Նկարագրություն խմբագրել
Պատվանդանին երկգլխանի արծիվ է, որը ճանկերում սեղմում է կադետական դրвշակը, որը զարդարված է ռուսաց վերջին կայսր Նիկոլայ II-ի անվանագրով։ Երկգլուխ արծվի թևերի տակ գտնվող սալիկներին փորագրված են Առաջին համաշխարհային պատերազմին մասնակցած Դոնի կազակական բոլոր զորամիավորումների անունները։