Աբրահամ Մկրտչյան
Գերաշնորհ Տեր Աբրահամ արքեպիսկոպոս Մկրտչյանը (նոյեմբերի 27, 1961, Ռինդ, Եղեգնաձորի շրջան, Հայկական ԽՍՀ, ԽՍՀՄ), հայ առաքելական եկեղեցու Վայոց ձորի թեմի առաջնորդն է 2010 թվականի դեկտեմբերի 10-ից։ Ի ծնե անունը Գևորգ է։
| Աբրահամ Մկրտչյան | |
| Ընդհանուր տեղեկություններ | |
| Ավազանի անունը | Գևորգ |
| Եկեղեցի |  Հայ Առաքելական եկեղեցի
|
| Տիտղոս | Գերաշնորհ Տեր |
| Ծնվել է | 1961 նոյեմբերի 27 |
| Ծննդավայր | Ռինդ,  Հայաստան
|
| Կրթություն | Բարձրագույն՝ |
| Ձեռնադրություն | 1987 |
| Հոգևոր աստիճան | Արքեպիսկոպոս |
Կենսագրություն խմբագրել
Կրթություն խմբագրել
Աբրահամ արքեպիսկոպոսը նախնական կրթությունը ստացել է Ռինդի միջնակարգ դպրոցում։ 1982 թվականին ընդունվել է Մայր Աթոռ Սուրբ Էջմիածնի Գևորգյան հոգևոր ճեմարան[1]։ 1986 թվականին գերազանց ավարտել է ճեմարանը՝ պաշտպանելով «Սյունյաց Աթոռը Օրբելյանների իշխանության ժամանակ» ավարտաճառը։ 1987 թվականին, ձեռամբ Տ. Ներսես արքեպիսկոպոս Պոզապալյանի, ձեռնադրվել է կուսակրոն քահանա։ 1989 թվականի նոյեմբերի 6-ին ստացել է մասնավոր վարդապետական աստիճան։ 1992 թվականին պաշտպանել է վարդապետական թեզ՝ «Հայր Մեր»-ի մեկնությունները հայ մեկնողական գրականության մեջ» թեմայով։ 1989-92 թվականներին սովորել է Երևանի պետական համալսարանի բանասիրական ֆակուլտետում։
Եկեղեցական գործունեություն խմբագրել
Դասավանդել է Գևորգայն Հոգևոր Ճեմարանում, աշխատել Քրիստոնեական քարոզչության կենտրոնում՝ որպես տնօրեն, «Էջմիածին» ամսագրի խմբագրությունում։ 1993 թվականի աշնանը Ամենայն Հայոց Կաթողիկոս Վազգեն Ա-ի Սրբատառ կոնդակով նշանակվել է Սյունյաց թեմի առաջնորդ։
1996 թվականին, ձեռամբ Գարեգին Ա Ամենայն Հայոց Կաթողիկոսի, ձեռնադրվել է եպիսկոպոս։ Հեղինակ է մի շարք հոդվածների և գրքերի, որոնցից են՝ «Նախաշավիղ քրիստոնեական կրթության» (Սբ. Էջմիածին, 1990, վերահրատ. Երևան, 1991), «Հայր Մեր»-ի մեկնություններն ըստ Գրիգոր Տաթևացու»(Երևան, 1992), «Էջեր Սյունյաց Աթոռի պատմությունից»։
2006 թվականին պաշտպանել է թեկնածուական՝ «Սյունյաց մետրոպոլիտական Աթոռը» թեմայով։
2010 թվականի դեկտեմբերի 10-ից առ այսօր Վայոց ձորի թեմի առաջնորդն է։
Ծանոթագրություն խմբագրել
Արտաքին հղումներ խմբագրել
- Գերաշնորհ Տ. Աբրահամ արքեպիսկոպոս Մկրտչյան Արխիվացված 2015-04-04 Wayback Machine (հայ.)