Անիավան
Անիավան, գյուղ Հայաստանի Շիրակի մարզում, Երևան-Գյումրի երկաթուղու վրա, մարզկենտրոնից 43 կմ հարավ-արևմուտք, ծովի մակերևույթից 1420 մ բարձրության վրա։
| Գյուղ | ||
|---|---|---|
| Անիավան | ||
Արբանյակային պատկեր | ||
| Երկիր |  Հայաստան | |
| Մարզ | Շիրակի | |
| Գյուղապետ | Մարտիրոս Միրոյան[փա՞ստ] | |
| Այլ անվանումներ | Անի կայարանին կից | |
| Մակերես | 87 կմ² | |
| ԲԾՄ | 1420 մ | |
| Պաշտոնական լեզու | Հայերեն | |
| Բնակչություն | 512[1] մարդ (2012) | |
| Ազգային կազմ | Հայեր | |
| Ժամային գոտի | UTC+4 | |
| Հեռախոսային կոդ | +374 242[2] | |
| ||
Անիավան է վերանվանվել 2006 թ.-ի հուլիսի 7-ին։
Բնակչություն խմբագրել
Բնակիչների զգալի մասը եկել են Անիի, Ախուրյանի, Արթիկի և Թալինի գյուղերից։
Ըստ ազգային վիճակագրական ծառայության տվյալների համայնքը 2013 թ-ի հունվարի 1-ի դրությամբ ունեցել է 397 մարդ։ Սեռային կազմում տղամարդիկ կազմում են 46%, կանայք՝ 54%։ Տարիքային խմբերը բաշխված են հետևյալ կերպ. մինչաշխատունակներ՝ 32%, աշխատունակներ՝ 48%, հետաշխատունակներ՝ 20%։ Ունի 44 տնտեսություն։
Անիավանի ազգաբնակչության փոփոխությունը.[3]
| Տարի | 1926 | 1939 | 1959 | 1966 | 1970 | 1989 | 2001 | 2011 |
|---|---|---|---|---|---|---|---|---|
| Բնակիչ | 66 | 249 | 386 | 560 | 460 | 548[4] | 393 | 331[5] |
Տնտեսություն խմբագրել
Բնակչությունը զբաղվում է երկրագործությամբ և անասնապահությամբ։ Մի մասը աշխատում է տեղի քարհանքում և երկաթուղային կայարանում։
Կլիման խմբագրել
Կլիման բարեխառն լեռնային է, ձմեռը տևական, ցուրտ, հաստատուն ձնածածկույթով։ Ամառը տաք է, համեմատաբար խոնավ։ Տարեկան տեղումների քանակը 500-600 մմ։ Բնական լանդշաֆտները սևահողային լեռնատափաստաններ։
Օգտակար հանածոներ խմբագրել
Շրջակայքում կան սև և կարմիր տուֆի, որձաքարի հարուստ հանքավայրեր։
Գյուղատնտեսություն խմբագրել
Մասնագիտացված ուղղությունը երկրագործությունն է։ Պետական հողերը օգտագործվում են որպես վարելահողեր, արոտավայրերը կազմում են 7 հեկտար և 22 հեկտար։ Զբաղվում են հացահատիկային, բանջարաբոստանային, կերային կուլտուրաների, կարտոֆիլի մշակությամբ, անասնապահությամբ, մեղվաբուծությամբ։
Հիմնախնդիրներ խմբագրել
Համայնքի հիմնախնդիրներն են դպրոցական գույքի նորացումը, խմելու ջրագծերի վերանորոգումը, գյուղամիջյան ճանապարհների վերանորոգումը, գյուղատնտեսական մթերքի իրացումը, գազաֆիկացումը[6]։
Ծանոթագրություններ խմբագրել
- ↑ ԱՎԾ տվյալներ
- ↑ http://www.cfoa.am/HTML/option/7.htm(չաշխատող հղում)
- ↑ «Հայաստանի հանրապետության բնակավայրերի բառարան, էջ 17» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Ապրիլի 21-ին.
- ↑ «Հայաստանի և հարակից շրջանների տեղանունների բառարան», հt. 5, էջ 555
- ↑ 2011 թ Հայաստանի մարդահամարի արդյունքները
- ↑ http://shirak.mtad.am/about-communities/587/