Աշոտ Ղարաջյան
Աշոտ Մելիքի Ղարաջյան (նոյեմբերի 29, 1923, Հոբարձի, Հայաստան - ապրիլի 26, 2014, Երևան, Հայաստան), հայ անասնաբույծ։ Կենսաբանական գիտությունների դոկտոր (1972), պրոֆեսոր (1981)։
Աշոտ Ղարաջյան | |
---|---|
Ծնվել է | նոյեմբերի 29, 1923 Հոբարձի, Հայաստան |
Մահացել է | ապրիլի 26, 2014 (90 տարեկան) Երևան, Հայաստան |
Մասնագիտություն | անասնաբույծ և դասախոս |
Հաստատություն(ներ) | Երևանի անասնաբուծական-անասնաբուժական ինստիտուտ |
Ալմա մատեր | Երևանի անասնաբուծական-անասնաբուժական ինստիտուտ (1953) և Հայաստանի ազգային ագրարային համալսարան |
Կոչում | պրոֆեսոր |
Գիտական աստիճան | կենսաբանական գիտությունների դոկտոր (1972) |
Կենսագրություն խմբագրել
Աշոտ Ղարաջյանը ծնվել է 1923 թվականի նոյեմբերի 29-ին, Հոբարձի (այժմ Լոռու մարզ) գյուղում։ 1953 թվականին ավարտել է Երևանի անասնաբուծական-անասնաբուժական ինստիտուտը։ 1960-1961 թվականներին՝ Երևանի անասնաբուծական-անասնաբուժական ինստիտուտի հեռակա ֆակուլտետի դեկան, 1961-1978 թվականներին՝ գյուղատնտեսական կենդանիների նյութափոխանակության հիմնախնդիրների լաբորատորիայի բաժնի, 1978-1979 թվականներին՝ լաբորատորիայի վարիչ, 1983-1992 թվականներին՝ Հայկական գյուղատնտեսական ակադեմիայի գյուղատնտեսական կենդանիների կերակրման ամբիոնի վարիչ, 1992 թվականից՝ պրոֆեսոր[1][2]։
Աշխատանքները վերաբերում են գյուղատնտեսական կենդանիների մթերատվության, սննդանյութերի վրա ակտիվ հավելանյութերի ազդեցության խնդիրներին։ Համահեղինակ է «Անասնաբուծության հիմունքներ» (2001) և «Փորձարարական գործի մեթոդները անասնաբուծության մեջ» (2004) բուհական դասագրքերի։
Երկեր խմբագրել
- Գյուղատնտեսական կենդանիների կերակրում։ Մեթոդական ցուցումներ և առաջադրանքներ զոոտեխնիկական անալիզի լաբորատոր աշխատանքների համար։ Գյուղատնտեսական բուհերի ուսանողների համար։ Մասնագիտությամբ 1506-«Զոոինժեներ» և 1507-«Անասնաբույժ», Երևանի Անասնաբուծական-անասնաբուժական ինստիտուտ, Երևան, Ա. հ., 1983 (համահեղինակ)։
- Գյուղատնտեսական կենդանիների կերակրման պրակտիկում։ Ուսումնական ձեռնարկ բուհերի անասնաբուծական-ինժեներական և անասնաբուժ մասնագիտական ուսանողների համար, 1985, տիտղթ. (Աշոտ Մելիքի Ղարաջյան)։
- Փորձարարական գործի մեթոդները անասնաբուծության մեջ, 2004, տիտղթ. (Ա. Մ. Ղարաջյան)
- Բնական ցեոլիտները գյուղատնտեսությունում։ Ուսումնագիտական ձեռնարկ, Երևան, ՀՊԱՀ, 2009 (համահեղինակ)։