Ականախույզ

Ականախույզ, մետաղե իրանով ականներ հայտնաբերող էլեկտրասարք։

Կազմված է փնտրող շրջանակից, էլեկտրական տատանումների գեներատորից, ձայնային կամ տեսողական ինդիկատորից և էլեկտրական հոսանքի աղբյուրից։ Երբ փնտրող շրջանակը հանդիպում է ականին, փոխվում են նրա էլեկտրական կոնտուրի պարամետրերը և, համապատասխանաբար. ձայնի ուժը լսափողերում կամ տեսողական ինդիկատորի սլաքի դիրքը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 220)։