2010 Ֆուտբոլի աշխարհի առաջնության հակասություններ
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
2010 Ֆուտբոլի աշխարհի առաջնությունը ուղեկցվեց բազմաթիվ հակասություններով, մրցավարական սխալներով, որոնք շատ դեպքերում ազդել են խաղի վերջնական արդյունքի վրա։
Մրցավարական սխալներ խմբագրել
Նախընտրական փուլ խմբագրել
Ֆրանսիայի և Իռլանդիայի միջև որակավորման փլեյ-օֆֆ փուլի պատասխան հանդիպման ժամանակ, ֆրանսիացիների ավագ Թիերրի Անրիի՝ մրցակցի տուգանայինում երկու անգամ ձեռքով խաղալուց և փոխանցումից հետո, խփվեց հաղթական գոլը և Ֆրանսիան անցավ աշխարհի առաջնության խմբային փուլ։ Իռլանդիայի ֆուտբոլի ասոցացիան (FAI) պահանջեց վերախաղարկել հանդիպումը, սակայն մերժում ստացավ ՖԻՖԱ-ի կողմից։
Խմբային փուլ խմբագրել
- Սլովենիա — ԱՄՆ հանդիպման ժամանակ մրցավարը չի հաշվել 2-2 հաշվի ժամանակ Էդուի խփած հաղթական գոլը, առանց պատճառի։
- Արգենտինա — Կորեա խաղում Լիոնել Մեսսիի հարվածից հետո դարպասաձողից հետ մղված գնդակը ընկավ Գոնսալո Իգուաինի մոտ, որը խաղից դուրս էր դարպասը գրավելու ժամանակ։
- Գանա — Ավստրալիա խաղում Հարի Կյուելը ձեռքով էր խաղացել ոչ միտումնավոր, գնդակը հարվածից հետո դիպել էր նրա ուսին և նա չպետք է հեռացվեր։
- Ավստրալիա — Սերբիա խաղում Թիմ Կեյհիլը 2-1 հաշվի ժամանակ ձեռքով է խաղացել սեփական տուգանայինում, սակայն մրցավարը չի նշանակել 11-մետրանոց։ Ոչ-ոքիի դեպքում հաջորդ փուլ կանցներ Սերբիան՝ Գանայի փոխարեն։
- Իտալիա — Նոր Զելանդիա հանդիպման ժամանակ նորզելանդացիները գոլը խփել են խաղից դուրս վիճակից։
- Բրազիլիա — Կոտ Դ’Իվուար խաղում Լուիս Ֆաբիանոն գոլից առաջ 2 անգամ խաղացել է ձեռքով, իսկ խաղի վերջում մրցավարը հեռացրել է Կակային Կեյտայի սիմուլյացիայի պատճառով։
Փլեյ-Օֆֆ խմբագրել
Փլեյ-Օֆֆ փուլի մրցավարական սխալներից հետո ՖԻՖԱ-ն արգելեց կրկնապատկերի ցուցադրումը խաղադաշտում։
- Գերմանիա — Անգլիա խաղի ընթացքը ամբողջությամբ փոխվեց, երբ 39-րդ րոպեին Ֆրենկ Լեմպարդը խփեց մաքուր գոլ, իսկ ուրուգվայցի մրցավարը այն չհաշվեց։
- Արգենտինա — Մեքսիկա խաղում Կառլոս Տևեսի առաջին գոլը խփվել է խաղից դուրս վիճակից։
- Իսպանիա — Պորտուգալիա խաղոմ Դավիդ Վիլյան հաղթական գոլը խփել է 0.22 մետր խաղից դուրս վիճակից։
Սուարեսի հանդբոլը խմբագրել
1/4 եզրափակչի Ուրուգվայ - Գանա խաղի ավելացրած ժամանակի վերջին րոպեին ուրուգվայցի հարձակվող Լուիս Ալբերտո Սուարեսը, գանացիների հարվածը սեփական դարպասից պահեց ձեռքով։ Մրցավարը հեռացրեց նրան դաշտից և նշանակեց 11-մետրանոց հարված։ Հաղթանակի դեպքում Գանան կդառնար առաջին աֆրիկյան թիմը, որն երբևէ անցել է կիսաեզրափակիչ, սակայն Ասամոա Գյանը այն չիրացրեց։ Հետխաղյա 11-մետրանոցներով հաղթեց Ուրուգվայի հավաքականը։
Աֆրիկյան մամուլը ուրուգվայցուն համարեց համար մեկ թշնամի։ Սուարեսը ներողություն չխնդրեց՝ հայտնելով, որ դա առաջնության լավագույն սեյվն էր։ Նա նաև նշեց, որ «Աստծո ձեռքը» տիտղոսը հիմա պատկանում է իրեն։
ՖԻՖԱ-ի եզրակացությունը խմբագրել
ՖԻՖԱ-ի մրցավարական կոմիտեն դրական է գնահատել 2010 թ Աշխարհի գավաթի մրցավարությունը՝ նշելով, որ 96% դեպքերում մրցավարների որոշումները ճիշտ էին։