Եկել ես այստեղ, որ ի՞նչ անես

<img src="//upload.wikimedia.org/wikipedia/commons/thumb/1/1b/Nuvola_apps_kaboodle.svg/20px-Nuvola_apps_kaboodle.svg.png" decoding="async" width="20" height="20" class="mw-file-element" data-file-width="128" data-file-height="128"> Արտաքին տեսաֆայլեր
<img src="//upload.wikimedia.org/wikipedia/commons/thumb/1/1b/Nuvola_apps_kaboodle.svg/15px-Nuvola_apps_kaboodle.svg.png" decoding="async" width="15" height="15" class="mw-file-element" data-file-width="128" data-file-height="128">	Լեւոն Տեր-Պետրոսյանի ելույթը ապրիլ 13, 2013

Արտաքին տեսաֆայլեր
	Սերժ Սարգսյանի Եռաբլուր կատարած այցի տեսանյութը

2013 թվականի հունվարի 28-ին՝ Հայաստանի բանակի օրվա տոնակատարությունների շրջանակում, Հայաստանի նախագահական ընտրությունների քարոզարշավի ժամանակ, Եռաբլուր պանթեոն կատարած այցի ընթացքում Հայաստանի նախագահ Սերժ Սարգսյանը՝ ի պատասխան ենթադրյալ սոցիալապես անապահով վիճակում գտնվող կնոջ օգնության խնդրանքին պատասխանեց հետևյալ կերպ՝ «Եկել ես մեր տոնը խանգարում ես, որ ի՞նչ անես»^[1]^[2]։ Հետագա ամիսների ընթացքում այս արտահայտությունը դարձավ թևավոր խոսք հայկական քաղաքական և հասարակակակակ դաշտում, ինչպես նաև մեմ՝ համացանցում^[3]։

Մեկնաբանություններ խմբագրել

Մեկնաբանելով նախագահ Սարգսյանի այս արտահայտությունը, ՀՀԿ փոխնախագահ Գալուստ Սահակյանը փետրվարի 14-ին ասաց, որ «մարդիկ տեսնում են, որ շատ խաղաղ ընթացք ունի, փորձում են աղավաղել, բորբոքել, անտեղի բարձրաձայնել, նոր մոտեցումներ ձևավորել»^[4]։

Ըստ սոցիոլոգ Ահարոն Ադիբեկյան ՀՀ նախագահի արած այդ արտահայտությունը «վատ է անդրադարձել նրա վարկանիշի վրա» նախագահական ընտրությունների քարոզարշավի ընթացքում^[5]։

Գործածումներ խմբագրել

Հունվարի 30-ին Ֆեյսբուք սոցիալական ցանցում ստեղծվել է «Եկել ես ստեղ. որ ի՞նչ անես» անվանումով էջ, որը մայիսի դրությամբ ունի մոտ 8,800 հավանում^[6]։ 2013 թվականի փետրվարի 18-ին կայացած նախագահական ընտրությունների օրը Ֆեյսբուքում հայտնվեցին քվեաթերթիկների լուսանկարներ, որոնց վրա գրված էր «ընտրեմ, որ ի՞նչ անեմ» արտահայտությունը^[7]։

