Բացել գլխավոր ցանկը

Աթաթուրքի կամուրջ թուրք.՝ Atatürk Köprüsü, հաճախ անվանվում է նաև Ունքափանը կամուրջ, կամուրջ Թուրքիայի Ստամբուլ քաղաքում։ Կամուրջը իրար է կապում Ստամբուլի Ֆաթիհ և Բեյօղլու թաղամասերը։ Կառուցված է Ոսկեղջյուրի վրա։ Անվանվել է ի պատիվ Թուրքիայի Հանրապետության հիմնադիր Մուստաֆա Քեմալ Աթաթուրքի։

Picto infobox bridge1.png
Աթաթուրքի կամուրջ
թուրք.՝ Atatürk Köprüsü
Isstamboul - Pont Unkapani.jpg
Աթաթուրքի կամուրջը Գալաթայի աշտարակից
ԵրկիրFlag of Turkey.svg Թուրքիա
ՏեղանքՍտամբուլ
Տեսակկամուրջ
Հատում էՈսկեղջյուր
ՃանապարհՖաթիհ֊ Բեյօղլու
Երկարություն477
Լայնություն25
Շինարարության սկիզբ1936
Բացման տարեթիվ1940
Կոորդինատներ: 41°1′27.099984100008″ հս․ լ. 28°57′55.100016100003″ ավ. ե. / 41.02419444002777738° հս․. լ. 28.96530556002777956° ավ. ե. / 41.02419444002777738; 28.96530556002777956

Կամուրջը կառուցվել է դեռևս 1836 թվականին, որը իրար էր կապում Ֆաթիհ շրջանի Ունքափանը և Բեյօղլու շրջանի Ազափքափանը թաղամասերը։ Ներկայիս կամրջի տեղում կառուցված է եղել մեկ այլ կամուրջ, որը կոչվել է Հայրաթիյե։ Հայրաթիյե կամրջի կառուցումը պատվիրվել է օսմանյան սուլթան Մահմուդ II֊ի հրամանով՝ Ոսկեղջյուրի վրա։ կամրջի բացմանը մասնակցել է նաև սուլթան Մահմուդ II֊ը 1836 թվականին, ով առաջինն է հատել այն իր ձիով։ Հայրաթիյե կամուրջը ուներ 400 մետր երկարություն և 10 մետր լայնություն։ Կամուրջը եղել է բացովի և նախատեսված է եղել խոշոր նավերի անցման համար։

1875 թվականին Հայրաթիյե կամրջի փոխարեն կառուցվել է երկրորդ կամուրջը, որը կառուցված է եղել երկաթից։ Նախագծվել է ֆրանսիական կազմակերպության կողմից, որի նախագծումը արժեցել է 135 000 օսմանյան լիրա։ Այն ունեցել է 480 մետր երկարություն և 18 մետր լայնություն։ Օգտագործվել է 1875- 1912 թվականներին։

1912 թվականին Հայրաթիյե կամուրջը պայթեցվեց և դրա փոխարեն սկսեց կառուցվել նոր կամուրջ։ Այն օգտագործվել է մինչ 1936 թվականը, քանի որ ավերվեց փոթորկի հետևանքով։ Ներկայիս կամուրջը սկսել է կառուցվել 1936 թվականից հետո։ Այն շահագործման է հանձնվել 1940 թվականին և անվանվել է ի պատիվ Մուստաֆա Քեմալ Աթաթուրքի։ Կամուրջը ունի 477 մետր երկարություն և 25 մետր լայնություն։

Տես նաևԽմբագրել