Ալեքսանդր Կովալենկո
Ալեքսանդր Պյոտրի Կովալենկո (ռուս.՝ Алекса́ндр Петро́вич Ковале́нко, օգոստոսի 9, 1943, Polevskoy, Սվերդլովսկի մարզ, ՌԽՖՍՀ, ԽՍՀՄ - ապրիլի 1, 2002, Երևան, Հայաստան), խորհրդային ֆուտբոլիստ, պաշտպան։ Հանդես է եկել «Արարատ» ակումբում, որի կազմում 1973 թվականի դարձել է ԽՍՀՄ չեմպիոն և գավաթակիր, 1971 թվականին՝ արծաթե մեդալակիր։ ԽՍՀՄ սպորտի վարպետ։
 | ||||||
|---|---|---|---|---|---|---|
 | ||||||
| Անձնական տվյալներ | ||||||
| Ամբողջական անուն | Ալեքսանդր Պյոտրի Կովալենկո | |||||
| Քաղաքացիությունը |
 ԽՍՀՄ Հայաստան | |||||
| Ծննդյան ամսաթիվ | օգոստոսի 9, 1943 | |||||
| Ծննդավայր | Polevskoy, Սվերդլովսկի մարզ, ՌԽՖՍՀ, ԽՍՀՄ | |||||
| Մահվան ամսաթիվ | ապրիլի 1, 2002 (58 տարեկան) | |||||
| Մահվան վայր | Երևան, Հայաստան | |||||
| Հասակ | 172 սանտիմետր | |||||
| Դիրք | Պաշտպան | |||||
|
| ||||||
| Մասնագիտական կարիերա* | ||||||
| Տարի | Ակումբ | Խաղ | (Գոլ) | |||
| ||||||
|
| ||||||
|
| ||||||
Պարգևներ
 | ||||||
| * Մասնագիտական կարիերայում ընդգրկված են միայն առաջնության խաղերը և գոլերը: | ||||||
Ակումբային կարիերա խմբագրել
Ալեքսանդր Կովալենկոն եղել է Երևանի «Արարատի» հայտնի ֆուտբոլիստ Քաջայր Փոլադյանի սանը։
Արդեն երիտասարդական տարիքից հայտնվել է «Արարատի» հիմնական կազմում։ Մանուկ Սամերջյանի հրաժեշտի խաղից հետո Կովալենկոն ստացել է 4-րդ համարի մարզաշապիկը։ Խաղացել է պաշտպանության գծում։ Եղել է թիմի ավագը, 1965 թվականին ԽՍՀՄ ֆուտբոլի առաջնության երկրորդ խմբում (ավագ մարզիչ՝ Ա. Ֆալյան) գրավել է առաջին տեղը, արժանանալով փոքր ոսկե մեդալի։
ԽՍՀՄ Բարձրագույն լիգայում անցկացրել է 281 խաղ և խփել է 19 գոլ։ Եվրագավաթներում անցկացրել է 4 հանդիպում։
Կովալենկոն Հրազդան մարզադաշտում խփված առաջին գոլի հեղինակն է, որը տեղի է ունեցել 1971 թվականի մայիսի 19-ին Կայրաթի դեմ հանդիպման ժամանակ (մարզադաշտի բացման խաղ)։ Գոլը հեղինակել է հանդիպման 58-րդ րոպեին[1][2][3]։
Հանդես է եկել ԽՍՀՄ պատանեկան և երիտասարդական հավաքականներում։ 1969 թվականի հուլիսի 25-ին անցկացրել է իր միակ հանդիպումը (դուրս է եկել փոխարինման խաղի 46-րդ րոպեին) ԽՍՀՄ օլիմպիական հավաքականի կազմում՝ մասնակցելով Լեհաստանի օլիմպիական հավաքականի դեմ ընկերական խաղին (0:4)[4][5]։
Ալեքսանդր Կովալենկոն մահացել է 2002 թվականի ապրիլի 1-ին Երևանում սրտի կանգից։
Տիտղոսներ խմբագրել
Ակումբային խմբագրել
- ԽՍՀՄ չեմպիոն - 1973[6]
- ԽՍՀՄ բարձրագույն լիգայի արծաթե մեդալակիր - 1971
- ԽՍՀՄ գավաթակիր - 1973, 1975
Անձնական խմբագրել
- Ընդգրկվել է ԽՍՀՄ բարձրագույն լիգայի մրցաշրջանի լավագույն 33 ֆուտբոլիստների ցանկում - 1971, 1973
Ծանոթագրություններ խմբագրել
- ↑ «Стадион «Раздан»: живая история». mediamax.am.
- ↑ «Энциклопедия истории чемпионатов СССР и России. 19/05/1971. «Арарат» (Ереван) — «Кайрат» (Алма-Ата) 3:0». football.mojgorod.ru.
- ↑ Памяти Александра Коваленко
- ↑ «Игры сборной СССР по Футболу. Справочник 1952—1988» под ред. О. Кучеренко. Изд. «Советский спорт», Москва, 1989
- ↑ «Сборная России по футболу — 25 июля 1969. Протокол матча СССР (олимпийская) — Польша (олимпийская) 0:4». russia-matches.ucoz.ru.
- ↑ «28 октября 1973 года. Стадион «Раздан»».
Գրականություն խմբագրել
- Григорян А. Г. Свой среди своих — Газета «Урарту» № 23 2001