Անդրանիկ Մանուկյան (պետական գործիչ)
Անվան այլ կիրառումների համար տե՛ս՝ Անդրանիկ Մանուկյան (այլ կիրառություններ)- Վիքիպեդիայում կան հոդվածներ Մանուկյան ազգանունով այլ մարդկանց մասին։
Անդրանիկ Ենոքի Մանուկյան (մականունը՝ Սերվիսի Անդո[1][2] դեկտեմբերի 22, 1954, Աղավնաձոր, Հրազդանի շրջան, Հայկական ԽՍՀ, ԽՍՀՄ), ՀՀ պետական և քաղաքական գործիչ, դիվանագետ, բիզնեսմեն, ՀՀ պետական եկամուտների նախարար (2000-2001), ՀՀ տրանսպորտի և նախկին նախարար (2001-2008), Ուկրաինայում ՀՀ արտակարգ և լիազոր դեսպան (2010-2018):
| Անդրանիկ Ենոքի Մանուկյան | |
|---|---|
| Ծնվել է | դեկտեմբերի 22, 1954 (70 տարեկան) |
| Ծննդավայր | Աղավնաձոր, Հրազդանի շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Մասնագիտություն | քաղաքական գործիչ և տնտեսագետ |
| Գործունեություն | բիզնեսմեն, պատգամավոր |
| Աշխատատու | Ուկրաինայում ՀՀ դեսպանատուն |
| Զբաղեցրած պաշտոններ | Հայաստանի Ազգային ժողովի պատգամավոր |
| Կուսակցություն | Հայաստանի Հանրապետական կուսակցություն |
Կենսագրություն
խմբագրելԾնվել է 1954 թ. դեկտեմբերի 22-ին Հրազդանի շրջանի Աղավնաձոր գյուղում։ 1970-1973 թթ.-ին աշխատել է Հրազդանի ցեմենտի գործարանում որպես բանվոր։ 1973-1975 թթ.-ին ծառայել է ԽՍՀՄ ՊԱԿ սահմանապահ զորքերում։ 1976-1978 թթ.-ին սովորել է Երևանի ժողովրդական տնտեսության ինստիտուտում։ 1978-1982 թթ.-ին սովորել և ավարտել է Լենինգրադի Ն.Ա.Վոզնեսենսկու անվան ֆինանսա-տնտեսագիտական ինստիտուտը։ 1978-1982 թթ.-ին սովորել և ավարտել է Լենինգրադի Ն.Ա.Վոզնեսենսկու անվան ֆինանսա-տնտեսագիտական ինստիտուտը։ 1983-1985 թթ.-ին աշխատել է Երևանի ժողովրդական տնտեսության ինստիտուտում որպես ավագ գիտաշխատող։ 1990-1991 թթ.-ին աշխատել է «Հայավտովազ» տեխսպասարկում առևտրաարդյունաբերական ֆիրմայում որպես գլխավոր տնօրեն, իսկ 1991-1999 թթ.-ին՝ «Արարատ-Լադա» ԲԸ-ում որպես նախագահ։
Բիզնես գործունեություն
խմբագրելԱնդրանիկ Մանուկյանը, չնայած ՀՀ անկախությունից ի վեր զբաղեցրել և զբաղեցնում է պետական պաշտոններ, սակայն նա հանրությանը հայտնի է նաև որպես Հայաստանի մեծահարուստներից մեկը։
Մանուկյանին են պատկանում տարբեր բիզնես նախագծեր։
Քաղաքական գործունեություն
խմբագրելԱնդրանիկ Մանուկյանը իր քաղաքական գործունեությունը սկսել է դեռևս ԽՍՀՄ տարիներից՝ հետագայում շարունակելով այն անկախություն հռչակած Հայաստանի Հանրապետությունում։ Մասնավորապես 1986-1990 թթ.