Աննա Կազանջյան

ամերիկահայ ինժեներ

Աննա Կազանջյան Լոնգոբարդո (1928, Նյու Յորք, Նյու Յորք, ԱՄՆ - դեկտեմբերի 7, 2020(2020-12-07), Նյու Յորք, Նյու Յորք, ԱՄՆ), «Woodward Clyde Group» ինժեներական ընկերության նախկին տնօրեն և «Unisys Corp» համակարգիչների ընկերության նախկին գործադիր տնօրեն, եղել է «Saturn» հրթիռային նավիգացիոն համակարգի, «Viking» տիեզերական նախագծի, «Avangard» հեռահաղորդակցության համակարգի մշակող, համարվում է Կոլումբիայի համալսարանում մեքենաշինության գծով գիտությունների բակալավրի կոչում ստացած առաջին կինը։

Աննա Կազանջյան
Դիմանկար
Ծնվել է1928
ԾննդավայրՆյու Յորք, Նյու Յորք, ԱՄՆ
Մահացել էդեկտեմբերի 7, 2020(2020-12-07)
Մահվան վայրՆյու Յորք, Նյու Յորք, ԱՄՆ
ՔաղաքացիությունFlag of the United States.svg ԱՄՆ
Ազգությունամերիկահայ
ԿրթությունԿոլումբիայի ճարտարագիտության և կիրառական գիտության դպրոց
Մասնագիտությունճարտարագետ

Աննա Կազանջյանի անունն ընդգրկվել է Նյու-Յորքի 100 ամենաազդեցիկ կանանց» ցուցակում։ Եղել է կանանց շահերի պաշտպան[1]։

ԿենսագրությունԽմբագրել

Աննա Կազանջյանը ծնվել է 1928 թվականին, Նյու Յորք քաղաքոում։ Հայրը եղել է հալեպահայ ներգաղթյալ, մայրը եղել է Կոստանդնուպոլսից, օրիորդական ազգանունը եղել է Յազեջյան։ Աննայի ընտանիքը վերապրել է Հայոց ցեղասպանությունը և Առաջին համաշխարհային պատերազմից հետո գաղթել ԱՄՆ։

Վաղ տարիքից Աննան հետաքրքրվել է գիտությամբ։ 1949 թվականին Աննան դարձել է առաջին կինը, որը մեքենաշինության բնագավառում Կոլումբիայի համալսարանում ստացել է բակալավրի աստիճան։ 1952 թվականին նույն համալսարանում ստացել է մագիստրոսի աստիճան։ Իր ուսանողական աշխատանքի ընթացքում Աննան հետաքրքրվել է անալոգային և թվային համակարգչային հավելվածներով և բավականին ներդրում ունեցել տիեզերագնացության տեխնիկայի ոլորտում։ Նա համարվում է առաջին կանանցից մեկը, որը աշխատել է ԱՄՆ ռազմածովային ուժերի սուզանավերի, կործանիչների և այլ նավերի վրա։ Կազանջյանը նախագծել և գնահատել է սուզանավի ճշգրտման համար օգտագործվող սուզանավային քարշակներ, աշխատել է «Սատուրն» և «Վիկինգ» տիեզերական տիիեզերական համակարգի ստեղծման վրա[2], զբաղվել Պենտագոնի համար ստեղծված «Ատլաս» տեսակի բալիստիկ համակարգերի թռիչքի հաշվարկման աշխատանքներով[3]։

Հետագայում նա դարձավ «Unisys Corp» համակարգիչների ընկերությանի պաշտպանական ստորաբաժանման առաջին կին գործադիր տնօրենը։ Նա աշխարհի մոտ 100 վայրում եղել է բարդ ռազմական և եղանակային ռադիոտեղորոշիչ համակարգերի կազմակերպման պատասխանատուն։

Ամերիկացի քաղաքական գործիչ Նելսոն Ռոքֆելլերը Աննա Կազանջյանին նշանակել է Նյու Յորքի նահանգային կանանց խորհրդի անդամ։ 1966-1970 թվականներին նա եղել է Նյու Յորքի Տեխնիկական ընկերությունների խորհրդի տնօրեն։

Աննա Կազանջյանը համարվում է ԱՄՆ-ում առաջին կինը, որն արժանացել է Կոլումբիայի համալսարանի ինժեներ-շրջանավարտների ասոցիացիայի բարձրագույն պարգևը՝ Էգլեսթոնի մեդալ[4]։ Եղել է Կոլումբիայի համալսարանի շրջանավարտների խորհրդի առաջին կին նախագահը, ինչպես նաև Ճարտարագետ-մեխանիկների ամերիկյան ընկերության (ASME) երկարամյա ակտիվ անդամ։

Մահացել է Նյու Յորքում, 2020 թվականի դեկտեմբերի 7-ին[5]։

ԾանոթագրություններԽմբագրել

  1. h[ttps://www.engineering.columbia.edu/news/columbia-mourns-anna-longobardo Columbia Mourns the Passing of Anna Kazanjian Longobardo ‘49, ‘52]
  2. «Армянка-американка, запустившая первую ракету Сатурн: Анна Казанчян»։ Яндекс Дзен | Блогерская платформа (ռուսերեն)։ Վերցված է 2021-10-06 
  3. «Ճանաչենք մերոնց․ Աննա Կազանջյան»։ www.iammedia.am։ Վերցված է 2021-10-06 
  4. «Анна Казанчян заложила основу для создания первой американской ракеты-носителя»։ karap.lv (ru-RU)։ 2019-05-21։ Վերցված է 2021-10-06 
  5. Anna Longobardo

Արտաքին հղումներԽմբագրել