Հայտնի անձանց կողմից խմբագրել

Մարտի 4-ին, դերասան Վարդան Պետրոսյանը «Կենտրոն» հեռուստաընկերության եթերում Պետրոս Ղազարյանի «Ուրվագիծ» հաղորդման ժամանակ ևս օգտագործել է այս արտահայտությունը^[8]։
Ապրիլի 13-ին կայացած Հայ Ազգային Կոնգրես կուսակցության հիմնադիր համագումարի ժամանակ, ՀՀ առաջին նախագահ և ՀԱԿ առաջնորդ Լևոն Տեր-Պետրոսյանը խոսելով Րաֆֆի Հովհաննիսյանի շարժմանը միանալու մասին հայտարարեց՝ «Մի մոդայիկ հարց կա, որը շրջանառության մեջ է դրել մեր հարգարժան Սերժ Սարգսյանը՝ միանայի ի՞նչ անեի, միանայի, որ գնայի Վովա Գասպարյանի հետ աղոթեի՞»^[9]։
Ապրիլի 22-ին, ՀՀԿ խմբակցության անդամ Շուշան Պետրոսյանը խոսելով 2013 թվականի Երևանի ավագանու քարոզարշավի ընթացքի մասին քննադատեց ՀԱԿ քարոզարշավի «ագրեսիվությունը» և հարցադրում կատարեց՝ «ատելությամբ գալիս ես քաղաքապետ դառնաս, որ ի՞նչ անես»^[10]։
Մայիսի 14-ին, ի պատասխան այն հարցադրմանը թե արդյոք ԲՀԿ առաջնորդ Գագիկ Ծառուկյանը մասնակցելու է Րաֆֆի Հովհաննիսյանի հրավիրած մայիսի 19-ի հավաքին, ԲՀԿ խոսնակ և ԱԺ պատգամավոր Տիգրան Ուրիխանյանը պատասխանեց՝ «Գնանք, որ ի՞նչ անենք»^[11]։
Հունիսի 3-ին, խոսելով ՀՀ Եվրոպական միությանը ադամակցելու մասին, նախկին վարչապետ Հրանտ Բագրատյանը ասաց. «Եվրամիությանը, ես չեմ հասկանում, գնում ենք էնտեղ ի՞նչ անենք, երբ որ մի արժույթ կա ինչպես արտահանող այդպես էլ ներմուծող»^[12]։
Հոկտեմբերի 19-ին, «Գյումրի-Ասպարեզ» օրաթերթի խմբագիր Լևոն Բարսեղյանը խոսելով Ռուսաստանի նախագահ Վլադիմիր Պուտինին Զորի Բալայանի վիճահարույց նամակի մասին ասաց. «Գրում ես Վալոդին, որ ի՞նչ անես»^[13]։

Այլ խմբագրել

«Առավոտ» օրաթերթի գլխավոր խմբագիր Արամ Աբրահամյանը 2013 թ. մայիսի 9-ի իր հոդվածում գրել է՝

…Եթե որևէ մեկը հրադադարից հետո եղել է Շուշիում և տեսել է Հարավային Կովկասի այդ երբեմնի մշակութային կենտրոնի անմխիթար վիճակը, նա անպայման կհարցնի մոդայիկ դարձած դարձվածքաբանությամբ՝ «Շուշին ազատագրել ենք, որ ի՞նչ անենք»^[14]։

Ծանոթագրություններ խմբագրել

[1] «Ի՞նչ ես եկել լացում ու տոնը խանգարում ես». Սերժ Սարգսյան (տեսանյութ) 168 ժամ

[2] Սերժ Սարգսյան. Եկել ես ստեղ, լաց ես լինում, մեր տոնը խանգարում ես, որ ի՞նչ անես (տեսանյութ)

[3] Եկել ես ստեղ, որ ի՞նչ անես - մեմերի հանգրագիտարան

[4] Գալուստ Սահակյանը՝ «Եկել ես ստեղ, որ ինչ անես»–ի մասին Արխիվացված 2013-05-25 Wayback Machine slaq.am

[5] «Եկել ես ստեղ լաց ես լինում, մեր տոնը խանգարում ես, որ ինչ անես» ՀՀ նախագահի այս արտահայտության հետեւանքները «Առավոտ»

[6] Ֆեյսբուքյան նախաձեռնություն. «Եկել ես ստեղ, որ ի՞նչ անես» (տեսանյութ) 7 օր

[7] Ընտրեմ, որ ինչ անեմ (photo)(չաշխատող հղում) slaq.am

[8] Ուրվագիծ 04.03.2013

[9] Տեր-Պետրոսյան. Միանայի Րաֆֆիին, որ ի՞նչ անեի. իմ մանկության երազանքը չի եղել Վովայի հետ աղոթելը PanARMENIAN.Net

[10] Ատելությամբ գալիս ես քաղաքապետ դառնաս, որ ի՞նչ անես. Շուշան Պետրոսյանը` ՀԱԿ-ին panorma.am

[11] ԲՀԿ-ն ու ՀՀԿ-ն չեն ընդունի Րաֆֆի Հովհաննիսյանի հրավերը. «Գնանք, որ ի՞նչ անենք»

[12] Հ. Բագրատյան. «Գնում ենք էնտեղ՝ ի՞նչ անենք» Ա1պլյուս

[13] Գրում ես Վալոդին, որ ի՞նչ անես Լևոն Բարսեղյանը՝ Զորի Բալայանի նամակի մասին 1in.am

[14] Ոչ տոնական մտորումներ Մայիսի 9, 2013 «Առավոտ»

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]