Ահմոս (արքայադուստր)
Ահմոս (անգլ.՝ Ahmose, «Լուսնի զավակ»), հին եգիպտական տասնյոթերորդ արքայատոհմի արքայադուստր, որը եղել է փարավոն Սեկենենրե Տաա II-ի («Համարձակ») և վերջինիս կին-քրոջ՝ Սիտջեհուտիի միակ հայտնի դուստրը։ Փարավոն Ահմոս I-ի ու թագուհի Ահմոս-Նեֆերտարիի խորթ քույրն էր։ Տիտղոսներից էին՝ «Թագավորի դուստր», «Թագավորի քույր»[1]։
| Ահմոս | |
|---|---|
 | |
| Ծնվել է | մ.թ.ա. 16-րդ դար |
| Մահացել է | մ.թ.ա. 16-րդ դար |
| Քաղաքացիություն | Հին Եգիպտոս |
| Մասնագիտություն | ազնվական |
| Ծնողներ | հայր՝ Սեկենենրա Սաա II, մայր՝ Սիտջեհուտի |
 Ahmose (princess) Վիքիպահեստում | |
Ենթադրվում է, որ Ահմոսն իր առավել հայտնի խորթ եղբորից ու քրոջից ավելի երկար է ապրել։ Հավանաբար վախճանվել է Թութմոս I-ի (Տասնութերորդ արքայատոհմ) գահակալության տարիներին[2]՝ մոտավորապես քառասուն տարեկանում, սրտային հիվանդությունից[3]։
Դամբարան QV47 խմբագրել
Հուղարկավորվել է Կայսրուհիների Հովտի QV47 դամբարանում[1]։ Նրա դամբարանը համարվում է այդ հովտում կառուցված առաջին դամբարաններից մեկը։ Այն համեմատաբար հասարակ է և բաղկացած է մեկ սրահից ու թաղման խցից։ Գտնվում է հարակից հովտում, որը կոչվում է Ահմոս արքայազնի հովիտ։ Մումիան հայտնաբերվել է Էռնեստո Սկիապարելլիի կողմից՝ 1903 - 1905 թվականների ընթացքում վերջինիս կատարած պեղումների ժամանակ[2]։ Մումիան այժմ գտնվում է Իտալիայի Եգիպտական թանգարանում[1]։ Մումիայից բացի Սկիապարելլին հայտնաբերել է նաև թաղման պարագաներ, այդ թվում՝ նրա դագաղից մի կտոր, կաշվե սանդալներ և քաթանի կտորներ, որոնց վրա գրված են Մեռյալների գրքի մոտ 20 գլուխներ․ այս ամենը նույնպես գտնվում է Թուրինում[2][4]։
Ծանոթագրություններ խմբագրել
- ↑ 1,0 1,1 1,2 Aidan Dodson & Dyan Hilton, The Complete Royal Families of Ancient Egypt, Thames & Hudson (2004) 0-500-05128-3, p. 128
- ↑ 2,0 2,1 2,2 Demas, Martha, and Neville Agnew, eds. 2012. Valley of the Queens Assessment Report: Volume 1. Los Angeles, CA: Getty Conservation Institute. Getty Conservation Institute, link to article
- ↑ «Egyptian Princess Mummy Had Oldest Known Heart Disease». National Geographic News (անգլերեն). 2011 թ․ ապրիլի 15. Վերցված է 2020 թ․ մարտի 23-ին.
- ↑ Porter, Bertha and Moss, Rosalind, Topographical Bibliography of Ancient Egyptian Hieroglyphic Texts, Statues, Reliefs and Paintings Volume I: The Theban Necropolis, Part 2. Royal Tombs and Smaller Cemeteries, Griffith Institute. 1964
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ահմոս (արքայադուստր) կատեգորիայում։ |