Աղաղ

Աղաղ, գյուղ Արևմտյան Հայաստանում, Բիթլիսի վիլայեթի Խլաթի գավառակում։ Գտնվում է Խլաթ քաղաքի և Դատվան գյուղաքաղաքի միջև՝ Վանա լճի արևմտյան ափին։

Գյուղ
Աղաղ
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառակ	Խլաթի գավառակ
Այլ անվանումներ	Ալինան, Ալիջան, Արաղ, Բըքլից, Բքլենց, Բքլից
Պաշտոնական լեզու	Հայերեն
Բնակչություն	140 մարդ (XIX դարավերջ)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	աղաղցի
Ժամային գոտի	UTC+3
Աղաղ (Աշխարհ)

Աղաղը հիշատակվել է դեռևս XV դարում։ Գյուղը մտել է Մեծ Հայքի Տուրուբերան աշխարհի Տարոն գավառի մեջ։ Լճի մակարդակի բարձրացման պատճառով գյուղի եկեղեցին կղզիացած մնացել էր ջրի մեջ։

XIX դարավերջին ուներ 18-20 տուն՝ 140 հայ բնակչով։

Բնակչության հիմնական զբաղմունքը երկրագործությունն ու անասնապուհությունն էր։ Մասամբ զբաղվում էին նաև ձկնորսությամբ։

Աղաղն ավերվել ու ամայացել է առաջին համաշխարհային պատերազմի ժամանակ։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 630)։