Քո սեփական բիզնեսը Հայաստանում
Քո սեփական բիզնեսը Հայաստանում, բիզնես խորհրդատվության, ուսուցման մասնագետ Սամվել Գևորգյանի հեղինակած հայաստանյան ավելի քան երկու հարյուր ընկերությունների և կազմակերպությունների պատմությունները լուսաբանող բիզնես գիրք[1]։
Քո սեփական բիզնեսը Հայաստանում անգլ.՝ Your own business in Armenia | |
|---|---|
| Տեսակ | գրական ստեղծագործություն |
| Ժանր | Բիզնես գրքեր |
| Բնօրինակ լեզու | հայերեն |
| Երկիր |  Հայաստան |
| Հրատարակիչ | Անտարես |
Գրքում ներկայացված են հայաստանյան բիզնեսի երկու հարյուրից ավելի պատմություն այնպիսի ոլորտներից, ինչպիսիք են տեղեկատվական տեխնոլոգիաները, տուրիզմը, արտադրությունը, ծառայությունները և այլն[1]։
Գրքի հիմքում է դրված հեղինակի՝ Սամվել Գևորգյանի սեփական բիզնեսներով զբաղվելու 26 տարվա փորձը, բիզնեսի խորհրդատվական գործունեությունը հարյուրավոր ընկերությունների հետ և թրեյնինգային փորձառությունը հազարավոր մասնակիցների հետ[1]։
Պատմություն խմբագրել
Գրքի առաջին երեք տարբերակները հրատարակվել են 2003-2010 թվականներին և կոչվել են «Ինչպես սկսել սեփական բիզնես Հայաստանում»։ 2016 թվականի դեկտեմբերին հրատարակությունը անվճար տեղադրելուց հետո ներբեռնումների թիվն անցավ 25,000-ը, որից հետո որոշում կայացվեց տպել գրքի չորրորդ հրատարակությունը, որը վերնագրվեց «Քո սեփական բիզնեսը Հայաստանում»։ «Չորրորդ՝ լրամշակված և նորացված հրատարակության մեջ ներկայացված է բիզնեսի ամբողջ ճանապարհը՝ սկսած գաղափարից և բիզնես մոդելից, մինչև հաջողության բարձունքներին հասնելը»[1]։
Բովանդակություն խմբագրել
Գիրքը բաղկացած է 21+1 գլխից, որոնք բաժանված են 4 հիմնական մասի՝
- Պլանավորիր քո բիզնեսը,
- Կազմակերպիր քո բիզնեսը,
- Կառավարիր քո բիզնեսը,
- Զարգացրու քո բիզնեսը[1]։
Lրացուցիչ 22-րդ գլխի գաղափարն այն է, ինչպես նշված է գրքում, «որ եկել է ժամանակը՝ գործելու, ինքնակազմակերպվելու և Հայաստանում բիզնես սկսելու»[1]։