Ամստերդամի պատմության թանգարան

Ամստերդամի պատմության թանգարան
Տեսակ	թանգարան
Երկիր	Նիդերլանդներ
Տեղագրություն	Ամստերդամ
Վայր	Burgerweeshuis?
Կազմված է	Վիլլետ Հոլտհյուսեն թանգարան
Ղեկավարության նստավայր	Ամստերդամ, Նիդերլանդներ
Հասցե	Նիդերլանդներ։ Ամստերդամ, Կալվերստրատ 921012 PHՍինտ Լյուսիենստեեգ
Հիմնադրվել է	1926
Հիմնադիր	Կորնելիս Բարդ
Այցելուներ	199 322 մարդ (2010), 191 450 մարդ (2009) և 172 619 մարդ (2008)
Կայք	Պաշտոնական կայք

Ամստերդամի պատմության թանգարան (հոլ.՝ Amsterdams Historisch Museum) կամ Ամստերդամի թանգարան (հոլ.՝ Amsterdam Museum), գտնվում է Նիդերլանդների համանուն քաղաքում՝ Կալվերստրատ 92 հասցեում։

Պատմություն

Թագուհի Յուլիանան պաշտոնապես բացում է Ամստերդամի պատմության թանգարանի նոր մասնաշենքը, 1975 թվականի հոկտեմբերի 27

Բացվել է 1926 թվականին Ամստերդամի կախովի պալատում, 15-րդ դարի շինություն է, տեղակայված է Նյումկարտ^[en] հրապարակում։ 1975 թվականից զբաղեցնում է նախկին ապաստարանի շինությունը, որը կառուցվել է 1580 թվականին։ Այն ընդարձակվել է ճարտարապետներ Հենդրիկ դե Կեյզերի և նրա որդի Պիտեր դե Կեյզերի^[en] կողմից։ 1634 թվականին կառույցը վերակառուցել է նկարիչ և ճարտարապետ Յակոբ վան Կամպենը։ Ապաստարանը շինության մեջ տեղակայվել է մինչև 1960 թվականը։

Ցուցադրություն

Թանգարանի ցուցադրության մեջ մտնում են Ամստերդամի պատմության հետ կապված տարբեր առարկաներ՝ սկսած միջին դարերից մինչև մեր ժամանակները։ Թանգարանի հավաքածուն ներառում է մոտավորապես 80 000 արվեստի նմուշ՝ նկարներ, քանդակներ, փորագրություններ, այնպիսի հեղինակների նկարներ, ինչպիսիք են՝ Ռեմբրանդ, Յորդան Բրակենսիկ^[en], Անտոնիսզ Կորնելիս^[en], Ալբերտ Յանսզ Վինկենբրինկ^[en], Ադրիան վան Նիուլանդտ^[en], Գեորգ Հենդրիկ Բրեյտներ։ Թանգարանում ներկայացված են նաև գրքեր, կահույք, տեքստիլ արտադրանքներ, ապակուց և կերամիկայից պատրաստված առարկաներ, մեդալներ, արհեստագործական արտադրանքներ և կենցաղային առարկաներ, որոնք ցուցադրում են քաղաքի կյանքի պատմությունը։ Թանգարանը պահպանում է նաև հնագիտական նմուշներ, որոնք հայտնաբերվել են Ամստերդամի հնագիտական ծառայության կողմից։ Ցուցադրության բոլոր առարկաների տվյալները աստիճանաբար թվայնացվում են։