Выхлоп (դիպուկահար հրացան)

ВССК «Выхлоп» (ռուս.՝ Винтовка Снайперская Специальная Крупнокалиберная, Ինդեքս ГРАУ — 6С8[1]) կամ ВКС[1][2], ռուսական անձայն խոշոր տրամաչափի դիպուկահար հրացան, պատրաստված բուլփափի կառուցվածքով։ Մշակված է Ռուսաստանի անվտանգության դաշնային ծառայության հատուկ պատվերով, խոշոր տրամաչափի АШ-12 ավտոմատի հետ միասին (АС «Вал»-ի և ВСС «Винторез» հրացանի համալիրի նման)։ Առաջին անգամ զենքը հասարակության լայն շրջանակում ցուցադրվել է մոսկովյան «Ինտերպոլիտեխ-2005» ցուցահանդեսին։

Выхлоп
12.7-мм снайперская винтовка ВКС - Технологии в машиностроении-2012 01.jpg
Տեսակդիպուկազարկ հրացան
ԵրկիրFlag of Russia.svg Ռուսաստան
ԱրտադրողTsKIB SOO?
Փամփուշտի տեսակ12.7×55mm STs-130?

ВССК-ի հիմնական նշանակությունը հանդիսանում է անձայն և առանց բոցավառվելու թեթև և չզրահապատված սարքերի, ինչպես նաև անհատական սարքավորումների պաշտպանության նպատակով կենդանի ուժերի ջախջախումը (այդ թվում նաև ծանր զրահաբաճկոններով) մինչև 600 մետր հեռավորության վրա[3]։

Նկարագրություն և կառուցվածքԽմբագրել

ВССК-ի վերալիցքավորումը մեխանիկական է, որը գտնվում է հրացանի աջ կողմում, շարժվում է աստիճանաբար, ինչն ավելի էրգոնոմիկ է, քան պտուտակային փակաղակի ավանդական կառավարումը։ Բռնակի վրա, որը կապված է փակաղակի շրջանակին, տեղադրված է նախնական ռանդման լծակը և բռնատեղի ապահովիչը, որը բացառում է փակաղակի ինքնուրույն բացումը։ Փողանցքի փակումը տեղի է ունենում փակաղակի պտտմամբ՝ փողի չորս հավասար դասավորված մարտական դիմահարների վրա։ Ձգանի մեխանիզմը կայծհանի տեսակ է։ Հինգ փամփուշտները տեղավորվում են միաշարք պլաստիկ պահեստատուփում, պարկուճը արտացոլվում է աջ կողմում։

Ապահովիչի կառավարման դրոշակը տեղադրված է աջ կողմում։ Հրացանը ունի ծալվող երկճղի հենակ, որը ծալված վիճակում լիովին տեղավորվում է փողակալի մեջ։ Երկճղի հենակի կառուցվածքը թույլատրում է կրակելու ժամանակ կարգավորել կրակի սահմանի բարձրությունը։ Կարգավորվում է նաև կոթի պահպանակի բարձրությունը և ծոծրակալի դիրքը։ Հիմնական նշանառությունը օպտիկական է, որի տեղադրման համար է ծառայում փողատուփի վերին մասում տեղադրված բազմակողմանի տեղակայման նշանաձողիկը։ Օժանդակ նշանառությունը մեխանիկական է, դիօպտիկական տեսակի, որի նշանահատիկը և ուղղանը ծալվող են։

Դիպուկահար հրացանից կրակելու համար օգտագործվում են հրացանային СЦ-130 2,7 մմ տրամաչափի փամփուշտները։ Նմանատիպ փամփուշտները ապահովում են կրակոցի ճշտությունը մոտ մեկ անկյունային րոպե (СЦ-130ПТ), ինչպես նաև 16 մմ երկաթե սալաքարի ճեղքումը 200 մ հեռավորության վրա կամ հինգերորդ աստիճանի զրահաբաճկոնի պաշտպանությունը 100 մետր հեռավորության վրա(СЦ-130ВПС). Փողային էներգիան 2.5 կՋ է։

Հրացանը ունի իրեն միացված խլացուցիչ, որը հանվում է տեղափոխման կամ մաքրման ժամանակ։

ԾանոթագրություններԽմբագրել

  1. 1,0 1,1 Максим Попенкер։ «Винтовка снайперская специальная крупнокалиберная бесшумная / ВССК "Выхлоп" (Россия)» (ռուսերեն)։ Специализированный оружейный сайт modernfirearms.net։ Վերցված է 2016-02-22 
  2. Амелин Ю. «Специнструмент» для профессионала (русский) // Оружие : журнал. — 2011. — № 12. — С. 1-7. — ISSN 1728-9203.
  3. Константин Лазарев Бесшумный слонобой // Популярная механика. — 2016. — № 5. — С. 92—97. — URL: http://www.popmech.ru/magazine/2016/163-issue/

Արտաքին հղումներԽմբագրել