Ալբերտ Արիստակեսյան
Ալբերտ Վրթանեսի Արիստակեսյան (օգոստոսի 10, 1928, Դաշտամեջ, Հայաստան - հունիսի 22, 1979, Երևան, Հայկական ԽՍՀ, ԽՍՀՄ), հայ գրականագետ, բանասիրական գիտությունների դոկտոր, ԽՍՀՄ գրողների միության անդամ 1966 թվականից։
Ալբերտ Արիստակեսյան | |
|---|---|
 | |
| Ծնվել է | օգոստոսի 10, 1928 Դաշտամեջ, Հայաստան |
| Մահացել է | հունիսի 22, 1979 (50 տարեկան) Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ |
| Մասնագիտություն | գրականագետ |
| Հաստատություն(ներ) | Պիոներ կանչ, Ավանգարդ, Գրական թերթ, Խորհրդային գրականություն և Պատմաբանասիրական հանդես |
| Անդամակցություն | ԽՍՀՄ Գրողների միություն |
| Ալմա մատեր | Երևանի պետական համալսարան |
| Գիտական աստիճան | բանասիրական գիտությունների դոկտոր |
| Տիրապետում է լեզուներին | հայերեն |
| Կուսակցություն | ԽՄԿԿ |
Կենսագրություն խմբագրել
Ծնվել է Չանախչի (այժմ՝ Արարատի մարզի Զանգակատուն) գյուղում։ 1950 թվականին ավարտել է Երևանի պետական համալսարանի բանասիրական ֆակուլտետի հայկական բաժինը։ 1951-1952 թվականներին եղել է սրբագրիչ «Պիոներ կանչ», 1952-1953 թվականներին՝ «Ավանգարդ» թերթերում, 1953-1962 թվականներին՝ գրական աշխատող, բաժնի վարիչ և պատասխանատու քարտուղար «Գրական թերթ»-ում, 1962-1965 թվականներին՝ բաժնի վարիչ «Սովետական գրականություն» ամսագրում, 1965-1970 թվականներին՝ ավագ գիտաշխատող «Պատմաբանասիրական հանդես»-ում, 1970-1979 թվականներին՝ «Սովետական գրականություն» ամսագրի գլխավոր խմբագրի տեղակալ։ 1966 թվականին «Սիլվա Կապուտիկյանի ստեղծագործությունը և ետպատերազմյան հայ պոեզիայի հարցերը» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։ 1975 թվականին «Պարույր Սևակ» թեմայով դիսերտացիա է պաշտպանել և ստացել բանասիրական գիտությունների դոկտորի աստիճան։ Մահացել է 1979 թվականին, Երևանում[1]։ ԽՄԿԿ անդամ 1954 թվականից։
Ստեղծագործություններ խմբագրել
- Բանաստեղծների ու բանաստեղծության մասին, Երևան, «Հայաստան», 1971, 180 էջ։
- Պարույր Սևակ, Երևան, ՀՍՍՀ ԳԱ, 1974, 448 էջ։
- Սիլվա Կապուտիկյան, Երևան, «Սովետական գրող», 1983, 200 էջ։
- Պարույր Սևակ։ Կենսամատենագրություն, Երևան, ՀՍՍՀ Գրքասերների ընկերություն-«Սովետական գրող», 1983, 52 էջ։
- Պարույր Սևակ, վերահրատարակություն, Երևան, «Սովետական գրող», 1984, 400 էջ։
Ծանոթագրություններ խմբագրել
- ↑ Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 79.
 | Վիքիդարանն ունի նյութեր, որոնք վերաբերում են «Ալբերտ Արիստակեսյան» հոդվածին։ |