Աշոտ Մամաջանյան
Աշոտ Պետրոսի Մամաջանյան (մայիսի 26 (հունիսի 8), 1908[1], Բաթում, Ռուսական կայսրություն[1] - ապրիլի 15, 1994, Երևան, Հայաստան[2]), հայ նկարիչ։ ՀԽՍՀ վաստակավոր նկարիչ (1965)։
Աշոտ Մամաջանյան | |
|---|---|
| Ծնվել է | մայիսի 26 (հունիսի 8), 1908[1] |
| Ծննդավայր | Բաթում, Ռուսական կայսրություն[1] |
| Վախճանվել է | ապրիլի 15, 1994 (85 տարեկան) |
| Մահվան վայր | Երևան, Հայաստան |
| Ազգություն | հայ |
| Քաղաքացիություն |  Ռուսական կայսրություն,  ԽՍՀՄ և  Հայաստան |
| Կրթություն | «Գեղարդ» գեղարվեստաարդյունաբերական տեխնիկում (1930)[1] |
| Մասնագիտություն | նկարիչ |
| Ուսուցիչ | Հակոբ Կոջոյան |
| Պարգևներ |  |
| Կուսակցություն | ԽՄԿԿ[1] |
| Զավակներ | Գայանե Մամաջանյան |
| Աշոտ Մամաջանյան Վիքիդարանում | |
Նկարչուհի Գայանե Մամաջանյանի հայրն է։
Կենսագրություն խմբագրել
ԽՄԿԿ անդամ 1944 թվականից։ 1930 թվականին ավարտել է Երևանի գեղարվեստա-արդյունաբերական տեխնիկումը, աշակերտել Հակոբ Կոջոյանին։
Աշխատել է հաստոցային գրաֆիկայի, գրքի ձևավորման և պլակատի բնագավառներում, ստեղծել է մատենանիշեր։ 1937-1938 թվականներին ձևավորել է Հովհաննես Թումանյանի և Ղազարոս Աղայանի, 1939 թվականին՝ «Սասունցի Դավիթ» էպոսի 1000-ամյակին նվիրված (ռուսերեն) հոբելյանական միհատորյակները։ Գործերից են՝ «Հին Երևանը» (1932-1940 թվականներ, գունավոր լինոփորագրություն), «Երևան-Էրեբունի» (1968 թվական, մենատիպ), «Ձիախաղեր» և «Իմ Հայաստանը» (1970-1980 թվականներ, գունավոր օֆորտ, աքվատինտա) նկարաշարերը, «Վարդան Մամիկոնյան» (1943 թվական, վիմագրություն)։
Ունեցել է անհատական ցուցահանդեսներ Երևանում (1942, 1961, 1980, 1988)[3]։
Երկեր խմբագրել
- Ա. Պ. Մամաջանյան, «Փորագրանկարչություն, տեսակներն ու աշխատաձևերը», Երևան, Լույս, 1987 թ., 119 էջ, 110 նկար։
Գրականություն խմբագրել
- Դևրիկյան, Գ., Աշոտ Մամաջանյան։ (Ալբոմ), Երևան։ Հայաստան, 1976
- Կատալոգ Ա. Մամաջանյանի ցուցահանդեսի։ Երևան, 1942 թ.։
- Г. Акопян, Ашот Мамаджанян (Буклет), Ереван, 1971 г.
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 7. — էջ 191.
- ↑ «Մամաջանյան Աշոտ»։ Արխիվացված է օրիգինալից 2016-06-24-ին։ Վերցված է 2014-05-02
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 191)։ 
|