21 Jump Street (21 Ջամփ փողոց)
«21 Jump Street», Ամերիկյան մարտաֆիլմ և կինոկատակերգություն, որը թողարկվել է 2012 թվականին։ Ֆիլմի ռեժիսորները՝ Ֆիլ Լորդը և Քրիստոֆեր Միլլերն են, իսկ սցենարիստը՝ Միքայել Բակալլը։ Ֆիլմի գլխավոր դերերում են՝ Ջոնա Հիլը և Չենինգ Թաթումը[16]։ Ֆիլմը 1987 թ. հեռուստասերիալի ադապտացիան է, որը պատկերում է երկու ոստիկանների, ովքեր ստիպված են լինում հանդես գալ ավագ դպրոցի աշակերտների դերերում, թմրանյութ հայտնաբերելու համար։ Ֆիլմը թողարկվել է 2012 թվականի մարտի 16-ին «Columbia Pictures»-ի և «Metro-Goldwyn-Mayer»-ի կողմից և վաստակել է 201 միլիոն դոլար։ 2014 թ. հունիսի 13-ին թողարկվեց «22 Jump Street»-ը։
Սյուժե խմբագրել
2005 թ. շրջանավարտներ, բազմակողմանի զարգացած աշակերտ՝ Մորթոն Շմիթը (Ջոնա Հիլ) և հայտնի մարզիկ, սակայն ցածր առաջադիմություն ունեցող՝ Գրեգ Ջենկոն (Չենինգ Թաթում) բաց են թողնում իրենց ավարտական երեկոն։ Շմիթը մերժվելով իր դասընկերուհու կողմից, չի մասնակցում երեկոյին, իսկ Ջենկոյին, վատ առաջադիմության պատճառով արգելում են մասնակցել։ Յոթ տարի անց նրանք նորից հանդիպում են, այս անգամ արդեն Ոստիկանական ակադեմիայում, և դառնում են գործընկերներ։
Առաջին անգամ, իրենց հանձնարարում են այգում կարգ ու կանոն պահպանել։ Այդ ընթացքում, նրանք նկատում են մի մոտոցիկլիստների խմբի, որոնց վարքագիծը ոստիկաններին կասկածելի է թվում։ Ոստիկանները փորձում են ձերբակալել Դոմինգոյին, չտեղեկացնելով նրան իր իրավունքների մասին (Միրանդայի նախազգուշացում)։
Այնուհետև զույգը ստիպված է լինում գնալ «21 Jump Street» (փողոց), որտեղ էլ սկսում են մասնակցել մի ծրագրի, որն իր մասնակիցներին ուղարկում է տարբեր ավագ դպրոցներ՝ թմրանյութեր հայտնաբերելու համար։ Հրամանատար Դիքսոնը (Ice Cube) իրենց հանձնարարում է «Սագան» ավագ դպրոցում տարածվող թմրանյութը հայտնաբերել։ Թմրանյութը կոչվում է ՀՖՍ (HFS; Holy Fucking Shit): Դիքսոնը զույգին նոր ինքնություններ է տալիս և իրենց ընդգրկում դպրոցական գործունեություններում՝ Ջենկոյին ընդգրկելով արվեստի դասերի, իսկ Շմիթին գիտական ոլորտի դասերի մեջ, սակայն զույգը խառնում է իրենց ինքնությունները։ Շմիթը իր դասընկերուհի Մոլլիից տեղեկություններ է հավաքում թմրանյութի մասին և արդյունքում ինքն ու Ջենկոն հանդիպում են դպրոցի գլխավոր թմրանյութ վաճառողին՝ Էրիկին (Դեյվ Ֆրանկո)։ Իրենց ինքնությունը չբացահայտելու համար, զույգը տեղում թմրանյութն օգտագործում է։ Էրիկը սկսում է ընդունել Շմիթին, ով իր հերթին սիրահարվում է Մոլլիին։ Ջենկոն ընկերանում է իր քիմիայի դասընթացի դասընկերների հետ և համակրանք է գտնում ակադեմիական առարկաների մեջ։ Շմիթի ծնողների բացակայության ժամանակ զույգը խնջույք է կազմակերպում, հրավիրելով Էրիկին։ Խնջույքի ժամանակ ծեծկռտուք է բռնկվում Շմիթի, Ջենկոյի և խնջույք այցելողների միջև։ Շմիթը հաղթում է և ստանում Էրիկի վստահությունը։ Ջենկոյի ընկերները Էրիկի բջջային հեռախոսի մեջ սարք են տեղադրում, որով հետագայում կարողանում են լսել Էրիկի խոսակցությունները։
