Անդրեաս Մելիքյան
- Վիքիպեդիայում կան հոդվածներ Մելիքյան ազգանունով այլ մարդկանց մասին։
Անդրեաս Շմավոնի Մելիքյան (հունիսի 2, 1963, Օշական, Աշտարակի շրջան, Հայկական ԽՍՀ, ԽՍՀՄ), հայ գյուղատնտես։ Գյուղատնտեսական գիտությունների դոկտոր (2003), պրոֆեսոր (2008): Կենսաբանական գիտությունների թեկնածու (1990): ՀԱԱՀ բույսերի գենոֆոնդի և սեկելցիայի պրոբլեմային գիտահետազոտական լաբորատորիայի վարիչ, բուսաբուծության և բանջարաբուծության ամբիոնի վարիչ[1]։
Անդրեաս Մելիքյան | |
---|---|
Ծնվել է | հունիսի 2, 1963 (60 տարեկան) |
Ծննդավայր | Օշական, Աշտարակի շրջան, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կրթություն | Հայաստանի ազգային ագրարային համալսարան (1985) |
Գիտական աստիճան | Կենսաբանական գիտությունների թեկնածու (1990) և գյուղատնտեսական գիտությունների դոկտոր (2003) |
Մասնագիտություն | գյուղատնտես |
Կենսագրություն խմբագրել
Անդրեաս Մելիքյանը ծնվել է 1963 թվականի հունիսի 2-ին Օշական (այժմ՝ ՀՀ Արագածոտնի մարզ) գյուղում։ 1980-1985 թվականներին սովորել և ավարտել է Հայկական գյուղատնտեսական ինստիտուտը` «Այգեպտղաբուծություն» մասնագիտությամբ։ 1986-1989 թվականներին սովորել է ասպիրանտուրայում։ 1986 թվականին աշխատել է Օշականի սովխոզում՝ որպես բրիգադավար[2]։ 1989-1994 թվականներին եղել է Հայկական գյուղատնտեսական ինստիտուտի Բուսաբուծության ամբիոնի դասախոս, ռեկտորի օգնական, ասպիրանտուրայի վարիչ, արտաքին կապերի բաժնի վարիչ։ 1997 թվականին ուսումնասիրել է Եգիպտոսում անջրդի երկրագործության առանձնահատկությունները և գյուղատնտեսական արտադրության կազմակերպման յուրահատկությունները զարգացող երկրների օրինակով։ 1998 թվականին ուսումնասիրել է Անգլիայում կերային և սեղանի արմատապտուղների մշակության ագրոտեխնիկական և սելեկցիայի խնդիրների շուրջ, 1999 թվականին Իսրայելում ուսումնասիրել է բոստանային բույսերի մշակության տեխնոլոգիաները՝ ոռոգման նոր համակարգերի կիրառմամբ։ 1999-2002 թվականներին գյուղատնտեսական արտադրության և վերամշակման նորագույն տեխնոլոգիաներին ծանոթանալու նպատակով գործուղվել է ԱՄՆ Այդահոյի, Ֆլորիդայի, Կոնեկտիկուտի, Հարավային Կարոլինայի և Միչիգանի համալսարաններ։ 2001 թվականին եղել է Գյուղաջակցության «Ագրո-X» հիմնադրամի տնօրեն, 2003-2006 թվականներին՝ Համաշխարհային բանկի ֆինանսավորմամբ իրականացվող «ՀՀ Գեղարքունիքի և Տավուշի մարզերի տնտեսություններում ջրհավաք ավազանների կառավարում և չքավորության նվազեցման ու գիտասփյուռի աջակցություն» ծրագրի համակարգող-խորհրդատու, 1995-2008 թվականների՝ Հայաստանի ազգային ագրարային համալսարանի Բուսաբուծության և բանջարաբուծության ամբիոնի դոցենտ։ 2007-2009 թվականներին աշխատել է ՀՀ բնապահպանության նախարարությունում, եղել UNEP/GEF «In-situ Conservation of Crop Wild Relatives Through Enhanced Information Management and Field Application» ծրագրի գլխավոր մասնագետ, 2008-2009 թվականներին՝ ՀՊԱՀ-ի Բուսաբուծության և բանջարաբուծության ամբիոնի պրոֆեսոր, 2009 թվականից՝ ՀԱԱՀ Բուսաբուծության և բանջարաբուծության ամբիոնի վարիչ, 2011 թվականից՝ ՀԱԱՀ բույսերի գենոֆոնդի և սելեկցիայի պրոբլեմային գիտահետազոտական լաբորատորիայի վարիչ։
