Ակաբայի հնագիտական թանգարան
Ակաբայի հնագիտական թանգարան (արաբերեն՝ متحف آثار العقبة ), հնագիտական թանգարան Հորդանանի Ակաբա քաղաքում, Ակաբա պատմական նավահանգստի հարևանությամբ, Ակաբա դրոշակաձողին մոտ։
Ակաբայի հնագիտական թանգարան | |
---|---|
Տեսակ | ազգային թանգարան |
Երկիր | Հորդանան |
Տեղագրություն | Ակաբա |
Վայր | Ակաբա |
Հիմնադրվել է | 1989 |
Պատմություն խմբագրել
Շենքը, որտեղ տեղակայված է թանգարանը, եղել է Հաշիմիտ դինաստիայի հիմնադիր Ալ-Հուսեյն իբն Ալի ալ-Հաշիմիի պալատը։ Կառուցվել է 1917 թվականին[1]։ Թանգարանը հիմնադրվել է 1989 թվականին, պաշտոնապես բացվել է 1990 թվականի հունվարի 1-ին։
Հավաքածու խմբագրել
Թանգարանն ունի բրոնզեդարյան նմուշներ, որոնք վերջին տարիներին հայտնաբերվել են Ակաբայի մոտ գտնվող Tall Hujayrat Al-Ghuzlan հնագիտական վայրում և թվագրվում են մ. թ. ա. 4000 թվական։ Այս հայտնաբերումը կարևոր ապացույցն է այն բանի, որ Ակաբան տարածաշրջանի կենսունակ պղնձի արտադրություն ունեցող հնագույն բնակավայրերից մեկն է։ Թանգարանն ունի նաև 7-12-րդ դարերի նմուշների հավաքածու։ Թանգարանի առավել հայտնի հավաքածուներից է Ղուրանից չափածո մի մեծ արձանագրություն, որը կախված է քաղաքի 9-րդ դարի արևելյան դարպասի վերևում, ինչպես նաև Ֆաթիմյան խալիֆայության ոսկյա մետաղադրամներ և Մարոկկոյի Սեգելմասա թագավորության այլ մետաղադրամներ։
Պատկերասրահ խմբագրել
-
Պատմական Via Traiana Nova առևտրի երթուղու թիվ 1 մղոնացույց քար
-
1917 թվականին կառուցված շինությունը ի սզբանե եղել է Ալ-Հուսեյն իբն Ալի ալ-Հաշիմիի պալատը
-
«Կինը Ակաբայից» նմուշը հայտնաբերվել է Tall Hujayrat Al-Ghuzlan վայրից և ցուցադրվում է թանգարանում
Ծանոթագրություններ խմբագրել
- ↑ «Ministry of Culture, Jordan- Aqaba Archaeological Museum». Արխիվացված է օրիգինալից 2012 թ․ մարտի 5-ին. Վերցված է 2016 թ․ հոկտեմբերի 27-ին.
Վիքիպահեստն ունի նյութեր, որոնք վերաբերում են «Ակաբայի հնագիտական թանգարան» հոդվածին։ |