Ժամանակի ընթացքում Ջենկոյի և Շմիթի հարաբերությունները սրվում են, անգամ այն աստիճանի, որ վիճաբանությունները վերածվում են ծեծկռտուքի և այս պատճառով դպրոցն իրենց հեռացնում է։ Այս լուրը իմանալով, հրամանատար Դիքսոնը իրենց վտարում է «Jump Street» ծրագրից։ Որոշ ժամանակ անց Էրիկը Ջենկոյին և Շմիթին խնդրում է իր թիկնապահները լինել՝ դպրոցի ավարտական երեկոյի ժամանակ անցկացվող գործարքի համար։ Այս ժամանակ էլ Ջենկոն և Շմիթը հաշտվում են։ Ավարտական երեկոյի ժամանակ նրանք բացահայտում են, որ թմրանյութ տրամադրողը դպրոցի ֆիզկուլտուրայի ուսուցիչն է՝ Պարոն Ուալթերսը (Ռոբ Ռիգգլ), ով թմրանյութը պատահականոր էր պատրաստել և սկսել էր վաճառել աշակերտներին։ Պարոն Ուալթերսին և Էրիկին ձերբակալելու ժամանակ Շմիթը և Ջենկոն հաշտվում են, իսկ Շմիթն ու Մոլլին համբուրվում։ Երկու ոստիկաններն էլ ետ են միանում «Jump Street» ծրագրին և ստանում իրենց հաջորդ հանձնարարությունը։
Դերակատարներ խմբագրել
- Ջոնա Հիլը Մարթոն Շմիթի դերում
- Չենինգ Թաթումը Գրեգ Ջենկոյի հերում
- Բրի Լարսոնը Մոլլի Թրեյսիի դերում
- Դեյվ Ֆրանկոն Էրիկ Մոլսոն դերում
- Ռոբ Ռիգգլը Պարոն Ուալթերսի դերում
- ԴեՌեյ Դեյվիսը Դոմինգոյի դերում
- Ice Cube-ը հրամանատար Դիքսոնի դերում
- Քրիս Փարնելը Պարոն Գորդոնի դերում
- Էլլի Կեմպերը Տիկին Գիգգզի դերում
- Ջեյք Ջոնսոնը տնօրեն Դադիերի դերում
- Նիկ Օֆֆերմանը փոխնախագահ Հարդիի դերում
- Հոլլի Ռուբինսոն Փիթը սպա Ջուդի Հոփսի դերում
Ծանոթագրություններ խմբագրել
- ↑ Internet Movie Database — 1990.
- ↑ 2,0 2,1 2,2 2,3 2,4 2,5 http://www.metacritic.com/movie/21-jump-street
- ↑ 3,0 3,1 3,2 http://www.imdb.com/title/tt1232829/
- ↑ 4,0 4,1 http://www.nytimes.com/2012/03/16/movies/21-jump-street-with-jonah-hill-and-channing-tatum.html?_r=0
- ↑ 5,0 5,1 5,2 5,3 5,4 5,5 5,6 https://www.filmaffinity.com/en/film907984.html
- ↑ 6,0 6,1 Internet Movie Database — 1990.
- ↑ Internet Movie Database — 1990.
- ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
- ↑ 9,0 9,1 9,2 9,3 9,4 http://www.allocine.fr/film/fichefilm_gen_cfilm=49775.html
- ↑ 10,0 10,1 10,2 10,3 10,4 10,5 10,6 10,7 http://www.cinematografo.it/cinedatabase/film/21-jump-street/55603/
- ↑ 11,0 11,1 11,2 11,3 11,4 11,5 11,6 11,7 ČSFD (չեխերեն) — 2001.
- ↑ 12,00 12,01 12,02 12,03 12,04 12,05 12,06 12,07 12,08 12,09 12,10 12,11 12,12 12,13 http://www.imdb.com/title/tt1232829/fullcredits?ref_=tt_ov_st_sm
- ↑ 13,0 13,1 13,2 13,3 http://www.bbfc.co.uk/releases/21-jump-street-2012-0
- ↑ https://www.imdb.com/name/nm4539269/
- ↑ 15,0 15,1 Box Office Mojo — 1999.
- ↑ Coll, Kevin (2009 թ․ դեկտեմբերի 21). «21 Jump Street Gets Phil Lord and Chris Miller to direct». Fused Film. Արխիվացված է օրիգինալից 2012 թ․ փետրվարի 18-ին. Վերցված է 2014 թ․ հունիսի 13-ին.
 | Վիքիպահեստն ունի նյութեր, որոնք վերաբերում են «21 Jump Street (21 Ջամփ փողոց)» հոդվածին։ |