«Ճանապարհորդություն Կոն-Տիկիով» (գիրք)

գիրք

«Ճանապարհորդություն Կոն-Տիկիով» կամ «„Կոն-Տիկիի“ գիտարշավը» (նորվ.՝ Kon-Tiki ekspedisjonen),  նորվեգացի ճանապարհորդ, ազգագրագետ, հնագետ և գրող Թուր Հեյերդալի գիրքը: Գրքում հեղինակը ներկայացնում է «Կոն-Տիկի» լաստանավով 1947 թվականին ձեռնարկած գիտարշավի մանրամասները և Պերուի հնդկացիների Պոլինեզիայում վերաբնակեցման պատմությունը:

«Ճանապարհորդություն Կոն-Տիկիով»
Kon-Tiki ekspedisjonen
ՀեղինակԹուր Հեյերդալ
Տեսակգրավոր աշխատություն
ԹեմաKon-Tiki expedition?
Բնօրինակ լեզունորվեգերեն
ԵրկիրFlag of Norway.svg Նորվեգիա
ՀրատարակիչGyldendal Norsk Forlag?
Հրատարակման տարեթիվ1948

ՍտեղծումԽմբագրել

Գիրքն ստեղծվել է գիտարշավի ժամանակ հավաքված հարուստ նյութերի հիման վրա: Այդ թվում նավի տեղեկամատյանների գրառումները, եղանակի օրագրերը, կենդանական և բուսական աշխարհների ներկայացուցիչների հավաքածուն, որոնք անձնակազմի անդամները հավաքել են ամբողջ ճանապարհորդության ընթացքում: «Ճանապարհորդություն Կոն-Տիկիով» գիրքը հրատարակվում է 1948 թվականին և վաճառվում ընդամենը տասնհինգ օրերի ընթացքում[1]: Արդյունքում, գիրքը թարգմանվում է աշխարհի ավելի քան 70 լեզուներով: Հայաստանում և Ռուսաստանումը գիրքը հրատարակվում է 1958 թվականին: Դրանից հետո Ռուսաստանում այն մի քանի անգամ վերահրատարակվում է: Վերջին անգամ Սանկտ Պետերբուրգում այն լույս է ընծայվել 2013 թվականի հունիսին «Պետրոգլիֆ» հատարակչությունում:

«Ճանապարհորդություն Կոն-Տիկիով» գիրքը որպես սյուժե ծառայեց 2012 թվականին նկարահանված ֆիլմի համար. այդ ֆիլմը կոչվում էր «Կոն-Տիկի» և նվիրված էր Թուր Հեյերդալի հիշատակին:

ՍյուժեԽմբագրել

«Ճանապարհորդություն Կոն-Տիկիով» գրքում մանրամասն, քայլ-քայլ ներկայացվում է Թուր Հեյերդալի տեսությունը, ըստ որի պոլինեզացիները Հարավային Ամերիկայի բնիկ հնդկացիների ժառանգներն են: Հեյերդալը սովորում է նաև ազգագրություն: Նրա մտացածին գաղափարները հանգեցնում են, որպեսզի ապացուցի այդ հանգամանքը: Մյուս գլուխներում նկարագրվում արշավախմբի ծննդյան մանրամասները, թե ինչպես է Թուր Հեյերդալը ծանոթանում Գերման Վաթցինգերի հետ, ինչպես են ընտրում անձնակազմի մյուս անդամներին: Հետո մանրամասնությամբ իր գրքում Հեյերդալը ներկայացնում է «Կոն-Տիկի» լաստանավի կառուցման բոլոր նրբությունները, թե ինչպես են հինպերուական գծագրերից օգտվել:

Ճանապարհորդությունը ներկայացված է հումորի մեծ զգացումով: Գիտարշավի մասնակիցները, ինչպես հիշատակում է Հեյերդալը, չեն էլ հիշում, թե ինչպես են հավաքվել այդ խելահեղ ճանապարհորդությամնը մասնակից դառնալու համար: Վերջին գլուխներում ներկայացված է Տաումոտու արշիպելագի մոտ վթարային կանգառի մանրամասնությունները և տեղական փոքր գյուղի կենսապայմանները:

Գրքի կառուցվածքԽմբագրել

«Ճանապարհորդություն Կոն-Տիկիով» գիրքը բաղկացած է ութ գլուխներից և վերջաբանից.

  • Տեսություն
  • Գիտարշավի ծնունդը
  • Հարավային Ամերիկայում
  • Խաղաղ օվկիամոսում
  • Կես ճանապարհին
  • Միշտ Խաղաղ օվկիանոսի վրա
  • Հարավային ծովի կղզիների մոտ
  • Պոլինեզիացիների շրջանում
  • Վերջաբան

ԾանոթագրություններԽմբագրել

ԳրականությունԽմբագրել

  • A. C. (1950)։ «Reviewed Work: The Kon-Tiki Expedition: By Raft across the South Seas by Thor Heyerdahl»։ The Geographical Journal 116 (1/3): 106։ JSTOR 1789527։ doi:10.2307/1789527 

Արտաքին հղումներԽմբագրել