Ադրբեջանի Հանրապետության կրթության նախարարություն

Ադրբեջանի Հանրապետության կրթության նախարարություն (ադրբ.՝ Azərbaycan Respublikası Təhsil Nazirliyi) Ադրբեջանի Հանրապետության գործադիր իշխանության հանրապետական մարմին, որը մշակում և իրականացնում է կրթության բնագավառում Ադրբեջանի Հանրապետության կառավարության քաղաքականությունը։

Ադրբեջանի Հանրապետության կրթության նախարարություն
Տեսակ	կրթության նախարարություն
Երկիր	Ադրբեջան
Հիմնադրված	1988
Իրավ. կարգավիճակ	նախարարություն
Գլխադասային գրասենյակ	Ադրբեջան, Բաքու, Խաթայի, 49 փողոց, AZ-1008
Տարածաշրջան	Ադրբեջան
նախարար	Ջեյհուն Բայրանով
նախարարի տեղակալ	Ֆիրուդին Կուրբանով
նախարարի տեղակալ	Մեհեբբեթ Վալիևա
Վերադաս կազմակերպություն	Ադրբեջանի Հանրապետություն
Կայք	edu.gov.az

Ադրբեջանի Հանրապետության կրթության նախարարությունը մշակում և իրականացնում է «Կառավարության կառուցվածքի և գործունեության մասին» Ադրբեջանի Հանրապետության օրենքով իրեն վերապահված գործունեության ոլորտում Ադրբեջանի Հանրապետության կառավարության քաղաքականությունը։ Նախարարությունն ստեղծվում, վերակազմակերպվում է, և նրա գործունեությունը դադարեցվում է օրենքով։ Նախարարությունը գործում է Ադրբեջանի Հանրապետության Սահմանադրության, օրենքների, իրավական այլ ակտերի և իր կանոնադրության հիման վրա։

Նպատակներ

Նախարարության խնդիրներն են՝

• կրթության համակարգի որակի և արդյունավետության մոնիթորինգը և գնահատումը։
• օրենքով նախատեսված դեպքերում և կարգով կրթական ծրագրերի իրականացման լիցենզավորման ապահովումը։
• կրթական համակարգի գործունեության որակի ու արդյունավետության գնահատման, «Լեզվի մասին» Ադրբեջանի Հանրապետության օրենքի պահանջների կատարման ապահովումը։
• պետական կրթական չափորոշիչներին կրթական ծրագրերի համապատասխանության ապահովումը։

Գործառույթներ

Նախարարությունն իր նպատակների և խնդիրների կենսագործման նպատակով իրականացնում է հետևյալ գործառույթները`

• կրթության զարգացման երկարաժամկետ և միջնաժամկետ պետական ծրագրերի մշակում, դրանց մոնիթորինգ և գնահատում;
• պետական կրթական չափորոշիչների մշակում և դրանց իրականացման մոնիթորինգ;
• կրթության բնագավառի վերաբերյալ Ադրբեջանի Հանրապետության իրավական ակտերի նախագծերի ու կրթության բնագավառում Ադրբեջանի Հանրապետության պետական քաղաքականության մշակում;
• բարձրագույն և հետբուհական մասնագիտական կրթության պետական կրթական չափորոշիչների և որակավորումների բնութագրերի մշակում ու հաստատում՝ ըստ մասնագիտությունների և կրթական աստիճանների;
• կրթության բնագավառում միջպետական համագործակցության ծրագրերի մշակում և դրանց իրականացման կազմակերպում.
• օրենքով և այլ իրավական ակտերով սահմանված կարգով համապատասխան վարչական վիճակագրական հաշվետվությունների ներդրում և դրանց միջոցով հավաքագրված տվյալների ու տեղեկությունների հիման վրա վարչական վիճակագրական ռեգիստրների վարում.

Ընդհանուր տեղեկատվություն

Նախարար

• Ջեյհուն Բայրանով

Տեղակալներ

• Ֆիրուդին Կուրբանով
• Մեհեբբեթ Վալիևա