Ալբերտ Բիրշտադտ
Ալբերտ Բիրշտադտ (գերմ.՝ Albert Bierstadt, հունվարի 7, 1830[1][2][3][…], Զոլինգեն, Դյուսելդորֆ, Հռենոսի պրովինցիա, Պրուսիայի թագավորություն, Գերմանական միություն[4][5] - փետրվարի 18, 1902[1][2][3][…], Նյու Յորք, Նյու Յորք[4][5]), 19-րդ դարի ամերիկացի բնանկարիչ, Դյուսելդորֆի գեղարվեստական դպրոցի ներկայացուցիչ։ Որպես նեոռոմանտիզմի ներկայացուցիչ` Բիրշտադտը իր գործերում ներկայացրել է Վայրի արևմուտքն ու հնդկացիներին։ Եղել է նաև Հուդզոն գետի դպրոցի ներկայացուցիչ։
Ալբերտ Բիրշտադտ | |
|---|---|
 | |
| Ծնվել է | հունվարի 7, 1830[1][2][3][…] |
| Ծննդավայր | Զոլինգեն, Դյուսելդորֆ, Հռենոսի պրովինցիա, Պրուսիայի թագավորություն, Գերմանական միություն[4][5] |
| Վախճանվել է | փետրվարի 18, 1902[1][2][3][…] (72 տարեկան) |
| Մահվան վայր | Նյու Յորք, Նյու Յորք[4][5] |
| Քաղաքացիություն | .svg){kind=small} Պրուսիայի թագավորություն և  ԱՄՆ |
| Կրթություն | Դյուսելդորֆի գեղարվեստի ակադեմիա (1857)[6] |
| Մասնագիտություն | նկարիչ, լուսանկարիչ, գծագրող և բեմանկարիչ |
| Ոճ | Հուդզոն գետի դպրոց[7] |
| Ժանր | բնանկար[4] |
| Ուշագրավ աշխատանքներ | North Dome, Yosemite Valley? |
| Ուսուցիչ | Karl Friedrich Lessing? |
| Անդամակցություն | Արվեստի և գրականության ամերիկյան ակադեմիա |
 Albert Bierstadt Վիքիպահեստում | |
Կենսագրություն խմբագրել
Ալբերտ Բիրշտադտը ծնվել է 1830 թվականին Զոլինգենում։ Նկարչի ծնունդից մեկ տարի անց նրա ընտանիքը տեղափոխվել է Ամերիկա։ Հետագայում նկարիչը ճամփորդել է Եվրոպայում, մասնավորապես Իտալիայում։ Բազմաթիվ նկարներում պատկերել է Ալպերը։
1859 թվականին ԱՄՆ-ի բանակի ինժեներական կորպուսի գիտարշավախմբի կազմում մասնակցել է երկրաբանական չափումներին և առաջին անգամ եղել Ժայռոտ լեռներում։ Գիտարշավի ժամանակ բազմաթիվ նկարներ ու դագերոտիպներ է ստեղծել, որոնք հետագայում հիմք են հանդիսացել նրա բնանկարների համար։ Իր բնանկարներում Բիրշտադտը վարպետորեն օգտագործել է լույսի ու ստվերի խաղը։
1863 թվականին քաղաքական գործիչ Ուիլյամ Բայերսի հետ, առաջիններից մեկը լինելով, հաղթահարել է Կոլորադոյում գտնվող 4348 մ բարձրությամբ լեռը, որին գրող և լրագրող Ֆիտց Հյու Լադլոուի կնոջ պատվին տվել է Ռոզալի անունը (երիտասարդ ամուսնու մահից հետո կինը շուտով ամուսնացել է Բիրշտադտի հետ)։ 1895 թվականին լեռան Ռոզալի անվանումը փոխարինվել է Էվանսով։
Նույն 1863 թվականին Նկարիչը հաղթահարել է 4287 մ բարձրությամբ մի բարձունք ևս, որն իր պատվին ստացել է Բիրշտադտ անունը։
Աշխատանքներ խմբագրել
Որոշ ժամանակ նկարիչը մեծ հեղինակություն է վայելել. նրա նկարներից մեկը նկարչի կենդանության օրոք վաճառվել է 25.000 դոլարով։ Ավելի ուշ, սակայն, նա կորցրել է իր համբավը, ինչից հետո ուշադրությունը կենտրոնացրել է իր առավել հայտնի աշխատանքների ավելի ցածրորակ կրկնօրինակները ստեղծելու վրա։ Ալբերտ Բիրշտադտի շատ գործեր գտնվում են Հեգին թանգարանում (անգլ.՝ Haggin Museum):
Պատկերասրահ խմբագրել
-
«Հնդկական կանոե», Տեխասի համալսարանի թանգարան -
«Սիու ցեղախումբը», Բլանթոնի գեղարվեստական թանգարան -
«Հնդկացիական ձկնորսություն հարպուններով», Հյուսթոնի գեղարվեստի թանգարան -
«Հնդկացի մարտիկների ուղևորումը» -
«Ֆարալոնի կղզիներ», Կալիֆորնիա -
«Դարանակալում» -
«Կոլումբոսի ափհանումը» -
«Յոսեմիտիի բնանկար»
Ծանոթագրություններ խմբագրել
- ↑ 1,0 1,1 1,2 1,3 1,4 RKDartists (նիդերլ.)
- ↑ 2,0 2,1 2,2 2,3 2,4 Albert Bierstadt — 2006.
- ↑ 3,0 3,1 3,2 3,3 3,4 Albert Bierstadt — OUP, 2006. — ISBN 978-0-19-977378-7
- ↑ 4,0 4,1 4,2 4,3 4,4 4,5 4,6 http://vocab.getty.edu/page/ulan/500001248
- ↑ 5,0 5,1 5,2 5,3 5,4 5,5 https://rkd.nl/explore/artists/8201
- ↑ http://wwwalt.phil-fak.uni-duesseldorf.de/frauenarchiv/fka_neu/kaltwasser/articles/kunst/index.php?text=bierstadt
- ↑ https://www.metmuseum.org/toah/hd/hurs/hd_hurs.htm
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Ալբերտ Բիրշտադտ» հոդվածին։ |