Հեղինակ է 1 մենագրության, շուրջ 70 գիտական հոդվածների, այդ թվում նաև արտասահմանյան համալսարանական հանդեսներում հրատարկված հոդվածների։
Անդամակցություն խմբագրել
- Գիտական աստիճան շնորհող «011 Ագրոնոմիա» մասնագիտական խորհուրդ, նախագահ
- Հայաստանի ազգային ագրարային համալսարանի և Ագրոնոմիական ֆակուլտետի, հեռակա ուսուցման դեպարտամենտի գիտական խորհուրդների անդամ
- ՀԱԱՀ մագիստրատուրայի գիտամեթոդական խորհրդի անդամ
- ՀԱԱՀ Գիտական Տեղեկագրի խմբագրական խորհրդի անդամ
- Հայաստանի բույսերի գենետիկական ռեսուրսների պահպանման խմբի (IPGRI) անդամ
- IPGRI ազգային համակարգող բանջարաբույսերի գծով VOCA/VISTA-ի փորձագետ
Երկեր խմբագրել
- Մեթոդական ցուցումներ «Բուսաբուծական արտադրանքի արտադրության տեխնոլոգիա», «Բուսաբուծական և բանջարային արտադրանքի արտադրության տեխնոլոգիա», «Բուսական ծագման մթերքների արտադրության տեխնոլոգիայի հիմունքներ», «Բուսաբուծություն և բանջարաբուծություն» առարկաներից լաբորատոր-գործնական աշխատանք կատարելու համար, Մելիքյան, Անդրեաս Շմավոնի, Պետրոսյան, Ս. Ռ., Կրթության և գիտության նախարարություն, ՀՀ, Հայաստանի պետական ագրարային համալսարան, Երևան, ՀՊԱՀ, 2011[3]։
- Մեթոդական ցուցումներ։ «Բուսաբուծական արտադրանքի արտադրության տեխնոլոգիա», «Բուսաբուծական և բանջարային արտադրանքի արտադրության տեխնոլոգիա», «Բուսաբուծություն և բանջարաբուծություն» առարկաներն ուսումնասիրելու և ստուգողական աշխատանք կատարելու համար, Մելիքյան, Անդրեաս Շմավոնի, Կրթության և գիտության նախարարություն, ՀՀ Հայաստանի պետական ագրարային համալսարան, Երևան, ՀՊԱՀ, 2010։
- Մեթոդական ցուցումներ, Երևան , ՀՊԱՀ, 2010, 12 էջ[4]։
- Բանջարաբուծություն, Երևան , ՀՊԱՀ, 2010, 175 էջ[5]։
- Բանջարաբուծություն։ (Լաբորատոր-գործնական պարապմունքների ձեռնարկ), Մելիքյան, Անդրեաս Շմավոնի, Գյուլխասյան, Միքայել Ասատուրի, Երևան, ՀՊԱՀ, 2010։
- Մեթոդական ցուցումներ։ «Բանջարաբուծություն» առարկայից կուրսային աշխատանք (նախագիծ) կատարելու համար, Մելիքյան, Անդրեաս Շմավոնի, Նշանյան, Արտաշ Ոսկանի, Կրթության և գիտության նախարարություն ՀՀ, Հայաստանի պետական ագրարային համալսարան, Երևան, ՀՊԱՀ, 2010[6]։
- Բանջարաբուծություն։ Դասագիրք ԲՈՒՀ-երի ուսանողների համար, Մելիքյան, Անդրեաս Շմավոնի, Նշանյան, Ա., Երևան , Դար, 2005[7]։
