Անահիտ Սավայան
Անահիտ Եփրեմի Սավայան (ապրիլի 18, 1944, Երևան, Հայկական ԽՍՀ, ԽՍՀՄ - մայիսի 18, 2013, Երևան, Հայաստան[1]), հայ նկարչուհի, խեցեգործ։
Անահիտ Սավայան | |
---|---|
Ի ծնե | Անահիտ Եփրեմի Սավայան |
Ծնվել է | ապրիլի 18, 1944 |
Ծննդավայր | Երևան, Հայկական ԽՍՀ, ԽՍՀՄ |
Վախճանվել է | մայիսի 18, 2013 (69 տարեկան) |
Մահվան վայր | Երևան, Հայաստան |
Ազգություն | հայ |
Քաղաքացիություն | Հայաստան |
Կրթություն | Փանոս Թերլեմեզյանի անվան գեղարվեստական ուսումնարան (1964) և Երևանի պետական գեղարվեստա-թատերական ինստիտուտ (1969) |
Մասնագիտություն | նկարչուհի |
Ակտիվ շրջան | նկարչուհի, խեցեգործ |
Հայր | Եփրեմ Սավայան |
Զավակներ | Մարո Սարգսյան |
ՀԽՍՀ արվեստի վաստակավոր գործիչ Եփրեմ Սավայանի դուստրն է, նկարիչ Արմեն Սավայանի քույրը։ Ժամանակակից հայտնի նկարչուհի Մարո Սարգսյանի մայրը։
Կենսագրություն խմբագրել
1964 թվականին ավարտել է Երևանի գեղարվեստի ուսումնարանը, 1969 թվականին՝ Երևանի գեղարվեստա-թատերական ինստիտուտը։ 1978 թվականից գեղանկարչություն և խեցեգործություն է դասավանդել Երևանի Պուշկինի անվան դպրոցում։ Թեմատիկ-խորհրդանշական բնույթի խեցեգործական աշխատանքներով ձևավորել է Հրազդանի ջրէկի (1971), Երևանի Պուշկինի անվան դպրոցի (1974), «Նաիրի» (1977), «Սևան» (1978) հյուրանոցների, «Ոսկեվազ» սրճարանի (1986) ներսույթները, ստեղծել որմնանկարներ Երևանի թիվ 1 մանկապարտեզում (1974), պաննոներ՝ «Հրազդանմաշ» գործարանի (Հրազդան) առողջարանում (1988) և այլուր[2]։
Ծանոթագրություններ խմբագրել
- ↑ «AV Production - Անահիտ Սավայան». avproduction.am. Արխիվացված է օրիգինալից 2021 թ․ հունիսի 2-ին. Վերցված է 2019 թ․ ապրիլի 18-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.