Աշոտ Ալեքսանյան (ճարտարապետ)

Անվան այլ կիրառումների համար տե՛ս՝ Աշոտ Ալեքսանյան (այլ կիրառումներ)

Աշոտ Սուրենի Ալեքսանյան (մարտի 20, 1934(1934-03-20), Երևան, Հայկական ԽՍՀ, ԱԽՖՍՀ, ԽՍՀՄ), հայ ճարտարապետ, ՀԽՍՀ վաստակավոր ճարտարապետ (1981)։

Աշոտ Ալեքսանյան
Ծնվել է	մարտի 20, 1934(1934-03-20) (88 տարեկան)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Ազգություն	հայ
Կրթություն	Հայաստանի ազգային պոլիտեխնիկական համալսարան (1957)
Աշխատավայր	Երևաննախագիծ
Ուշագրավ աշխատանքներ	Հայ-Ռուսական համալսարան, «Դվին» հյուրանոց և Հյուսիսային պողոտա
Պարգևներ
Աշոտ Ալեքսանյան Վիքիդարանում

Կենսագրություն

1957 թվականին ավարտել է Երևանի պոլիտեխնիկական ինստիտուտը։ 1958 թվականից աշխատում է Երևաննախագիծ ինստիտուտում, 1971-1979 թվականներին՝ գլխավոր ճարտարագետ, 1980-1988 թվականներին՝ գլխավոր ճարտարապետ, 1991 թվականից ճարտարապետության արվեստանոցի ղեկավար։ 1988-1991 թվականներին եղել է ՀԽՍՀ ճարտարապետության և քաղաքաշինության կոմիտեի նախագահ, միաժամանակ՝ ՀԽՍՀ Պետշինի նախագահի առաջին տեղակալ։

Ստեղծագործական աշխատանք

Հուշատախտակ Երևանի Հյուսիսային պողոտայում

Աշոտ Ալեքսանյանի նախագծերով Երևանում կառուցվել են՝

• Հայ-ռուսական (սլավոնական) համալսարանի համալիրը (1970)
• Մաշտոցի պողոտայի տրանսպորտային հանգույցը (1975)
• «Դվին» հյուրանոցը (1978, ՀԽՍՀ Պետական մրցանակ՝ 1979)
• Հերոսների ծառուղին և Անհայտ զինվորի գերեզմանը «Հաղթանակ» զբոսայգում (1985)
• Կայարանամերձ հրապարակի վերակառուցումն ու կառուցապատումը (գլխավոր ճարտարապետ, հեղինակային խմբի հետ)
• «Հյուսիսային ճառագայթ» բնակելի թաղամասը (2001)
• Ռազմական ինստիտուտի համալիրը (1996-2004)
• Շենքեր՝ Էջմիածնի խճուղու վրա (1962), Դիլիջանում (1968), Ծաղկաձորում (1975-1978, 1986), Գյումրիում (1991)

Երևանի Հյուսիսային պողոտայի հեղինակներից է։

Պարգևներ

• ՀԽՍՀ վաստակավոր ճարտարապետ (1981)։
• ՀՀ վարչապետի շնորհակալագիր (2014)։