Անդրեյ Դավիդյան

հայազգի ռուս երգիչ, ռոք երաժիշտ

Անդրեյ Սերգեյի Դավիդյան (ռուս.՝ Андрей Давидян, հունվարի 30, 1956(1956-01-30), Մոսկվա, ԽՍՀՄ - նոյեմբերի 13, 2016(2016-11-13), Մոսկվա, Ռուսաստան), հայազգի ռուս երգիչ, ռոք երաժիշտ:

Անդրեյ Դավիդյան
Андрей Давидян на премии Полезные Ископаемые.jpg
Ծնվել էհունվարի 30, 1956(1956-01-30)
Մոսկվա, ԽՍՀՄ
ԵրկիրFlag of the Soviet Union.svg ԽՍՀՄ և Flag of Russia.svg Ռուսաստան
Մահացել էնոյեմբերի 13, 2016(2016-11-13) (60 տարեկան)
Մոսկվա, Ռուսաստան
Մասնագիտություներգիչ և երաժիշտ
Գործիքներվոկալ
ԿրթությունԱսիայի և Աֆրիկայի երկրների ինստիտուտ
Կայքdavidyan.su

ԿենսագրությունԽմբագրել

Անդրեյ Դավիդյանը ծնվել է 1956 թվականի հունվարի 30-ին Մոսկվայում, օպերային երգիչ Սերգեյ Դավիդյանի և դաշնակահարուհի Զլատա Սերգեևնայի ընտանիքում: Երեք տարեկան հասակից հետաքրքրվել է երաժշտությամբ: Սովորել է Մոսկվայի թիվ 152 դպրոցում, ուր հիմնականում այցելում էին ստեղծագործական ընտանիքների երեխաներ: Երաժշտության հանդեպ սերը ժառանգել է հորից, մանկուց նախընտրել է ռիթմը, հատկապես հարվածային գործիքները: 8-րդ դասարանում ընկերների հետ հիմնել է երաժշտական խումբ: Դպրոցն ավարտելուց հետո Անդրեյ Դավիդյանը որոշել է ընդունվել թատերական ինստիտուտ, սակայն չի հաջողվել քննությունները հանձնել: Փորձել է ընդունվել դրամատիկական դպրոց Եֆիմ Շիֆրինի հետ, սակայն երկուսն էլ մրցույթը չեն հաղթահարել: 1973 թվականին Անդրեյը միացել է «Високосное лето» ռոք խմբին, որը հիմնադրել են կիթառահար-վոկալիստ Ալեքսանդր Սիտկովեցկին և ստեղնաշարահար Քրիս Կելմին: Խմբի ստեղծումից մեկ տարի անց Անդրեյը մեկնել է բանակ: Թատերական բուհ ընդունվելու անհաջող փորձից հետո Դավիդյանն ավարտել է Ասիայի և Աֆրիկայի երկրների ինստիտուտը և դարձել թարգմանիչ, ուսումնասիրել է արաբերեն, անգլերեն և ֆրանսերեն[1]:

Բանակում ծառայելուց հետո Անդրեյը միացել է «Добровольное общество» (Կամավոր ընկերություն) երաժշտական խմբին, որտեղ կատարել է Deep Purple-ի, Led Zeppelin-ի և Grand Funk Railroad-ի երգերի քավեր տարբերակները: 1977 թվականին Դավիդյանը այլ երաժիշտների հետ հիմնել է «Վիկտորիա» խումբը, եղել է Աֆրիկայում, շրջագայել Եգիպտոսում և Ալժիրում: Հայրենիք վերադառնալուց հետո աշխատել է Ռուսաստանի պետական նվագախմբում[2]: 1979 թվականին Դավիդյանը դարձել է «Рок-Ателье» խմբի վոկալիստ, որը համագործակցում էր «Լենկոմ» թատրոնի հետ: Համագործակցության արդյունքում բեմադրվել է «Յունոնա և Ավոս» ռոք-օպերան: 1987 թվականին երգչին ժողովրդականություն է բերել «Замыкая круг» երգը: 1993 թվականին Դավիդյանը հիմնել է Sound Cake խումբը, որին նվիրել է իր ստեղծագործական 20 տարիները, կատարել է ջազային, ռոքային և սոուլ ոճի երգեր: Նախքան «Ռուսաստանի ձայնը» երաժշտական նախագծին մասնակցելը, Դավիդյանը շարունակել է ստեղծագործական գործունեություն, սակայն որևէ ալբոմ չի թողարկել: 2012 թվականի աշնանը մասնակցել է «Ռուսաստանի ձայնը» երաժշտական նախագծին[3], որտեղ կատարել է «Georgia on my mind» երգը[4]: Նախագծին մասնակցելիս պարբերաբար հանդես է եկել համերգների, ստեղծագործական երեկոների ժամանակ[1]:

Անձնական կյանքԽմբագրել

Անդրեյ Դավիդյանն ամուսնացել է 3 անգամ: Ունի երեք դուստր՝ Մարիա, Լիզա, Կատյա: Կատյան ավարտել է երաժշտական դպրոցը, մասնակցել է «Ռուսաստանի ձայն: Երեխաներ» նախագծին: Կատյայի մայրը՝ Աննա Աբրամոչկինան, Sound Cake խմբի վոկալիստն է[1]: Կյանքի վերջին տարիներին ապրել է դիզայներ Վիկտորյա Կոլոսի հետ:

ՄահԽմբագրել

2016 թվականի նոյեմբերի 11-ին 60-ամյա երաժիշտը վատ զգացողության պատճառով հետազոտվել է Բոտկինսկի հիվանդանոցում[5]: Բժիշկներն ախտորոշել են իշեմիկ ինսուլտ: Մահացել է 2016 թվականի նոյեմբերի 13-ին, հուղարկավորությունը կատարվել է նոյեմբերի 16-ին[1]:

ԾանոթագրություններԽմբագրել

Արտաքին հղումներԽմբագրել