- Մեթոդական ցուցումներ «Բուսաբուծական արտադրանքի արտադրության տեխնոլոգիա», «Բուսաբուծական և բանջարային արտադրանքի արտադրության տեխնոլոգիա», «Բուսական ծագման մթերքների արտադրության տեխնոլոգիայի հիմունքներ», «Բուսաբուծություն և բանջարաբուծություն» առարկաներից լաբորատոր-գործնական աշխատանք կատարելու համար, Մելիքյան, Անդրեաս Շմավոնի, Պետրոսյան, Ս. Ռ., Կրթության և գիտության նախարարություն, ՀՀ, Հայաստանի պետական ագրարային համալսարան, Երևան, ՀՊԱՀ, 2011։
- Բանջարաբուծություն, Դար, 2005, 503 էջ։
Գիտական հոդվածներ խմբագրել
- «Ագրոկենսաբազմազանություն» ուսումնական ձեռնարկGIZ ֆինանսավորմամբ (համահեղինակ), 2015։
- «Բույսերի արտաքին կարանտին օրգանիզմների բացահայտման Բուսասանիտարական փորձաքննություն» դասագիրք, Բուսասանի-տարական վերապատրաստման կուրսերի ունկնդիրների համար (համահեղինակ), 2012։
- Gardens of agro-biodiversity - Traditional knowledge, genetic resources and future perspectives for food and agriculture in the Southern Caucasus ecosystems (FAO-ի հեղինակային կոլեկտիվի կազմում, անգլերեն և ռուսերեն լեզուներով) գիտաճանաչողական գիրք-ատլաս, Հռոմ, 2010։
- «Բանջարաբուծություն լաբորատոր-գործնական պարապմունքներ» ուսումնական ձեռնարկ, 2010։
Ծանոթագրություններ խմբագրել
- ↑ ««Մասնագիտական կրթության որակի ապահովման ազգային կենտրոն» հիմնադրամի հավատարմագրման հանձնաժողովի կազմը» (PDF).
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 78։
- ↑ Մելիքյան, Անդրեաս Շմավոնի; Պետրոսյան, Ս Ռ (2011). Մեթոդական ցուցումներ «Բուսաբուծական արտադրանքի արտադրության տեխնոլոգիա», «Բուսաբուծական և բանջարային արտադրանքի արտադրության տեխնոլոգիա», «Բուսական ծագման մթերքների արտադրության տեխնոլոգիայի հիմունքներ», «Բուսաբուծություն և բանջարաբուծություն» առարկաներից լաբորատոր-գործնական աշխատանք կատարելու համար. Կրթության և գիտության նախարարություն ՀՀ, Հայաստանի պետական ագրարային համալսարան. Երևան: ՀՊԱՀ.(չաշխատող հղում)
- ↑ Մելիքյան, Անդրեաս Շմավոնի (2010). Մեթոդական ցուցումներ։ «Բուսաբուծական արտադրանքի արտադրության տեխնոլոգիա», «Բուսաբուծական և բանջարային արտադրանքի արտադրության տեխնոլոգիա», «Բուսաբուծություն և բանջարաբուծություն» առարկաներն ուսումնասիրելու և ստուգողական աշխատանք կատարելու համար. Կրթության և գիտության նախարարություն ՀՀ, Հայաստանի պետական ագրարային համալսարան. Երևան: ՀՊԱՀ.(չաշխատող հղում)
- ↑ Մելիքյան, Անդրեաս (2005). Բանջարաբուծություն. Դար. ISBN 9789994147045.
- ↑ Nieto, M.; Muñoz, E.; Carreira, J.; Andreu, J. M. (1975 թ․ դեկտեմբերի 16). «Conformational and molecular responses to pH variation of the purified membrane adenosine triphosphatase of Micrococcus lysodeikticus». Biochimica Et Biophysica Acta. 413 (3): 394–414. ISSN 0006-3002. PMID 91.
- ↑ Մելիքյան, Անդրեաս Շմավոնի (2005). Նշանյան, Ա (ed.). Բանջարաբուծություն։ Դասագիրք ԲՈՒՀ-երի ուսանողն. համար. Երևան: Դար. ISBN 9789994147045.(չաշխատող հղում)