-ին նշանակվել և աշխատել է Հայաստանի կոմունիստական կուսակցության Երևանի քաղաքային կոմիտեի հրահանգիչ, ապա բաժնի վարիչ, ՀԿԿ Երևանի քաղաքային կոմիտեի հրահանգիչ, ապա բաժնի վարիչ։ 1990 թ. մայիսի 20-ին ընտրվել է ՀԽՍՀ Գերագույն խորհրդի պատգամավոր № 213 ընտրատարածքից։ 1995 թ. հուլիսի 5-ին որպես «Հանրապետություն» խմբակցության անդամ ընտրվել է ՀՀ Ազգային ժողովի 1-ին գումարման պատգամավոր № 72 ընտրատարածքից՝ ընդգրկվելով ԱԺ ֆինանսավարկային, բյուջետային և տնտեսական հարցերի մշտական հանձնաժողովում։ 1999 թ. մայիսի 30-ին որպես «Միասնություն» խմբակցության մեջ ընդգրկված Հայաստանի Հանրապետական կուսակցության անդամ ընտրվել է ՀՀ Ազգային ժողովի 2-րդ գումարման պատգամավոր № 55 ընտրատարածքից՝ ընդգրկվելով ԱԺ ֆինանսավարկային, բյուջետային և տնտեսական հարցերի մշտական հանձնաժողովում։ 2000 թ. մայիսի 20-ին նշանակվել է ՀՀ կառավարության աշխատակազմի ղեկավար-նախարար։ 2000 թ. նոյեմբերի 6-ին նշանակվել է ՀՀ պետական եկամուտների նախարար։ 2001 թ. հուլիսի 6-ին նշանակվել է ՀՀ տրանսպորտի և կապի նախարար։ 2008 թ. ապրիլի 21-ին ՀՀ Նախագահի հրամանագրով նշանակվել է ՀՀ Նախագահ Սերժ Սարգսյանի խորհրդական[3]։ 2010-2018 թթ.-ին կարիերան շարունակել է դիվանագիտական ոլորտում։
Դիվանագիտական գործունեությունը
խմբագրելԱնդրանիկ Մանուկյանը ՀՀ նախագահ Սերժ Սարգսյանի հրամանով 2010 թ.-ի ապրիլի 26-ին նշանակվել է Ուկրաինայում ՀՀ արտակարգ և լիազոր դեսպան[4]՝ չնայած այն հանգամանքի, որ նա դիվանագետ չէ[5]։ Նույն օրը նրան շնորհվել է Հայաստանի Հանրապետության արտակարգ և լիազոր դեսպանի դիվանագիտական աստիճան[4]։
Ընտանիք
խմբագրելԱմուսնացած է, ունի 2 զավակ.
- որդին՝ Դավիթ Մանուկյան, ՀՀ ԱԺ 7-րդ գումարման պատգամավոր է (ԲՀԿ խմբակցություն[6]),
- դուստրը՝ Լուսինա Մանուկյան, երգչուհի:
Ծանոթագրություններ
խմբագրել- ↑ «Սերվիսի Անդոն հայտարարագրել է շուրջ 5 միլիոն դոլար։». Արխիվացված է օրիգինալից 2015 թ․ օգոստոսի 4-ին. Վերցված է 2015 թ․ հուլիսի 18-ին.
- ↑ ««Ժողովուրդ». Ուկրաինայում ՀՀ դեսպանի ունեցվածքը։». Արխիվացված է օրիգինալից 2016 թ․ մարտի 4-ին. Վերցված է 2015 թ․ հուլիսի 18-ին.
- ↑ Ա. Մանուկյանին Հայաստանի Հանրապետության նախագահի խորհրդական նշանակելու մասին
- ↑ 4,0 4,1 Ա. Մանուկյանին Ուկրաինայում ՀՀ արտակարգ և լիազոր դեսպան նշանակելու և ՀՀ արտակարգ և լիազոր դեսպանի դիվանագիտական աստիճան շնորհելու մասին
- ↑ «Դեսպան Վրաստանում։». Արխիվացված է օրիգինալից 2015 թ․ օգոստոսի 4-ին. Վերցված է 2015 թ․ հուլիսի 18-ին.
- ↑ Դավիթ Անդրանիկի Մանուկյան
| Նախորդող Շահեն Կարամանուկյան |
ՀՀ Կառավարության աշխատակազմի ղեկավար-նախարար Անդրանիկ Մանուկյան մայիսի 20 2000 - նոյեմբերի 6 2000 |
Հաջորդող Մանուկ Թոփուզյան |
| Նախորդող Գագիկ Պողոսյան |
ՀՀ պետական եկամուտների նախարար Անդրանիկ Մանուկյան նոյեմբերի 6 2000 - հուլիսի 6 2001 |
Հաջորդող Երվանդ Զախարյան |
| Նախորդող Երվանդ Զախարյան |
ՀՀ տրանսպորտի և կապի նախարար Անդրանիկ Մանուկյան հուլիսի 6 2001 - ապրիլի 21 2008 |
Հաջորդող Գուրգեն Սարգսյան |
| Նախորդող Արմեն Խաչատրյան |
Ուկրաինայում Հայաստանի դեսպան Անդրանիկ Մանուկյան ապրիլի 26 2010 - սեպտեմբերի 3 2018 |
Հաջորդող Տիգրան Սեյրանյան |