Աննա Ավանեսյան (հաղորդավար)

Այս հոդվածը հաղորդավարուհու մասին է։ Այլ գործածությունների համար այցելեք Աննա Ավանեսյան (այլ կիրառումներ)։

Վիքիպեդիայում կան հոդվածներ Ավանեսյան ազգանունով այլ մարդկանց մասին։

Աննա Հրանտի Ավանեսյան (հուլիսի 1, 1984(1984-07-01), Երևան, Հայկական ԽՍՀ, ԽՍՀՄ), հայ հաղորդավարուհի, լրագրողուհի, Հայաստանի Հանրային Հեռուստաընկերության մամուլի քարտուղար։

Աննա Հրանտի Ավանեսյան
Ծնվել է	հուլիսի 31, 1984(1984-07-31) (40 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան
Մասնագիտություն	հեռուստահաղորդավարուհի
Աշխատատու	Հայաստանի Հանրային Հեռուստաընկերություն

Կենսագրություն և կարիերա

Աննա Ավանեսյանը ծնվել է 1984 թ. հուլիսի 31-ին, Երևանում։ Միջնակարգ կրթությունը ստացել է Ռ. Միրոյանի անվան թիվ 77 միջնակարգ դպրոցում։ Այնուհետև սովորել է Երևանի պետական համալսարանի փիլիսոփայության և հոգեբանության ֆակուլտետի հոգեբանության բաժնում։ Ավարտել է նաև նույն ֆակուլտետի մագիստրատուրան։

Աշխատել է որպես հաղորդավարուհի մի շարք ծրագրերում.

• «R&B» երաժշտական հաղորդում (Հ1)
• «Առաջին ծրագիր» առավոտյան տեղեկատվական-ժամանցային ծրագիր (Հ1)
• «Բարի գիշեր, հայեր» («Արմենիա»)
• «Առավոտ» ինֆորմացիոն ծրագիր («Արմնյուզ»)
• «Սպասիր ինձ» միջազգային հեռուստանախագիծ (Հ1)
• 2015 թվականից վարում է իր հեղինակային «Ճակատագրեր. Օվկիանոսից այն կողմ» հաղորդումը ԱՄՆ-ում, որը ցուցադրում է ՀՀ «Առաջին ալիքը»։

2013 թվականից Հայաստանի Հանրային հեռուստաընկերության մամուլի քարտուղարն է։

Արտաքին հղումներ

• Աննա Ավանեսյանը հանրային հեռուստաընկերության կայքում Արխիվացված 2014-10-16 Wayback Machine
• zarkfoundation.com կայքում