Աշինգտոն
Աշինգտոն (անգլ.՝ Ashington), քաղաք Անգլիայի Նորթամբերլենդ կոմսությունում։ 2011 թվականի մարդահամարի տվյալներով քաղաքի բնակչության թիվը հասնում է 27 764 մարդ[1]։ Ժամանակին այն եղել է ածխի լեռնահանքային արդյունաբերության կենտրոն։ Քաղաքը գտնվում է Նյուքասլ ափոն Թայնի հյուսիսում 15 մղոն (24 կմ) հեռավորության վրա, իսկ A189-ից արևմուտք։ Քաղաքը հարավից սահմանակից է Ուոնսբեք (the River Wansbeck) գետին։ Հյուսիսային ծովի ափը Նյուբիգին-բայ-դը-սի ( Newbiggin-by-the-Sea) քաղաքից դեպի Աշինգտոն քաղաքի կենտրոն 3 մղոն է (5 կմ)։
| Բնակավայր | ||
|---|---|---|
| Աշինգտոն | ||
 | ||
| Երկիր | .svg){kind=small} Միացյալ Թագավորություն | |
| Ժամային գոտի | UTC+0 | |
| Հեռախոսային կոդ | 01670 | |
| Փոստային դասիչ | NE63 | |
| ||
Շատ բնակիչներ ունեն տարբերվող, առանձնահատուկ արտասանություն և բարբառ, որը կոչվում է պիտմատիք։ Այն բավականին տարբերվում է տարածաշրջանային բարբառից, որը կոչվում է ջորդի։
Պատմություն խմբագրել
Աշինգտոն անունը հնարավոր է ծագել է Essendene բառից, որը կիրառվել է 1170 թվականից ի վեր, կամ այն կապում են մի սաքսոնյան զավթիչի հետ, որը նավարկելով Հյուսիսային Գերմանիայից դեպի Ուոնսբեք գետը, բնակություն է հաստատել Շիփվոշ գյուղին կից խոր անտառապատ հովտում։ Սակայն անունը կարող է առաջացած լինել Հացենիների հովիտ (Valley of Ash Trees) անունից[2]։ 1700-ական թվականներն Աշինգտոնը մի փոքր ագարակ էր, որին կից ընդամենը մի քանի կացարաններ կային։
Առաջին վկայությունները հանքարդյունաբերության վերաբերյալ փաստում են այն փոսերն ու վանական հանքերը, որոնք հայտնաբերվել են 20-րդ դարի ընթացքում թունելներ փորելու ժամանակ։ Աշինգտոնը, որը 1840-ական թվականներին փոքրիկ գյուղ էր և որը կառուցել էր Փորթլանդիայի դուքսը, որպես բնակավայր այնտեղից հեռացող մարդկանց խրախուսելու համար, ժամանակի ընթացքում դարձել է քաղաք։
1980 թվականից մինչև 1990-ականները Անգլիայում շատ ածխի հանքեր փակվեցին։ Այդ ժամանակ Աշինգտոնը համարվում էր աշխարհի ամենախոշոր հանքարդյունաբերական գյուղը։ Ածխի հանքարդյունաբերության ընդլայման շնորհիվ շատ մարդիկ մոտակա գյուղերից թողեցին իրենց տներն ու հաստատվեցին Աշինգտոնում, որի արդյունքում կառուցվեցին շատ շենքեր։
1850-ական թվականներին բացվել է Աշինգտոնի երկաթուղին, որը միացվել է Բլիթ և Թայն երկաթգծին, իսկ հետո Իսթ Քոսթ Մեյն Լայնին։ Մինչև 1964 թվականն այն ծառայել է նաև ուղևորափոխադրումների համար՝ Հրսթ երկաթուղային կայարան անվամբ, որը 1870-ական թվականներին վերաբացվել է։
1913 թվականին կառուցվել է Աշինգտոնի հիվանդանոցը։ 1950-ական և 1960-ական թվականներին հիվանդանոցի շենքը մեծացվել է[2]։ 1990-ական թվականների կեսերին հիվանդանոցը փակվել և տեղափոխվել է քաղաքի արևելյան կողմ, կանաչապատ տարածք։ Հիվանդանոցի հին շենքը 2004 թվականին քանդվել է։
Կլիմա խմբագրել
Կլիման բարեխառն է։ Ամառներն ավելի չոր են, քան Բրիտանիայի արևմտյան ափերում, բայց ավելի զով է հարավային տարածքներում։ Ձմեռը երբեմն ցուրտ է, երբեմն ձյուն։
Ծանոթագրություններ խմբագրել
- ↑ «Town population 2011». Արխիվացված է օրիգինալից 2015 թ․ հունիսի 26-ին. Վերցված է 2015 թ․ հունիսի 25-ին.
- ↑ 2,0 2,1 Kirkup, Mike (1993). The Biggest Mining Village in the World.
Արտաքին հղումներ խմբագրել
- Ashington Community website Արխիվացված 2021-01-16 Wayback Machine
- Ashington Salvation Army
- Northumberland Communities (Accessed: 5 November 2008)
 | Վիքիպահեստն ունի նյութեր, որոնք վերաբերում են «Աշինգտոն» հոդվածին։ |