«Հին Սարեպտա» պատմա-ազգագրական և ճարտարապետական արգելոց-թանգարան

«Հին Սարեպտա» պատմա-ազգագրական և ճարտարապետական արգելոց-թանգարան (ռուս.՝ Историко-этнографический и архитектурный музей-заповедник «Старая Сарепта»), Վոլգոգրադի խոշոր մշակութային, զբոսաշրջային, հետազոտական և մեթոդաբանական կենտրոն։ «Հին Սարեպտա» ցուցահանդեսային համալիրը զբաղեցում է 7,1 հեկտար տարածք, ընդգրկում է 27 շենք, որոնցից 23-ը XVIII-XIX դդ. դաշնային նշանակության հուշարձաններ, մշտական պատմական և ազգագրական ցուցադրություններ, արվեստագետների, լուսանկարիչների, դեկորատիվ և կիրառական արվեստի վարպետների փոփոխվող ցուցահանդեսներ։

«Հին Սարեպտա» պատմա-ազգագրական և ճարտարապետական արգելոց-թանգարան
Տեսակ	թանգարան, տեսարժան վայր և ճարտարապետական հուշարձան
Երկիր	Ռուսաստան
Տեղագրություն	Կրասնոարմեյսկի շրջան
Հիմնադրվել է	1989
Կայք	sareptamuseum.ru

Ստեղծման պատմություն

Հայրենական մեծ պատերազմի զինվորների հուշարձանը և հավերժական կրակը, Հին_Սարեպտա

Հին Սարեպտա արգելոց-թանգարանը հիմնադրվել է 1989 թվականին Սարեպտա գերնգուտերների կրոնական եղբայրության համայնքի պահպանված պատմական և ճարտարապետական համալիրի հիման վրա։ Սարեպտան Ռուսաստանի տարածքում գերնգուտերների եղբայրական միության առաջին և միակ գաղութն էր։ Սարեպտացիները զգալի ներդրում են ունեցել Ներքին Վոլգայի շրջանի տնտեսության և մշակույթի զարգացման գործում։ Նրանց թվում էին պատմաբաններ, հնագետներ, ազգագրագետներ, բուսաբաններ։

Գերմանական փորձարարական գրադարան

Գտնվում է 1779 թվականին գերնգուտերների կողմից կառուցված հնագույն շենքի երկրորդ հարկում։ Ռուսաստանի հարավում գերմանական գրականության ամենամեծ հավաքածուն ներառող գրադարանն է։ Գրադարանի հավաքածուն ներառում է ավելի քան 15 հազար գիրք գերմաներեն, ռուսերեն և անգլերեն լեզուներով։ 1992 թվականին թանգարանում գրադարանի ստեղծման նախաձեռնողը եղել է Արնսբերգի (Գերմանիա) կառավարության շրջկոմի գրադարանային բաժնի ղեկավար Յոհան Տրաուբը։

Մշակույթի կենտրոններ

Արգելոց-թանգարանում գործում են 4 մշակույթի կենտրոններ`ռուսերեն, կալմիկերեն, թաթարերեն և գերմաներեն։ Լանգերֆելդ եղբայրների անվան գերմանական մշակույթի կենտրոնը տարածաշրջանային գերմանական մշակութային ինքնավարության մաս է կազմում և գործում է Հին Սարեպտայի արգելոց-թանգարանում 1990 թվականից։ Թանգարանի ռուսական կենտրոնը ներառում է պատմական վերակառուցման ակումբը և «Ալատիր» դերային մոդելավորման ակումբը։

Գծագիր

	1А - Չամուսնացած քույրերի տուն
	1Б - Ամուրի եղբայրների տուն
	2 - Կիրխա
	3 - Հանրային վարչության տուն
	4 - Հովվի տուն
	5 - Դեղագործի տուն
	6 - Բնակելի տուն
	7 - Օղեգործարան
	8 - Իջևանատուն
	9 - Ալեքսանդր Բեկկերի բնակելի տուն
	10 - Գոլդբախի կրպակ
	11 - Գաղութարարի բնակելի տուն
	12 - Հարուստ գաղութարարի բնակելի տուն
	13/1 - Լանգերֆելդի տուն
	13/2 - Աղքատների տուն
	13/3 - Մոմե արվեստանոցի բնակելի տուն
	14 - Բնակելի տուն
	15 - Բնակելի տուն
	16 - Բնակելի տուն
	17 - Գլիչ մանանեխի գործարանի արտադրական շենք
	18 - Գլիչ մանանեխի գործարանի վարչական շենք
	19 - Ախոռ
	21 - Բնակելի տուն
	22 - Կնոբլոխի պահեստ
	23 - Կնոբլոխի պահեստ

Պատկերասրահ

• 
• 
• 
  Սարեպտական կիրխայի ժամանակակից սրահ

Արտաքին հղումներ

• Պաշտոնական կայք
• Страница Արխիվացված 2014-03-22 Wayback Machine Музея-заповедника на сайте городской администрации
• culture.volganet.ru Արխիվացված 2012-09-26 Wayback Machine - Сарептской кирхе - 240
• culture.volganet.ru(չաշխատող հղում) - Найден вход в подземелья Сарепты

Վիքիպահեստն ունի նյութեր, որոնք վերաբերում են ««Հին Սարեպտա» պատմա-ազգագրական և ճարտարապետական արգելոց-թանգարան» հոդվածին։