Ահաբեկչություններ Եգիպտոսում (2017)

Ահաբեկչություններ Եգիպտոսում, համակարգված ահաբեկչական գործողությունների շարք Եգիպտոսի Տանտա և Ալեքսանդրիա քաղաքներում 2017 թվականի ապրիլի 9-ին։ Մահապարտ ահաբեկիչները մի քանի ժամ տարբերությամբ գրոհել են ղպտական եկեղեցիներ։ Պայթյունի հետևանքով մահացել է 45, վիրավորվել՝ ավելի քան 140 մարդ[1]։

Ահաբեկչություններ Եգիպտոսում
Տեսակհարձակում և ահաբեկչական հարձակում պայթյունով
Երկիր Եգիպտոս
Գրոհի վայրՏանտա և Ալեքսանդրիա
ՏեղադրանքՏանտա և Ալեքսանդրիա
Գրոհի նպատակՂպտի ուղղափառ եկեղեցի, Սուրբ Մարկոս ղպտական ուղղափառ եկեղեցի և Տանտայի Սուրբ Գևորգ եկեղեցի
Տարեթիվապրիլի 9, 2017
Զոհվածներ47 մարդ
Վիրավորներ126

Ժամանակագրություն

խմբագրել

2017 թվականի ապրիլի 9-ին քրիստոնյաները նշում էին Ծաղկազարդը։ Առաջին պայթյունը տեղի է ունեցել տեղի ժամանակով 9:30 Եգիպտոսի հյուսիսում գտնվող Տանտա քաղաքի Սուրբ Գևորգ եկեղեցում՝ առավոտյան տոնական պատարագի ժամանակ։ Մահապարտ ահաբեկիչը մտել է եկեղեցի, մոտեցել առաջին շարքերին և ակտիվացրել թաքցրած պայթուցիկը։ Մի քանի ժամ անց տեղի է ունեցել երկրորդ պայթյունը Եգիպտոսի մեծությամբ երկրորդ քաղաքում՝ Ալեքսանդրիայում, որտեղ մահապարտ ահաբեկիչն իրեն պայթեցրել է Սուրբ Մարկոսի եկեղեցու մուտքի մոտ։ Մուտքի մոտ կանգնած ոստիկանն ահաբեկչին թույլ չի տվել եկեղեցի մտնել, և վերջինս իրեն պայթեցրել է հենց դռան առջև[2]։

Ահաբեկչության պահին Ալեքսանդրիայի եկեղեցում էր գտնվում Ալեքսանդրիայի Ղպտի ուղղափառ եկեղեցու պատրիարք Թեոդորոս II-ը, որը սակայն չի տուժել[3]։

Պայթյունի հետևանքով Տանտայում զոհվել է 27 մարդ, վիրավորվել՝ 78-ը, Ալեքսանդրիայում զհվել է 18 և վիրավորվել 66 մարդ[1]։

Եգիպտոսի նախագահ Աբդել Ֆաթթահ Ալ-Սիսին պայթյուններն ահակբեկչություն որակեց, որոնք ուղղված էին ինչպես քրիստոնյաների, այնպես էլ մուսուլմանների դեմ[4]։

Ահաբեկչության պատասխանատվությունն իր վրա վերցրեց «Իսլամական պետություն» կազմակերպությունը[5]։

Ահաբեկչությունների հետ կապված Եգիպտոսում 3-օրյա սուգ հայտարարվեց[6]։ Ավելի ուշ Եգիպոսի նախագահն արտակարգ իրավիճակ հայտարարեց երկրում՝ 3 ամիս ժամկետով։ Զբոսաշրջիկների դեմ ուղղված ահաբեկչությունների վտանգի պատճառով Իսրայելը փակեց իսրայելաեգիպտական սահմանին գտնվող իր «Տաբա» սահմանակետը[7]։

Պատկերասրահ

խմբագրել

Տես նաև

խմբագրել

Ծանոթագրություններ

խմբագրել
  1. 1,0 1,1 В результате терактов в Египте погибли 45 человек
  2. Террористы атаковали церкви египетских православных христиан-коптов: Фото: Происшествия: Мир: Lenta.ru
  3. Коптский патриарх находился на месте теракта в Александрии
  4. Президент Египта назвал терактами взрывы в Танте и Александрии — ТАСС
  5. За взрывы в Египте взяла ответственность запрещенная ИГ — МИР24
  6. «В Египте объявлено начало трёхдневного траура». Արխիվացված է օրիգինալից 2017 թ․ ապրիլի 10-ին. Վերցված է 2017 թ․ ապրիլի 11-ին.
  7. ВЗГЛЯД / Израиль закрыл для граждан границу с Египтом

Արտաքին հղումներ

խմբագրել