Ալեքսանդր Բախարև
Ալեքսանդր Արսենտևիչ Բախարև (ռուս.՝ Александр Арсентьевич Бахарев, հուլիսի 20, 1911, Պուշկինո, Usmanskiy Uyezd, Տամբովի նահանգ, Ռուսական կայսրություն - սեպտեմբերի 13, 1974, Դոնի Ռոստով, ՌԽՖՍՀ, ԽՍՀՄ), խորհրդային ռուս գրող, լրագրող։ «Մարդը թաքցնում է աչքերը» վեպի հեղինակ։ ԽՍՀՄ Գրողների միության Ռոստովի մասնաճյուղի նախագահ (1961-1974)։
Ալեքսանդր Բախարև | |
|---|---|
| Ծնվել է | հուլիսի 20, 1911 |
| Ծննդավայր | Պուշկինո, Usmanskiy Uyezd, Տամբովի նահանգ, Ռուսական կայսրություն |
| Վախճանվել է | սեպտեմբերի 13, 1974 (63 տարեկան) |
| Վախճանի վայր | Դոնի Ռոստով, ՌԽՖՍՀ, ԽՍՀՄ |
| Գերեզման | Դոնի Ռոստովի հյուսիսային գերեզման |
| Մասնագիտություն | գրող և լրագրող |
| Լեզու | ռուսերեն |
| Քաղաքացիություն |  ԽՍՀՄ |
| Ժանրեր | վեպ |
| Անդամակցություն | ԽՍՀՄ Գրողների միություն |
| Կուսակցություն | ԽՄԿԿ |
| Պարգևներ |   և  |
Կենսագրություն խմբագրել
Ալեքսանդր Բախարևը ծնվել է Տամբովի նահանգի Ուսմանսկի գավառի Պուշկինո գյուղում (այժմ՝ Լիպեցկի մարզի Դոբրինսկի շրջան)՝ գյուղացու ընտանիքում[1]։ Դպրոցն ավարտելուց հետո եղել է գյուղի խրճիթավար, ապա աշխատել Կոմսոմոլում, եղել Կոմերիտմիության շրջանային հանձնաժողովի աշխատակից, կոմերիտմիության շրջանային հանձնաժողովի քարտուղար։ 1931 թվականից զբաղվել է լրագրողական աշխատանքով։ Տեղափոխվել է Տամբովի մարզ, խմբագրել մարզային երիտասարդական թերթը։ 1939 թվականին միացել է ԽՄԿԿ (բ) շարքերին, ապա ավարտել Կուսակցական բարձրագույն դպրոցը։ 1942 թվականին Բախարևն աշխատանքի է ընդունվել «Պրավդա» թերթում` որպես Տամբովի մարզի թղթակից, այնուհետև եղել է նույն թերթի թղթակիցը Ռոստովի մարզում[2]։ Ակնարկագրության մեծ դպրոցից հետո Բախարևն անցնում է գեղարվեստական գրականության՝ 1952 թվականին հրատարակելով «Մեծ հոսքը» պատմվածքը, իսկ 1962 թվականին՝ «Հյուսիսային ողկույզներ»։ 1956 թվականին աշխատել է «Սովետական Ռուսաստան» թերթի թղթակից նույն Ռոստովի տարածաշրջանում, 1958 թվական ընդունվել է ԽՍՀՄ գրողների միության շարքերը, 1961 թվականին ընտրվել է ԽՍՀՄ Գրողների միության Ռոստովի տարածաշրջանային կազմակերպության խորհրդի նախագահ։
Աշխատել է խորհրդային աշխատավոր դասի մասին ստեղծագործությունների վրա։ Դրանց թվում են «Անձամբ պատասխանատու եմ» (1971) և «Անհանգիստ լավա» (1973) պատմվածքները։
Բախարևի ստեղծագործության հիմնական թեման մարդկային կյանքն է։ Այդ թեմային է նվիրված նրա ամենահեղինակավոր աշխատանքը՝ «Մարդը թաքցնում է աչքերը» վեպը, որը պատմում է խորհրդային գյուղի կյանքի մասին հետպատերազմյան 20 տարիների ընթացքում։ Վեպի առաջին գիրքը լույս է տեսել 1966 թվականին, երկրորդը՝ 1968 թվականին, երկու գրքով վեպը հրատարակվել է 1971 թվականին՝ բարձր գնահատականի արժանանալով հայտնի խորհրդային գրող Վիտալի Զակրուտկինի կողմից։
Կյանքի վերջին տարիներին Բախարևն աշխատել է «Փոթորիկ» վեպի վրա, որն անավարտ է մնացել։
Մահացել է 1974 թվականի սեպտեմբերի 13-ին Դոնի Ռոստովում։ Թաղված է Դոնի Ռոստովի Հյուսիսային գերեզմանատանը։
Ծանոթագրություններ խմբագրել
Արտաքին հղումներ խմբագրել
- Биография Արխիվացված 2013-11-26 Wayback Machine на сайте «Ростов-на-Дону. 1950-е»