Աշղալա

Աշղալա, Աշգալե, գյուղ Արևմտյան Հայաստանում, Էրզրումի վիլայեթի Ալաշկերտի գավառակում։ Գտնվում էր Արածանիի աջ կողմի վտակներից մեկի ափին, Ալաշկերտ քաղաքից 25 կմ հարավ-արևելք։

Գյուղ
Աշղալա
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Ալաշկերտի գավառակ
Այլ անվանումներ	Աշգալե, Աշխալա, Աշխալե, Աշխալի, Աշկալա, Աշկալե, Աշղալե
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	աշխալեցի
Ժամային գոտի	UTC+3
Աշղալա (Աշխարհ)

Բնակչություն

XIX դարի կեսերին ուներ 300—500 տուն հայ բնակիչ։ 1877-1878 թվականներին ուներ 54 տուն` 284 բնակչով, որից հայեր էին 14 տունը` 81 բնակչով։ Իսկ 1895 թվականի հայկական ջարդերից հետո հիմնականում դարձել էր քրդաբնակ։

Տնտեսություն

Աշղալայի բնակիչներն զբաղվում էին երկրագործությամբ, անասնապահությամբ և արհեստներով։ Գավառում հայտնի էր Աշղալայի ցորենը։

Պատմամշակութային կառույցներ

Աշղալայի շրջակայքում կան հին գերեզմանոցներ ու գյուղատեղիներ։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 466)։