Աջափնյակ (մետրոյի կայարան)
Անվան այլ կիրառումների համար տե՛ս՝ Աջափնյակ (այլ կիրառումներ)
| «Աջափնյակ» կայարան | |
|---|---|
| Երևանի մետրոպոլիտեն | |
| |
| Բացման նախատեսված թվական | Դեռևս հայտնի չէ |
| Շրջան | Աջափնյակ |
| Ելք դեպի փողոցներ | Հալաբյան փողոց և Հրազդան գետի կիրճ |
«Աջափնյակ», Երևանի մետրոպոլիտենի կառուցվող կայարան, որը պետք է միանա այժմ գործող վերջին՝ «Բարեկամություն» կայարանին։ Կայարանը պետք է գտնվի նույնանուն համայնքում (որից էլ ստացել է անվանումը)` դեպի Հալաբյան փողոց և Հրազդան գետի կիրճ ելքով։
Շինարարության պատմություն Խմբագրել
Դեպի «Աջափնյակ» կայարան տանող թունելները փորվել են դեռևս Խորհրդային Միության տարիներին, նախանշված էր նաև կայարանի մուտքը։ Մնում էր միայն կառուցել Հրազդանի կիրճի վրայով անցնող կամուրջը ու անցկացնել գծերը։ Սակայն հսկայական ծախսերի պատճառով այդ նախագիծն առայժմ մնում է չիրագործված։
2014 թվականի հունիսին ներկայացվեցին Երևանի քաղաքապետարանի և Վերակառուցման և զարգացման եվրոպական բանկի միջև համագործակցության շրջանակներում բրիտանական խորհրդատվական մի ընկերությանը պատվիրված Երևանի մետրոպոլիտենի՝ դեպի Աջափնյակ մոտ 3-կիլոմետրանոց նոր ուղեգծի կառուցման իրագործելիության ուսումնասիրության արդյունքները։ Սակայն դա զուտ ուսումնասիրություն է և շինարարության վերսկսում դեռևս նախատեսված չէ։ Կառուցվելու դեպքում կօգտագործվի այժմ փորված թունելներից միայն մեկը՝ Մերգելյան ինստիտուտից դեպի Հրազդանի ձախ ափ, իսկ աջ ափից պետք է փորվի նոր թունել՝ դեպի Երևանի ֆիզիկայի ինստիտուտ։ Այդ թունելները կկապվեն կամրջով[1]։