Անցիո

Անցիո (իտալերեն՝ Anzio), քաղաք-նավահանգիստ Տիրենյան ծովի եռանկյունու ելուստում, Իտալիայում, գտնվում է Լացիո մարզի Հռոմ գավառում։

քաղաք-նավահանգիստ
Անցիո
Anzio
Տեսարան Անցիո քաղաքից
Երկիր	Իտալիա
Մարզ	ԼացիոԼացիո
Գավառ	Հռոմ
Մակերես	43,43 կմ²
ԲԾՄ	3±1 մետր
Բնակչություն	52865 մարդ (2009 թվականի ապրիլի 4)
Խտություն	1217 մարդ/կմ²
Ժամային գոտի	UTC+1 և UTC+2
Հեռախոսային կոդ	06
Փոստային ինդեքս	00042
Փոստային դասիչ	00042
Ավտոմոբիլային կոդ	ROMA
Պաշտոնական կայք	comune.anzio.roma.it​(իտալ.)
Անցիո Վիքիպահեստում

Բնակչությունը 2009 թվականի ապրիլի 4-ի դրությամբ կազմել է 52865 մարդ։ Տարածքը՝ 43,43 քկմ։ Փոստային ինդեքսը՝ 00042։ Հեռախոսային կոդը՝ 06։

Պատմություն

Անցիումը (Antium) Հռոմից հին է, հռոմեացիների կողմից նվաճվել է մ.թ.ա. 468 թվականին – վոլսկիների (ժողովուրդ) ամրացված քաղաք էր։ Համաձայն լեգենդի, հիմնադրվել է թափառական Ոդիսևսի և Ցիրցեայի հրաշագործի որդի Անտեեմի կողմից։ Անցիումի կայսրության ժամանակ մրցակցում էր պոմպեյների հետ հարուստ հռոմեացիների ծովափնյա առանձնատների թվով։ Ծովի ափին կանգնած էր կայսերական պալատը, որում ծնվել են Կալիգուլան և Ներոնը։ Պեղումների ժամանակ հայտնաբերվել են հնագույն արվեստի այնպիսի գլուխգործոցներ, ինչպիսիք են «Բորգեզյան մարտիկը» և «Ապոլլոն Բելվեդերսկին»։ 59 թվականին Ներոնը այստեղ հիմնեց առևտրային նավահանգիստ։ Կայսրության դարաշրջանում այստեղ կառուցվեցին նաև Էսկուլապա և Ֆորտունա տաճարները։ Մինչև 6-րդ դարը քաղաքը հանդիսանում էր համանուն թեմի կենտրոնը, որը դադարել է գոյություն ունենալ սարացիների կողմից գրավումից հետո։

Սարացինների կողմից ավերման արդյունքում քաղաքի տարածքը մատնվեց անտերության, իսկ բնակչությունը տեղափոխվեց արևելք՝ ներկայիս Նետտունոյի շրջան։ Վերածննդի դարաշրջանում Անցիոյի մոտ կառուցվեցին Ալդոբրանդինի (Ֆրասկատի) և Բոգեզե ընտանիքների առանձնատները։ Արդյունքում, մոտավորապես 1479 թվականին Անցիոյում Ներրոյի պալատի ավերակների վրա գտնվեց Ապոլոնի հայտնի արձանը, որը 1506 թվականին Հուլիոս 2-րդ Հռոմի Պապի հրամանով տեղադրվեց վատիկանյան Բելվեդեր այգի։ 1698 թվականին Ինոկենտի 12-րդ Հռոմի Պապը սկսեց նոր նավահանգստի կառուցումը հնագիտական գոտուց արևելք։ Երկրորդ համաշխարհային պատերազմի ժամանակ Անցիոյի շրջանում տեղի է ունեցել դաշնակիցների դեսանտը Հռոմի գրավման նպատակով (տես Անցիո-Նետտունյան գործողությունը)։

Ժողովրդագրությունը

Բնակչության դինամիկան՝

Համայնքի վարչակազմը

• Հեռախոս՝ 06 984991
• Էլեկտրոնային փոստ։ segretario.generale@comune.anzio.roma.it
• Պաշտոնական կայք։ http://www.comune.anzio.roma.it Archived 2003-10-05 at the Wayback Machine.

Պատկերասրահ

• 

  Տոր Կալդարա աշտարակը՝ Անցիո քաղաք-նավահանգիստում

• 

  Դոմուս Ներոնիայի ավերակները

• 

  Դոմուս Ներոնիայի հին գրադարաններ

• 

  Շարունակական լույս տվող աշտարակ

Արտաքին հղումներ

• http://www.comune.anzio.roma.it/ Archived 2003-10-05 at the Wayback Machine.
• Վիճակագրության ազգային ինստիտուտ (իտալ.)
• http://www.istat.it/english/ Archived 2009-12-07 at the Wayback Machine.